ಎಲ್ಲಿ ಕಾಣೆಯಾಗಿರುವಿರಿ ? ನನ್ನ ಎಮ್ಮೆಗಳೆ ಬನ್ನಿ....

(ನನ್ನೆಲ್ಲಾ ಗೆಳೆಯ/ಗೆಳತಿಯರಿಗೆ ಈ ಕವನ ಸಮರ್ಪಿತ)

ಎಲ್ಲಿ ಕಾಣೆಯಾಗಿರುವಿರಿ

ನನ್ನ ಎಮ್ಮೆಗಳೆ ಬನ್ನಿ ಇಲ್ಲಿ,

ಕಣ್ಣ ಮುಚ್ಚಿ ಹತ್ ಎಣಿಸುವೆ

ನನ್ನ ಎದುರು ಬಂದು ನಿಲ್ಲಿ.

ಕಲ್ಲು ಮುಳ್ಳುಗಳಿದೆ ಎಲ್ಲೆಡೆ

ಆದಿರೇಕೆ ಒಬ್ಬಂಟಿ ?

ಬನ್ನಿ ಎಲ್ಲರೂ ,ಕೂಡಿ ತಿನ್ನುವ

ಈಗ ಒಂದು ಬನ್-ಟೀ

ಥೂ ,ಎಲ್ಲಿರುವಿರಿ??

ಹ್ಯಾಪಿ ಬರ್ತಡೇಯ ದಿನ ಜಾಡಿಸಿ

ಒದೆಯುವ ನನ್ನ ಎಮ್ಮೆಗಳೇ ಬನ್ನಿ

ಹ್ಯಾಪುಮೋರೆ ಹಾಕಿಕೊಂಡ ದಿನವು

ಗುದ್ದಿ ಎಬ್ಬಿಸಿದ ಎಮ್ಮೆಗಳೇ ಬನ್ನಿ

ಖಾಲಿ ಥೈಲಿಗೆ ಸಾಲವ ನೀಡಿ,

ಜೋಲಿ ಹೊಡೆದ ಮನವ ತಿದ್ದಿ ತೀಡಿ,

ಹೋದಿರೆಷ್ಟು ದೂರ ಸಾಗಿ??

ಕೇಳದೇಕೆ ನಿಮಗಿಂದು,ನಾ ಕರೆದರೂ ಕೂಗಿ!