ಮಳೆ ಗೆಳತಿ ... ನೀನೀಕೆ ಬರುತಿ ?

ಹೇ ವರ್ಷಧಾರೆ
ನೀ ಎಷ್ಟು ವಿಚಿತ್ರ ಗೆಳತಿ
ಬೇಸಿಗೆಯಲ್ಲಿ ಬಾಯಾರಿದ ಗೆಳೆಯನಿಗೆ
ತಂಪನುಣಿಸಲೆಂದೇ ಬರುವೆಯಾ ?

ಕಾದು ಕಾದು ಬತ್ತಿರುವ ಭಾವದ ತೊರೆಯ
ಮತ್ತೆ ಉಕ್ಕಿಸಲೆಂದೇ ಬರುವೆಯಾ ?

ನೀ ಬಂದೊಡನೆ ಅರಳುವ ಗೆಳೆಯನ
ಹಸಿರು ಮೊಗವ ನೋಡಲು ಬರುವೆಯಾ ?
ನಿನ್ನ ಕಂಡೊಡನೆ ಹರಿದಾಡುವ
ಆ ಚೈತನ್ಯದ ನೀರ ನೋಡಲು ಬರುವೆಯಾ ?

ನೀ ಬರುವೆ ಎಂದೊಡೆ ವಟವಟಗುಟ್ಟುವ
ಗೆಳೆಯನ ಆ ಕೂಗ ಕೇಳಲೆಂದೇ ಬರುವೆಯಾ ?
ನಿಮ್ಮಂತೆ ಈ ಮಳೆಯಲಿ ಹೊಸ ಹ್ರದಯಗಳು
ಹಳೆ ರೀತಿ ಸೇರಲೆಂದೆ ಬರುವೆಯಾ ?


ಪುಟ್ಟ ಕಂದ ನೆನೆಯಾಯಬಾರದು ಎಂದು
ಕೊಡೆತರುವ ತಾಯಿಯ ಆ ಅಗಣಿತ ಮಮತೆಯ
ತೋರಿಸಲು ಬರುವೆಯಾ ?
ಹೊಸ ಬೆಳಕನು , ತುಸು ನೆಮ್ಮದಿಯನು ಬಯಸುವ
ಆ ನೇಗಿಲ ಯೋಗಿಯ ಬದುಕಿಸಲೆಂದೇ ಬರುವೆಯಾ ?

ಹೇಳು ಗೆಳತಿ ನೀನೇಕೆ ಬರುವೆ ?
ಈ ಗೆಳೆಯನೆದೆಯೊಳಗೆ ಹೊಸ ಕಲರವವ ತರುವೆ ?