ಬ್ರಹ್ಮಕುಮಾರಿ

"ಯು ಆರ್ ಆಕ್ಟಿಂಗ್ ಲೈಕ್ ಅ ಬಿಚ್..." ಶತಭಿಷ ನೇರವಾಗೇ ಬೈದಿದ್ದ.
"ಕಮಾನ್....ಗ್ರೋ ಅಪ್..." ಆಕೆ ಕ್ಯಾರೇ ಅನ್ನಲಿಲ್ಲ.  ಬೇಕಾದವರಿಗೆಲ್ಲಾ ಕಾಲ್ ಮಾಡಿ ಕರೆಯತೊಡಗಿದಳು. ಶುರುವಿನಲ್ಲಿ ಏನೇನೋ ಕಾರಣ ಹೇಳಿದರಾದರೂ "ಮುಚ್ಕೋಂಡ್ ಬರ್ರೋ" ಎಂದು ಉಗಿದ ಮೇಲೆ ಒಬ್ಬೊಬ್ಬರಾಗಿ ಹಳೆಯ ಗೆಳೆಯರೆಲ್ಲಾ ಬಂದು ಸೇರತೊಡಗಿದರು.
ಶತಭಿಷ ಕನಿಷ್ಠ ಹತ್ತು ಬಾರಿ ಸ್ಥಿರೆಗೆ ಕರೆ ಮಾಡಿದ್ದ. ಆಕೆ ಹತ್ತೂ ಬಾರಿ ಕಟ್ ಮಾಡಿದ್ದಳು.
ಹನ್ನೊಂದನೇ ಕರೆ ಕಟ್ ಮಾಡಿ ಆಕೆ ರಿಪ್ಲೈ ಮಾಡಿದ್ದಳು.
"ಡೋಂಟ್ ವರಿ ಅಬೌಟ್ ಮಿ...ಹ್ಯಾಪಿ ಬರ್ತ್‍ಡೇ ಇನ್ ಅಡ್ವಾನ್ಸ್...ಗುಡ್ ನೈಟ್.." ಶತಭಿಷನಿಗೆ ಸ್ವಲ್ಪ ಧೈರ್ಯ ಬಂದಿತು. ಆದರೆ ಸಮಾಧಾನವೇನೂ ಆಗಲಿಲ್ಲ.
"ಹ್ಯಾಪೀ ಬರ್ತ್ ಡೇ ಟು ಯು...ಹ್ಯಾಪೀ ಬರ್ತ್ ಡೇ ಟು ಯು...ಹ್ಯಾಪಿ ಬರ್ತ್ ಡೇ ಹ್ಯಾಪಿ ಬರ್ತ್ ಡೇ ಡಿಯರ್ ಶತಭಿಷ....." ಶತಭಿಷನ ಹತ್ತಿರದವರೆಲ್ಲಾ ಸೇರಿದ್ದರು. ಕೇಕ್ ಕಟ್ ಮಾಡಿಸಿದರು. ಮುಖದ ಮೇಲೆ ಒತ್ತಾಯದ ನಗುವಿತ್ತು. ಎದುರಿಗೆ ಅವನಿಗೆ ಭಯಂಕರ ಇಷ್ಟವಾದ ಫೈನಾಪಲ್ ಕೇಕ್ ಇತ್ತು. ಅದ್ಯಾರೋ ಫೋಟೋ ತೆಗೆಯಲು "ಚೀಝ್ " ಅಂದರು. ಶತಭಿಷ ತನ್ನದೇ ಮೊಬೈಲಿನಲ್ಲಿ ಫೋಟೋ ತೆಗೆಸಿಟ್ಟುಕೊಂಡ. ಎಲ್ಲರಿಗೂ ಡ್ರಿಂಕ್ಸ್ ಸರ್ವ್ ಮಾಡಿದ. ಚಲನಾ ಊಟ-ತಿಂಡಿಯ ಜವಾಬ್ದಾರಿ ನೋಡಿಕೊಂಡಿದ್ದಳು. ಒಬ್ಬೊಬ್ಬರಾಗಿ ಎಲ್ಲರೂ ಖಾಲಿಯಾಗತೊಡಗಿದ ಮೇಲೆ ಚಲನೆಯೂ ಹೊರಡುವ ತಯಾರಿ ನಡೆಸಿದಳು.
"ನೀನ್ ಎಲ್ಲಿಗ್ ಹೊರಟೆ?" ಆತ ಕುತೂಹಲದಿಂದ ಕೇಳಿದ.
"ನನ್ ಫ್ಲ್ಯಾಟಿಗೆ. ಇನ್ನೆಲ್ಲಿಗೆ?" ಆಕೆ ತಾನು ಉಟ್ಟಿದ್ದ ಬಿಳೀ ಸೀರೆಯ ಮೇಲೆ ಕಪ್ಪು ಜರ್ಕೀನ್ ಧರಿಸುತ್ತಿದ್ದಳು.
"ಲೇಟ್ ಆಗಿಲ್ವೇನೆ...ಇಲ್ಲೇ ಇದ್ದ್ ಹೋಗು" ಆತ ನಿಶ್ಚಯವಾಗಿ ಹೇಳಿದ್ದ.
"ಬೇಡಪ್ಪಾ...ನೀನ್ ಮದ್ವೆ ಆದೋನು...ಆಮೇಲ್ ಸ್ಥಿರಾ ತಪ್ಪ್ ತಿಳ್ಕೊಂಡ್ರೆ ಕಷ್ಟಾ" ಆಕೆ ನಗುತ್ತಲೇ ಹೇಳಿದ್ದಳು.
"ಇನ್ನೇನ್ ತಪ್ಪ್ ತಿಳ್ಕೊಳಕ್ಕ್ ಬಾಕಿ ಇದೆ ಅಂತಾ?" ಆತ ತಲೆ ಕೆಳಹಾಕಿದ್ದ.
"ಸಿಲ್ಲಿ ಗರ್ಲ್..." ಆಕೆ ಹಣೆ ಚಚ್ಚಿಕೊಂಡಳು.
"ಎಲ್ರೂ ನಿನ್ ಥರ ಇರಲ್ಲಾ ಕಣೇ" ಆತ ಸ್ಥಿರೆಯನ್ನು ಬಿಟ್ಟುಕೊಡಲು ತಯಾರಿರಲಿಲ್ಲ.
"ಹಮ್...ಇರೋ ವಿಷ್ಯ ಹೇಳ್ಬಿಡೋ...." ಆಕೆ ಸಲಹೆಯಿತ್ತಿದ್ದಳು.
"ಅದ್ರಿಂದ ಏನಾಗತ್ತೆ ಅಂತಾ?" ಆತ ಮರುಪ್ರಶ್ನಿಸಿದ್ದ.
"ಅವಳಿಗ್ ಇರೋ ಡೌಟ್ ಕ್ಲಿಯರ್ ಆಗತ್ತೆ...ರಿಲೇಷನ್‍ಶಿಪ್‍ಅಲ್ಲಿ ಈ ಥರ ಸಣ್ಣ್ ಸಣ್ಣ್ ವಿಷಯಾನೇ ತುಂಬಾ ಕಿರಿಕಿರಿ ಕೊಡತ್ತೆ..ಕ್ಲಿಯರ್ ಮಾಡ್‍ಬಿಡು"...ಆಕೆ ಎಕ್ಸ್‍ಪ್ಲೇನ್ ಮಾಡುತ್ತಿದ್ದಳು
"ಹಂಗಂತಿಯಾ...ಬಟ್ ಹೆಂಗ್ ಹೇಳ್ಳಿ ಗೊತ್ತಾಗ್ತಿಲ್ಲ..." ಆತ ತಲೆಕೆರೆದುಕೊಂಡ....
"ನೀನ್ ಶ್ರೀರಾಮ್‍ಚಂದ್ರ ಕಣೋ...ಬಟ್ ಇದು ಕಲಿಯುಗ..ಟ್ರುಥ್‍ಟೆಸ್ಟ್ ನಿಂಗೇ ಅನ್ಕೋ...ಬೆಂಕಿ ಒಳಗ್ ಬೀಳು...ನನ್ ಆಶೀರ್ವಾದ ಇದೆ..." ಆಕೆ ಕಿಚಾಯಿಸುವುದು ಬಿಡಲಿಲ್ಲ...
"ಅದ್ರಿಂದ ನಿಂಗೇನ್ ಪ್ರಾಬ್ಲಂ ಇಲ್ವಾ?" ಆತ ಅನುಮಾನಿಸಿದ್ದ..
"ಅದ್ರಿಂದ ನೀನು ಮತ್ತೆ ಸ್ಥಿರಾ ಚೆನಾಗ್ ಇರ್ತಿರಾ ಅಂದ್ರೆ ಐ ಡೋಂಟ್ ಮೈಂಡ್...ಅಷ್ಟಕ್ಕೂ ನಾನೇನ್ ತಪ್ಪ್ ಮಾಡ್ತಿಲ್ವಲ್ವಾ?" ಆಕೆ ವ್ಯಾನಿಟಿ ಹೆಗಲೇರಿಸಿ ಹೊರಟಿದ್ದಳು.
"ತಪ್ಪೇನಲ್ಲ...ಆದ್ರೂ ಏನೋ ಅನ್‍ಕಾಮನ್ ಅನ್ಸಲ್ವಾ? " ಆತ ದಾರಿಯ ಮಧ್ಯವೇ ನಿಂತಿದ್ದ.
"ಗಂಡಸ್ರಿಗಾದ್ರೆ ಅದೆಲ್ಲಾ ನಾರ್ಮಲ್ಲಾ? " ಆಕೆಯ ಪ್ರಶ್ನೆಗೆ ಆತನ ಬಳಿ ಉತ್ತರವಿರಲಿಲ್ಲ..
"ಆದ್ರೂ ತೀರಾ ಪರಸ್ನಲ್ ಅನ್ಸತ್ತಪ್ಪಾ..." ಆತ ಹಿಂಜರಿಯುತ್ತಿದ್ದ....
"ಗಂಡಸರೂ ನಾಚ್ಕೊತಾರಾ?" ಆಕೆ ಕಣ್ಣು ಹೊಡೆದಿದ್ದಳು.
ಆತ ದಾರಿ ಬಿಟ್ಟು, ಚಿಲಕ ಹಾಕಿಕೊಂಡಿದ್ದ. ಕುಡಿಯಲು ಶುರುವಿಟ್ಟುಕೊಂಡಿದ್ದ.
"ಐ ಆಮ್ ಸಾರಿ...ಎಲ್ಲಾ ಹೇಳ್ತೀನಿ...ಟೇಕ್ ಕೇರ್..."  ನಶೆಯಲ್ಲಿಯೇ ಸ್ಥಿರೆಗೆ ಮೆಸ್ಸೇಜು ಹಾಕಿ ಮಲಗಿಕೊಂಡಿದ್ದ. ಆದರೆ ಸ್ಥಿರೆಗೆ ನಿದ್ದೆ ಹತ್ತಿರಲಿಲ್ಲ...
**
ಮುಂದಿನ ವೀಕೆಂಡಿನಲ್ಲಿ ಮತ್ತೊಂದು ಮೀಟಿಂಗ್ ನಡೆಯುವುದಿತ್ತು. ಅದಕ್ಕಾಗಿ ಶತಭಿಷ ಚಲನಾಳನ್ನು ಕಾರ್‍ನಲ್ಲಿ ಕೂರಿಸಿಕೊಂಡು ಬ್ರಿಡ್ಜ್ ಕಡೆ ಹೊರಟಿದ್ದ.
ಅದೇ ರಸ್ತೆ, ಅದೇ ಬೀದಿ, ಅದೇ ಗಿಡ-ಮರ, ಅದೇ ಜನ, ಅದೇ ಮನೆಗಳು. ಈಗೆಲ್ಲ ಮನೆಯ ಮೇಲಣ ಆಂಟೇನಾ ಕೆಳಗಿಳಿದು, ಅದರ ಬದಲು ಡಿಷ್ ಬಂದಿತ್ತು. ಸಂಜೆಯಾದರೆ ಕೇಳುತ್ತಿದ್ದ ಭಜನೆಗಳ ಬದಲಾಗಿ, ಧಾರಾವಾಹಿಗಳ ಟೈಟಲ್ ಸಾಂಗ್ ಕೇಳಿಸುತ್ತಿತ್ತು. ಜನರೂ ಬದಲಾಗಿದ್ದರು. ಮುಂಚಿನಂತೆ ಮನೆಯಂಗಳದ ಇಂಚಿಂಚಿಗೂ ಜಗಳ ಆಡುತ್ತಿರಲಿಲ್ಲ. ಪೈಸಾ ಪೈಸಾ ಲೆಕ್ಕಾಚಾರ ಹಾಕುತ್ತಾ ಕಂಜೂಷೀತನ ಮಾಡುತ್ತಿರಲಿಲ್ಲ. ದಾಯಾದಿಗಳ ಜಗಳದ ಅಬ್ಬರವೆಲ್ಲ ಇಳಿದು ಮನೆಯಲ್ಲಿ ಇಬ್ಬರೋ ಮೂವರೋ ಇರುತ್ತಿದ್ದರು. ಸಾಧ್ಯವಾದಷ್ಟು ಹೊಂದಿಕೊಂಡು ಹೋಗುತ್ತಿದ್ದರು..
ಬೆಂಗಳೂರಿನ ಗದ್ದಲದಲ್ಲಿ ಬೆಂದಿದ್ದವಳಿಗೆ ಊರು ಹಾಯಾಗಿತ್ತು. ಕಂಡವರೆಲ್ಲಾ ವಿಶೇಷ ಆಸ್ಥೆಯಿಂದ ಮಾತನಾಡಿಸುತ್ತಿದ್ದರು. ಹಳೇಹೆಂಗಸರು ಚಿಕ್ಕ-ಪುಟ್ಟ ಸಲಹೆಗಳನ್ನೂ ನೀಡುತ್ತಿದ್ದರು. ಸಿ.ಟಿಗೆ ಹೋಗಿಬರುವ ತಮ್ಮಂದಿರು ತಿನ್ನಲೇನೋ ತಂದಿರುತ್ತಿದ್ದರು. ಹಬ್ಬ-ತೇರು-ತಿಥಿ-ಒಪ್ಪತ್ತು-ಪೂಜೆಗಳ ಜೊತೆಜೊತೆ ಕೃಷಿ ಕೆಲಸಗಳೂ ನಡೆಯುತ್ತಿದ್ದು, ಸ್ಥಿರೆಗೆ ಖಾಲಿ ಖಾಲಿ ಅನ್ನಿಸಲೇ ಇಲ್ಲ. ಗೊಂದಲವಿದ್ದರೆ ಅದು ಶತಭಿಷ-ಚಲನಾ ವಿಷಯದಲ್ಲಿ ಮಾತ್ರ.
ಆತ ಬಂದಾಗಿನಿಂದಲೂ ಆಕೆ ಸರಿಯಾಗಿ ಮಾತಾಡಿರಲಿಲ್ಲ. ದಿನಾಲೂ ರಾತ್ರಿ ಕರೆ ಮಾಡುತ್ತಿದ್ದಳಾದರೂ ಎರಡು ನಿಮಿಷದ ಮೇಲೆ ಮಾತಾಡುತ್ತಿರಲಿಲ್ಲ...ಪಕ್ಕದ ಮನೆಯ ಅತ್ತಿಗೆಯ ಬಳಿ ಮಾತಾಡುತ್ತಾ ಅಳುತ್ತಿದ್ದಂತೆ ಎಂಬ ಸಮಾಚಾರ ಸುತ್ತೀಬಳಸಿ ಶತಭಿಷನ ಕಿವಿಗೂ ಬಿದ್ದಿತ್ತು. ಅದಕ್ಕೆಂದೇ ಆತ ಅವಳನ್ನು ಮನೆಯಿಂದ ಹೊರಕ್ಕೆ ಕರೆದುಕೊಂಡು ಬಂದಿದ್ದ.
"ಏನೇನ್ ಕೇಳ್ಬೇಕೋ ಕೇಳು...." ಆತ ಕೊನೆಗೂ ಧೈರ್ಯ ಮಾಡಿ ಕೇಳಿದ್ದ.
"ಏನಿಲ್ಲ..." ಆಕೆ ಮುಖ ತಿರುಗಿಸಿದ್ದಳು..
"ಪ್ಲೀಸ್...." ಆತ ಎಡಗೈಯ್ಯನ್ನು ಮೆದುವಾಗಿ ಅದುಮಿದ್ದ. ಆಕೆ ಕೈಬಿಡಿಕೊಂಡಿದ್ದಳು. ಅಳು ಬಂದಂತಾಗಿದ್ದನ್ನು ತಡೆದುಕೊಂಡಿದ್ದಳು.
"ಎಳ್‍ನೀರ್ ಕುಡಿಬೇಕು ಅನಸ್ತಿದೆ"...ಆಕೆಗೊಂದು ಬ್ರೀದಿಂಗ್ ಸ್ಪೇಸ್ ಬೇಕಿತ್ತು. ಆತ ಅಲ್ಲೇ ಕೆಳಗಡೆಯ ಅಂಗಡಿಗೆ ಹೋಗಿ ಎಳನೀರು ಕೊಚ್ಚಿಸಿಕೊಂಡು ಬಂದ. ಇಬ್ಬರೂ ಮಾತು ಶುರುಮಾಡದೇ ಎಳನೀರು ಕುಡಿದರು. ಎಳನೀರು ಖಾಲಿಯಾದ ಮೇಲೂ ಶತಭಿಷ ಸ್ಟ್ರಾ ಹೀರುತ್ತಲೇ ಇದ್ದ. ಅದು ಸೊರ ಸೊರ ಸದ್ದು ಮಾಡುತ್ತಿತ್ತು. ಸ್ಥಿರೆ  ಆತನ ಕೈಗೊಂದು ಪೆಟ್ಟುಕೊಟ್ಟಳು. ಶತಭಿಷನಿಗೂ ಅದೇ ಬೇಕಿತ್ತು.
"ಬೇಕಾ ನಿಂಗ್ ಇದೆಲ್ಲಾ? ಇನ್ನೊಂದ್ ಸ್ವಲ್ಪಾ ದಿನಕ್ ಅಪ್ಪಾ ಆಗ್ತಿಯಾ....ನಿಂಗೇನ್ ಕಮ್ಮಿ ಮಾಡಿದೀನಿ ನಾನು? " ಸ್ಥಿರೆ ಶತಭಿಷನನ್ನು ಗಟ್ಟಿಯಾಗೇ ಕೇಳಿದ್ದಳು.
"ಬೇಕಾಗಿದ್ದ್‍ಕಿಂತಾ ಜಾಸ್ತಿನೇ ಮಾಡಿದೀಯಾ ಕಣೆ...." ಆತ ಅಭಿಮಾನದಿಂದಲೇ ಹೇಳಿದ್ದ.
"ಮತ್ಯಾಕ್ ಅವಳನ್ನ್ ಮೂಸ್ಕಕೊಂಡ್ ಹೋಗ್ತಿಯಾ?" ಆಕೆ ಖಾರವಾಗಿ ಕೇಳಿದ್ದಳು.
ಆತ ಉತ್ತರಿಸಲಿಲ್ಲ. ಮುಗುಳ್ನಕ್ಕಿದ್ದ.
"ಕಿಸದ್ ಬಿಟ್ರೆ?" ಆಕೆಯ ಮುಖ ಗಂಟಿಕ್ಕಿಕೊಂಡಿತ್ತು...
"ನೀನ್ ಏನ್ ತಿಳ್ಕೊಂಡಿದಿಯಾ ಅಂತಾ ನಂಗೊತ್ತು...ಬರ್ತ್‍ಡೇ ದಿನ ವಿಡಿಯೋ ಕಾಲ್ ವಿಷಯ ತಾನೇ?" ಆತ ಮೊಬೈಲ್ ಕೈಗೆತ್ತಿಕೊಂಡಿದ್ದ.
"ಹೂಂ...ಅವಳ್ಯಾಕ್ ಮನೆಲ್ ಇದ್ಲು???" ಆಕೆ ಮಾತಿನಲ್ಲಿ ಹುಳಿಯಿತ್ತು.
"ಅವಳು ನನ್ ಬರ್ತ್‍ಡೇ ಪಾರ್ಟಿ ಅರೇಂಜ್ ಮಾಡ್ತಾ ಇದ್ಲು..." ಆತ ಮೊಬೈಲ್ ಹಸ್ತಾಂತರಿಸಿದ್ದ.
"ನಿಂಗಾ? ಬರ್ತ್‍ಡೇನಾ? ಸರ್‍ಪ್ರೈಸಾ?" ಆತ ವಿವರಗಳನ್ನು ಕೊಡುತ್ತಾ ಹೋದ...ಆಕೆ ಫೋಟೋಗಳನ್ನು ನೋಡುತ್ತಾ ಹೋದಳು....
"ಇವಳ್ಯಾರು?"....
"ಕೋಮಲಾ " ಅಂತಾ...ಆಫೀಸ್‍ನಲ್ಲಿ ಕೋಮ್ ಅಂತಾ ಕರಿತೀವಿ...
"ಇವರ್ಯಾರು?"
"ಮಹೇಶಾ" ಅಂತಾ.... ಹಾಸ್ಟೆಲ್‍ನಲ್ಲಿ "ಶಾ" ಅಂತಾ ಕರಿತಿದ್ವಿ...
"ಇವರು ಬಿಸ್ವಾಸ್ ಭೈಯ್ಯಾ ಅಲ್ವಾ?"
"ಏಯ್...ಭಾಯ್...ಬಿಸ್ವಾಸ್ ಬಾಯ್..."
"ಓ.ಕೆ ಓ.ಕೆ...ಭೈಯ್ಯಾಗೂ ಬಾಯ್‍ಗೂ ಏನ್ ವ್ಯತ್ಯಾಸ..."
"ಏಯ್...ಯಾರಾದ್ರೂ ನಾರ್ಥಿನಾ ಕೇಳು...." ಮಾತುಕತೆ ಎಂದಿನ ಆತ್ಮೀಯತೆಗೆ ತಿರುಗಿತ್ತು...
"ಮತ್ತ್ ಯಾಕ್ ನಂಗ್ ನೀ ಹೇಳ್ಳೇ ಇಲ್ಲಾ?" ಆಕೆ ಆತನದ್ದೇ ತಪ್ಪು ಎಂಬಂತೇ ಕೇಳಿದಳು...
"ಅದ್ ಅಲ್ಲಿಂದ ಹೇಳಿದ್ರೆ ನಿಂಗ್ ಅರ್ಥ ಆಗ್ತಿರ್ಲಿಲ್ಲ...ಮೋರ್ ಓವರ್.. ನೀನ್ ಇಲ್ಲಿಗ್ ಬಂದ್ಮೇಲೆ ಜಗಳಾ ಅಡಕ್ಕೂ ಆಗ್ತಿರ್ಲಿಲ್ಲ...."
"ತಲೆ ನಿಂದು...ನಾನ್ ಸುಮ್ನೆ ತಲೆ ಕೆಡಸ್ಕೊಂಡಿದ್ದೆ...ಸಾರಿ..." ಆಕೆ ಪುಟ್ಟ ಮುಖ ಮಾಡಿದ್ದಳು...
"ಇಟ್ಸ್ ಓ.ಕೆ....ನೀನ್ ಯೋಚ್ನೆ ಮಾಡಿದ್ರಲ್ ಏನೂ ತಪ್ಪಿಲ್ಲ...." ಆತ ಅವಳನ್ನೇ ಸಮರ್ಥಿಸಿಕೊಂಡಿದ್ದ...
"ಅದ್ ಸರಿ ತಿನ್ನಕ್ಕ್ ಏನ್ ತರ್ಸಿದ್ದೆ? ಯಾವ್ ಪ್ಲೇಟ್ ಯೂಸ್ ಮಾಡಿದ್ರಿ? ನನ್ ಪ್ಲೇಟ್ ಮುಟ್ಟಿಲ್ಲಾ ತಾನೇ ಯಾರೂ.... " ಆಕೆ ತನ್ನ ಫೀಲ್ಡಿಗೆ ಇಳಿದಿದ್ದಳು....ಆತ ಉತ್ತರ ಕೊಟ್ಟು ಕೊಟ್ಟು ಕೊನೆಗೆ ಸೋಲೊಪ್ಪಿಕೊಂಡಿದ್ದ...
"ಓ.ಕೆ...ಅದೆಲ್ಲಾ ಬಿಡು...ಅವಳ್ ಏನ್ ಮಾಡ್ತಿದಾಳೆ ಈಗ? ಡಿವೋರ್ಸ್ ಆಯ್ತಂತಾ?" ಆಕೆ ಸಹಜವಾಗೇ ಕೇಳಿದ್ದಳು...
ಆತ ಕೊನೆಗೂ ವಿಷಯ ಬಾಯ್‍ಬಿಟ್ಟಿದ್ದ...
"ಅವಳಾ...ಅದೇನೋ ಮದ್ವೆ ಬಗ್ಗೆನೇ ವಿಶ್ವಾಸ ಹೊರ್ಟೊಗಿದೆ ಅವಳಿಗೆ...ಅದೇನೋ ಬ್ರಹ್ಮಕುಮಾರಿ ಸಮಾಜ ಅಂತೆ...ಯಾವಾಗ್ಲೂ ಬಿಳಿ ಬಟ್ಟೆ ಹಾಕ್ಕೊಂಡೇ ಓಡಾಡ್ತಾಳೆ...ಮಾತ್ ಎತ್ತಿದ್ರೆ ಎಲ್ಲರ್ ಎದ್ರೂ ಶಾಂತಿ ಶಾಂತಿ ಅಂತಾಳೆ....ಬರೀ ಹಣ್ಣು ತರಕಾರಿ ತಿಂತೀನಿ ಅಂತಾಳೆ...ಏನೋ..." ಆತ ಕಾರ್ ಚಾಲೂ ಮಾಡಿದ್ದ.
"ಓಹ್...ಸಂನ್ಯಾಸಿ ಆಗ್ತಾಳಂತಾ?" ಆಕೆ ಸಿಂಪಲ್ಲಾಗಿ ಸಮರೈಸ್ ಮಾಡಿದ್ದಳು...
"ಸಂನ್ಯಾಸಿನಿ ಅದು..." ಆತ ಗ್ರಾಮರ್ ತಿದ್ದಿದ್ದ...
"ಓಹೋಹೋ....ಭಾರಿ ಗೊತ್ತು ನಿಂಗೆ..." ಆಕೆ ಆಡಿಕೊಂಡಿದ್ದಳು.
"ಅದೇನೋ ಸಂನ್ಯಾಸಿ ಅಂತಾ ಅಲ್ಲ...ಏನೋ ಬೇರೆ ಥರ...ನಾರ್ಮಲ್ ಆಗೇ ಇರ್ತಾಳೆ...ಬಟ್ ಏನೋ ಬೇರೆ ಥರ ಲೈಫು...ಮೊದ್ಲಿನ್ ಥರ ಅವಳು ಚಿತ್ತಾಗ್ ಇರೋದಕ್ಕಿಂತ ಇದ್ ಬೆಟರ್ ಅನಸ್ತು ನಂಗೆ...ಏನೋ ಮಾಡ್ಲಿ ಅನ್ಕೊಂಡ್ ಸುಮ್ನಾದೆ.." ಆತ ಮಾತು ಮುಗಿಸಿ ಆಕೆಯ ಮುಖ ನೋಡಿದ್ದ...
"ಪಾಪ..ಏನೇನೋ ಟೆನ್ಷನ್ ಅಲ್ಲಿ ಹಂಗಾದ್ಲು ಅನ್ಸತ್ತೆ " ಸ್ಥಿರೆ ಹೃದಯತುಂಬಿ ಹೇಳಿದ್ದಳು... ಕಾರು ಕತ್ತಲೆಯಲ್ಲಿ ನಿಧಾನವಾಗಿ ಮನೆಯ ಕಡೆ ಸಾಗಿತ್ತು. ಮನೆಯಲ್ಲಿ ಹೊಸ ಬೆಳಕು ಮೂಡುವ ದಿನ ಸನ್ನಿಹಿತವಾಗಿತ್ತು.
**
ಮುಂದಿನ ಒಂದು ವರುಷ ಹೇಗೆ ಕಳಿಯಿತೆಂದೇ ಶತಭಿಷ-ಸ್ಥಿರೆಗೆ ತಿಳಿಯಲಿಲ್ಲ...ಸ್ಥಿರೆ ಮುದ್ದಾದ ಗಂಡು ಮಗುವನ್ನು ಹಡೆದಿದ್ದಳು...ಶತಭಿಷನಿಗೆ ಸ್ವರ್ಗಕ್ಕೆ ಮೂರೇ ಗೇಣು...ಆತ ಎಲ್ಲರಿಗೂ ಸಿಹಿ ಹಂಚಿ ಕುಣಿದಾಡಿದ್ದ. ಪ್ರತೀ ವೀಕೆಂಡು ಬರುವುದಕ್ಕೆ ಬಹಳೇ ಕಾಯುತ್ತಿದ್ದ. ಹಸಿಗೂಸೊಂದು ರಕ್ತ-ಮಾಂಸ ತುಂಬಿಕೊಂಡು ನಿಧಾನವಾಗಿ ಬೆಳೆಯುವುದನ್ನು, ಕಲಿಯುವುದನ್ನು ನೋಡಿ ಅಚ್ಚರಿಪಟ್ಟಿದ್ದ. ವಾರಕ್ಕೊಂದು ಫೋಟೋ ತೆಗೆದು ಅದರ ಹಿಂದೆ ವಾತ್ಸಲ್ಯದ ಸಾಲುಗಳನ್ನು ಗೀಚಿ ಫೇಸ್‍ಬುಕ್ಕಿನಲ್ಲಿ ಹಾಕಿದ್ದ. ವಾರಗಳ ಲೆಕ್ಕಕ್ಕೆ ಸರಿಯಾಗಿ ಇಂಜೆಕ್ಷನ್ ಹಾಕಿಸುತ್ತಿದ್ದ. ಇಂಜೆಕ್ಷನ್ ಕೊಡುವಾಗ ತಾನೇ ಹಿಂಸೆ ಅನುಭವಿಸಿದ್ದ. "ಪೋಲಿಯೋ ಡ್ರಾಪ್ ಥರ ಇದಕ್ಕೂ ಏನೂ ಇಲ್ವಾ?" ಎಂದೆಲ್ಲಾ ಕೇಳಿ ಡಾಕ್ಟರನ್ನೇ ಪೇಚಿಗೆ ಸಿಲುಕಿಸಿದ್ದ. ಸ್ಥಿರೆಯೂ ಅಮ್ಮನ ಆರೈಕೆಯಲ್ಲಿ ಬಾಣಂತನವನ್ನು ಚೆನ್ನಾಗಿಯೇ ಮುಗಿಸಿದ್ದಳು. ಕ್ರಮೇಣ ಸುಧಾರಿಸಿಕೊಂಡು ಮೈ ಆಯಾಸವನ್ನು ನೀಗಿಸಿಕೊಳ್ಳುತ್ತಿದ್ದಳು.
ಬೆಂಗಳೂರಿನಲ್ಲಿ ಶತಭಿಷನ ಕೆಲಸ ಚೆನ್ನಾಗಿಯೇ ನಡೆದಿತ್ತು. ಆತ ತಾನು ಮೊದಲು ಕೆಲಸಕ್ಕಿದ್ದ ಜಾಗ ಬಿಟ್ಟು ತಾನೇ ಫರ್ಮ್‍ವೊಂದನ್ನು ಆರಂಭಿಸಿದ್ದ. ಅದಕ್ಕೆ ಮಗನ ಹೆಸರನ್ನೇ ಇಟ್ಟಿದ್ದ. ಚಲನಾ ಕನ್ಸಲ್ಟಂಟ್ ಆಗಿ ಆಗಾಗ ಬಂದು ಹೋಗುತ್ತಿದ್ದಳು. ಸ್ಥಿರೆ ಮತ್ತು ಆಕೆಯ ಮಗನ ಬಗ್ಗೆಯೂ ವಿಚಾರಿಸುತ್ತಿದ್ದಳು. ಮೊದಲಿಗಿಂತ ತೀರಾ ಗಂಭೀರವಾಗಿರುತ್ತಿದಳ್ದು. ಪಡೆದ ಹಣವನ್ನೆಲ್ಲಾ ದಾನ ಮಾಡುತ್ತಿದ್ದಳು. ಫ್ಲಾಟ್‍ಅನ್ನು ಬಿಟ್ಟು, ಚಿಕ್ಕ ಕೊಠಡಿಯೊಂದರಲ್ಲಿ ಸರಳ ಜೀವನ ನಡೆಸುತ್ತಿದ್ದಳು.
ಎಲ್ಲ ಚೆನ್ನಾಗಿಯೇ ನಡೆಯುತ್ತಿದ್ದರಿಂದ ಶತಭಿಷ ಅಮ್ಮ-ಮಗನನ್ನು ಬೆಂಗಳೂರಿಗೆ ಶಿಫ್ಟ್ ಮಾಡುವ ಆಲೋಚನೆಯಲ್ಲಿ ತೊಡಗಿದ್ದ. ಮಗ-ಹೆಂಡತಿಯ ಜೊತೆ ಆರಾಮವಾಗಿ ಕಾಲ ಕಳೆಯುವ ಕನಸು ಕಾಣುತ್ತಿದ್ದ. ಆದರೆ ಆ ಕನಸುಗಳ ತುದಿಯಲ್ಲಿ ಪ್ರಪಾತವಿರುವುದು ಆತನಿಗೆ ತಿಳಿದಿರಲಿಲ್ಲ.
**
ಬೆಂಗಳೂರಿಗೆ ಬಂದ ಎರಡೂವರೆ ವರ್ಷ ಎಲ್ಲವೂ ಸರಿಯಾಗಿತ್ತು.  ಆದರೆ ನಂತರದಲ್ಲಿ ಒಂದು ದಿನ ಯಾರೋ ಕೊಟ್ಟ ಮೂಗರ್ಜಿಯ ಆಧಾರದ ಮೇಲೆ ಶತಭಿಷ ಆಫೀಸ್ ರೈಡ್ ಮಾಡಲಾಗಿತ್ತು. ಸೆಬಿಯವರು ಆತನ ಟ್ರೇಡಿಂಗ್‍ಗೆ ಬ್ರೇಕ್ ಹಾಕಿದ್ದರು. ಡಿಮ್ಯಾಟ್ ಅಕೌಂಟ್ ಸೀಜ್ ಆಗಿತ್ತು. ಆತನಲ್ಲಿ ಹಣತೊಡಗಿಸಿದ್ದವರು ವಾಪಸ್ಸ್ ಕೇಳಹತ್ತಿದ್ದರು. ಶತಭಿಷ ದಾಖಲೆಗಳನ್ನು ಒಟ್ಟುಗೂಡಿಸಿ ನಿರ್ದೋಷಿ ಎಂದು ಸಾಬೀತುಪಡಿಸಿಕೊಳ್ಳಲು ಹೆಣಗಾಡುತ್ತಿದ್ದ. ಮನೆಗೆ ಬಂದಾಗ ಮಗ ಅತ್ತರೂ ಸಿಟ್ಟಾಗುತ್ತಿದ್ದ.
ಒಂದು ದಿನ ಈತನಿಲ್ಲದ ವೇಳೆಯಲ್ಲಿ ಚಲನಾ ಮನೆಗೆ ಬಂದಿದ್ದಳು. ಮಗುವನ್ನು ಆಟ ಆಡಿಸುತ್ತಾ ಜಗತ್ತೇ ಮರೆತಂತಿದ್ದಳು. ಸ್ಥಿರೆಗೆ ಸ್ವಲ್ಪ ಕೈ ಬಿಡುವಾಯಿತು.
"ಬರ್ತಿರಿ ಅವಾಗವಾಗ" ಎಂದಿದ್ದಳು.
ಅದೇಕೋ ಶತಭಿಷನಿಲ್ಲದ ವೇಳೆಯಲ್ಲಿಯೇ ಚಲನಾ ಮನೆಗೆ ಬರುತ್ತಿದ್ದಳು. ಮಗುವನ್ನು ಆಟವಾಡಿಸುತ್ತಿದ್ದಳು. ಮಗವೂ ಆಕೆಯನ್ನು ಹಚ್ಚಿಕೊಳ್ಳಲು ಶುರು ಮಾಡಿತು. ಮೊದಮೊದಲಿಗೆ ಸ್ಥಿರೆಗೆ ಹಿತವೆನಿಸಿದರೂ ಕ್ರಮೇಣ ಏನೋ ಅಸೂಯೆಯಾಯಿತು. ಅರ್ಧ ದಿನಕ್ಕಿಂತ ಜಾಸ್ತಿ ಆಕೆಯೇ ಮಗುವನ್ನು ಆಡಿಸಹತ್ತಿದ್ದಳು. ಸ್ಥಿರೆ ಸೂಕ್ಷ್ಮವಾಗಿ ಚಲನೆಗೆ ಅದನ್ನು ಹೇಳಬೇಕೆಂದು ನಿರ್ಧರಿಸಿದ್ದಳು.
ಅಷ್ಟರಲ್ಲಿ ಮನೆಗೊಂದು ನೋಟೀಸ್ ಬಂದಿತ್ತು. ಬಿಲ್ ಬಾಕಿ ಉಳಿಸಿಕೊಂಡಿದ್ದಕ್ಕೆ ಸಂಬಂಧಿಸಿದ್ದ ನೋಟೀಸ್ ಅದು...ಶತಭಿಷನ ಕಂಪನಿ ಆರ್ಥಿಕ ಮುಗ್ಗಟ್ಟಿನಿಂದ ಹೊರಬರುವುದಕ್ಕೆ ಇನ್ನೂ ಒಂದು ವರುಷ ಬೇಕಾಗಬಹುದು ಎಂದಿದ್ದ. ಆದರೆ ಬೆಂಗಳೂರಿನಲ್ಲಿ ಬಿಲ್ಲುಗಳ ಭಾರವನ್ನೂ ಹೊತ್ತು ಸಾಗಬೇಕಿತ್ತಲ್ಲ?  ಹೊರಗೆ ಚಲನಾ ಮಗುವನ್ನು ಆಡಿಸುತ್ತಿರುವಾಗ, ಸ್ಥಿರೆಗೊಂದು ಯೋಚನೆ ಬಂತು.  ರಾತ್ರಿ ಶತಭಿಷನೊಂದಿಗೆ ಅದನ್ನು ಪ್ರಸ್ತಾಪಿಸಿದ್ದಳು.
"ನಾನ್ ಮತ್ತೆ ಕೆಲ್ಸಕ್ಕ್ ಸೇರ್ಕೊಳ್ಳಾ?" ಸ್ಥಿರೆ ನಿಧಾನವಾಗಿ ಕೇಳಿದ್ದಳು.
"ಅಂದ್ರೆ? ನಂಗ್ ನಿಮ್ಮನ್ ಸಾಕಕ್ ಆಗಲ್ಲ ಅಂತಾನಾ?" ಆತ ಸಿಟ್ಟಿನಿಂದ ಉರಿಯುತ್ತಿದ್ದ.
"ಹಂಗಲ್ಲ..." ಆಕೆ ಏನನ್ನೋ ಹೇಳಹೊರಟಿದ್ದಳು..."ಬೇಡಾ....ಅಷ್ಟೇ.." ಆತ ಮಾತು ತುಂಡಿರಿಸಿದ್ದ. ಆಕೆ ಸುಮ್ಮನಾದಳು. ಯಾವತ್ತೋ ಒಂದು ದಿನ ಚಲನಾಳ ಬಳಿ ಈ ವಿಷಯ ಹೇಳಿಕೊಂಡು ಅತ್ತಳು.
**
"ಅವಳು ಕೆಲ್ಸಕ್ಕ್ ಹೋದ್ರೆ ನಿಂಗೇನ್ ಸಮಸ್ಯೆ?" ಚಲನಾ ಶತಭಿಷನನ್ನು ಕೂರಿಸಿಕೊಂಡು ಅರ್ಥಮಾಡಿಸುತ್ತಿದ್ದಳು.
"ಏಯ್...ಗೊತ್ತಿಲ್ಲಾ ಕಣೆ..ಅವಳ್ ಕೆಲ್ಸಕ್ ಹೋದ್ರೆ, ಮಗೂನ್ ನೋಡ್ಕೊಳೋದ್ ಯಾರು?" ಆತ ಆಕೆಯನ್ನು ಪ್ರಶ್ನಿಸಿದ್ದ.
"ಅದು ಬೇರೆ ಪ್ರಶ್ನೆ...ಇದ್ ಬೇರೆ ಪ್ರಶ್ನೆ...ಪ್ರಶ್ನೆಗ್ ಪ್ರಶ್ನೆ ಉತ್ತರ ಆಗಲ್ವಲ್ಲ..."
"ಅಂದ್ರೆ?"
"ನಿಂಗ್ ಅವಳ್ ಕೆಲ್ಸಕ್ ಹೋಗದ್‍ಕಿಂತಾ ಮಗು ನೋಡ್ಕೊಳೋದ್ ಯಾರು ಅನ್ನೊದ್ ಹೈ ಪ್ರಿಯಾರಿಟಿ..ಕರೆಕ್ಟ್?" ಆಕೆ ಆತನ ಮನವೋಲಿಸುವ ಪ್ರಯತ್ನ ನಡೆಸಿದ್ದಳು.
"ಕರೆಕ್ಟ್..." ಆತ ಸಮ್ಮತಿಸಿದ್ದ
"ಅದಕ್ಕ್ ವ್ಯವಸ್ಥೆ ಮಾಡಣಾ ಬಿಡು....ಅವಳ್ ಕೆಲ್ಸಕ್ಕ್ ಹೋದ್ರೆ ನಿಂಗೂ ನೆಮ್ದಿ...ಇವನ್ ಯು ಕ್ಯಾನ್ ಟೇಕ್ ಆಫ್ ದ ಬೇಬಿ ಅಲ್ವಾ?" ಆಕೆ ಆತನಿಗೊಂದು ಹೊಸ ಪರ್‍ಸ್ಪೆಕ್ಟಿವ್ ಕೊಟ್ಟಿದ್ದಳು...
"ಹಮ್...ಯೋಚ್ನೆ ಮಾಡ್ತಿನಿ..." ಆತ ಒಪ್ಪಿಕೊಂಡಿದ್ದ.
ಮುಂದಿನ ತಿಂಗಳಿನಿಂದಲೇ ಸ್ಥಿರೆ ಕೆಲಸಕ್ಕೆ ಹೋಗಲು ಶುರುಮಾಡಿದ್ದಳು. ಊರಿನಿಂದ ಸ್ಥಿರೆಯ ತಾಯಿ ಆಗಾಗ ಬಂದು ಹೋಗುತ್ತಿದ್ದರು. ಮನೆಗೆಲಸಕ್ಕೆ ಆಂಟಿಯೊಬ್ಬರನ್ನು ಗುರುತುಮಾಡಿದ್ದರು. ಆಕೆ ಮಗುವಿಗೆ ಸ್ನಾನ ಮಾಡಿಸಿಯೂ ಹೋಗುತ್ತಿದ್ದರು. ಮೂರೂವರೆ ವರುಷದ ಮಗು ಮತ್ತು ಶತಭಿಷ ದಿನವಿಡೀ ಒಟ್ಟಿಗೇ ಇರುತ್ತಿದ್ದರು. ಸ್ಥಿರೆ ಆಫೀಸಿನ ಕೆಲಸವನ್ನು ಆದಷ್ಟು ಬೇಗ ಮುಗಿಸಿ ಮನೆಗೆ ಬರುತ್ತಿದ್ದಳು. ತೀರಾ ಅವಶ್ಯವೆನಿಸಿದರೆ ವರ್ಕ್ ಫ್ರಾಂ ಹೋಮ್ ಮಾಡುತ್ತಿದ್ದಳು. ಶತಭಿಷನ ಕಂಪನಿಯ ಮೇಲಿನ ಕೇಸುಗಳು ರದ್ದಾದವು. ಇನ್ನೇನು ಕೆಲವೇ ದಿನದಲ್ಲಿ ಶತಭಿಷ ಮತ್ತೆ ಮಾರ್ಕೆಟ್ಟಿಗೆ ಕಾಲಿಡಲಿದ್ದ. ಕೆಟ್ಟದಿನಗಳು ಕಳೆದವೆಂದು ಇಬ್ಬರೂ ನಿಟ್ಟುಸಿರು ಬಿಡುತ್ತಿದ್ದರು
**
ಅಂದು ಸಂಜೆ ಮಗು ಮಲಗಿತ್ತು. ಸ್ಥಿರೆ ಆಫೀಸಿನಲ್ಲಿದ್ದಳು. ಮನೆಯಲ್ಲಿದ್ದು ಶತಭಿಷನೊಬ್ಬನೇ..ಚಲನಾ ಮನೆಗೆ ಬಂದಳು...ಬರಬಾರದಿತ್ತೇನೋ...ಸ್ಥಿರೆ ಮನೆಗೆ ಬರುವಷ್ಟರಲ್ಲಿ ನಡೆಯಬಾರದ್ದು ನಡೆದೇ ಹೋಗಿತ್ತು...

-ಚಿನ್ಮಯ
7/2/2019

ಫ್ಲಾಷ್ ಬ್ಯಾಕ್

"ಸಾರಿ...ಐ ಡಿಂಟ್ ಮೀನ್ ಟು ಹಿಟ್ ಆನ್ ಯುವರ್ ಬಮ್..." ಚಲನಾ ಶತಭಿಷನ ಹತ್ತಿರ ಅಪಾಲಜಿ ಕೇಳುತ್ತಿದ್ದಳು. ಪೇಂಟ್ ಬಾಲ್ ಆಟದಲ್ಲಿ ಹೊಟ್ಟೆಗಿಂತ ಕೆಳಗಡೆ ಶೂಟ್ ಮಾಡುವಂತಿರಲಿಲ್ಲ. ಆಕೆ ಆಟದ ಭರದಲ್ಲಿ ಮರೆತಿದ್ದಳು. ಅವಳು ಶೂಟ್ ಮಾಡುತ್ತಿರುವುದನ್ನು ಕೋರೆಗಣ್ಣಿನಲ್ಲಿ ನೋಡಿದ ಆತ ಬೆನ್ನು ಕೊಟ್ಟಿದ್ದ. ಗುರಿ ತಪ್ಪಿತ್ತು. ಹೊಡೆತ ಸ್ವಲ್ಪ ಕೆಳಗೆ ಬಿದ್ದಿತ್ತು. ಪೇಂಟ್ ಬಾಲ್ ಒಡೆದು ವಾಟರ್ ಗೇಮ್ಸ್‍ಗೆಂದೇ ತಂದಿದ್ದ ನೀಲೀ ಶಾಟ್ರ್ಸ್ ಕೆಂಪು ಕೆಂಪಾಗಿತ್ತು... ಎಲ್ಲರೆದು ಏನಾಗಿಲ್ಲ ಎಂದನಾದರೂ, ವಾಷ್‍ರೂಮಿಗೆ ಹೋದವನು ಸುಹಾಸ್ ಹತ್ತಿರ ಐಸ್‍ಕ್ಯೂಬ್ ಹುಡ್ಕೋ ಮಗಾ ಎಂದಿದ್ದ. ಐಸ್ ಕ್ಯೂಬ್ ಇಟ್ಟು ಸುಧಾರಿಸಿಕೊಳ್ಳುತ್ತಾ, "ಏನೋ ನಿನ್ ಫ್ರೆಂಡು ಲೇ...ಎಲ್ ಬೋರ್ಡು" ಎಂದು ಅಸಮಾಧಾನ ತೊಡಿಕೊಂಡಿದ್ದ. "ಜೀನ್ಸ್ ಹಾಕ್ಕೋಂಡೇ ಆಡ್ಬೇಕ್ ಕಣೋ ನೆಕ್ಸ್ಟ್ ಟೈಂ ಇಂದಾ" ಎಂದು ಗೊಣಗಿದ್ದ. ಶತಭಿಷ ಸುಧಾರಿಸಿಕೊಂಡು ಬರುವಷ್ಟರಲ್ಲಿ ಎರಡೂ ಟೀಮಿನವರೂ ಹೊರಡಲು ಅನುವಾಗಿದ್ದರು. ಆಟ ಗೆದ್ದ ಖುಷಿಯಲ್ಲಿ ಅಕೌಂಟ್ಸ್ ಟೀಂನವರು ಕೂಗುತ್ತಿದ್ದರು. ಆರ್ ಆಂಡ್ ಡಿಯವರು ಶತಭಿಷ ನಿಧಾನವಾಗಿ ಕುಂಟುತ್ತಾ ಬರುವುದನ್ನು ನೋಡಿ ಮುಸಿಮುಸಿ ನಗುತ್ತಿದ್ದರು. ಶತಭಿಷ ಎಲ್ಲರೂ ಹೋದಮೇಲೆ ನಿಧಾನವಾಗಿ ಬಸ್ಸನ್ನೇರಿದ. ಮುಂದಿನ ಸೀಟಿನಲ್ಲೇ ಸೀಟು ಖಾಲಿಯಿದ್ದಿದ್ದು ನೋಡಿ ಕಲೀಗ್ಸ್‍ಗಳ ಸಂಗ ಬಿಟ್ಟು ಅಲ್ಲಿಯೇ ಕೂತ. ಬಸ್ಸ್ ಹೊರಟು ಗೇಟ್ ತಲುಪುವಷ್ಟರಲ್ಲಿ ಸುಹಾಸ್ ಡ್ರೈವರ್ ಬಳಿ ಹೋಗಿ ಬಸ್ ನಿಲ್ಲಿಸಲು ಹೇಳಿದ. ಚಲನಾ ಓಡೋಡಿ ಬಂದು ಬಸ್ ಹತ್ತಿದ್ದಳು. ಬೇರೆಲ್ಲೂ ಸೀಟು ಕಾಣದಾಗಿ ಶತಭಿಷನ ಪಕ್ಕದಲ್ಲೇ ಕೂತಳು..ಶತಭಿಷನಿಗೆ ಕೂತಲ್ಲಿಯೇ ಇರಿಸು-ಮುರಿಸಾಗುತ್ತಿತ್ತು. "ಆರ್ ಯು ಕಂಫರ್ಟೆಬಲ್? ಶುಡ್ ಐ ಮೂವ್ ಸಮ್‍ವೇರ್?" ಆಕೆ ಸಹಜವೆಂಬಂತೆ ಕೇಳಿದ್ದಳು. "ನೋ ನೋ ಇಟ್ಸ್ ಫೈನ್..ಬೀ ಸೀಟೆಡ್..." ಆತ ಹಲ್ಲು ಕಿಸಿಯುತ್ತಾ ಹೇಳಿದ್ದ. ಪಕ್ಕದಲ್ಲಿದ್ದ ಸುಹಾಸ ಬೇರೆ ಉತ್ತರವನ್ನೇ ಬಯಸಿದ್ದನೇನೋ...ಸುಹಾಸ್, ಐದು ನಿಮಿಷದ ನಂತರ ಲೈಟ್ ಕಣ್ಣಿಗೇ ಹೊಡೆಯುತ್ತಿದೆ ಎಂಬ ನೆಪ ಹೇಳಿ ಯಾರೂ ಇಲ್ಲದ ಕೊನೆಯ ಸೀಟಿನೆಡೆ ಆಕೆಯನ್ನು ಕರೆದೊಯ್ದ. ** ಶತಭಿಷ-ಸುಹಾಸ-ಚಲನಾ ತುಂಬಾ ಚೆನ್ನಾಗಿ ಜೆಲ್ ಆಗುತ್ತಿದ್ದರು. ಸುಹಾಸ ತುಂಬಾ ಚೆನ್ನಾಗಿ ಹಾಡುತ್ತಿದ್ದ. ಬೀಟ್ ಬಾಕ್ಸಿಂಗ್ ಮಾಡುವುದರಲ್ಲಿ ವಿಶೇಷ ಆಸಕ್ತಿಯಿತ್ತು. ರ್ಯಾಪ್ ಹಾಡುತ್ತಿದ್ದ. ಅದಕ್ಕೆ ಶತಭಿಷನೂ ಚೂರು ಪಾರು ಪದ ಸೇರಿಸುತ್ತಿದ್ದ. ಆದರೆ ಶತಭಿಷ ಮಾತ್ರ ಸುಹಾಸನಿಗೆ ತದ್ವಿರುದ್ಧ. ತಿಳಿ ಸಂಜೆಯಲ್ಲಿ ಭಾವಗೀತೆಗಳು, ಮಧ್ಯರಾತ್ರಿಯಲ್ಲಿ ಗಝಲ್‍ಗಳು ಅವನಿಗೆ ಬಹಳೇ ಇಷ್ಟವಾಗುತ್ತಿದ್ದವು. ಶತಭಿಷ ಎಲ್ಲವನ್ನೂ ಅಳೆದೂ ತೂಗಿ ಮಾಡಿದರೆ, ಸುಹಾಸನಿಗೆ ಭಯಂಕರ ಅರ್ಜೆಂಟು. ಸುಹಾಸ ಒಮ್ಮೆ ಆಕಾಶದಲ್ಲಿದ್ದರೆ ಮತ್ತೊಮ್ಮೆ ಪಾತಾಳದಲ್ಲಿರುತ್ತಿದ್ದ. ತಲೆ ಕೆಟ್ಟಾಗಲೆಲ್ಲಾ ಜೋರಾಗಿ ಗಾಡಿ ಓಡಿಸಿಕೊಂಡು ನಗರ ಪ್ರದಕ್ಷಿಣೆ ಹಾಕುತ್ತಿದ್ದ. ನಾಲ್ಕುಗಂಟೆಗೇ ನಂದಿಬೆಟ್ಟಕ್ಕೆ ಹೋಗಿರುತ್ತಿದ್ದ. ಚಲನಾಳಿಗೆ ಚಿತ್ರ ಬಿಡಿಸುವುದರಲ್ಲಿ ಅಭಿರುಚಿಯಿತ್ತು. ಕುಸುರಿ ಹಾಕುತ್ತಿದ್ದಳು. ಕಥಕ್ ಕಲಿತಿದ್ದಳು..ಫ್ಲೋರ್‍ಗೆ ಇಳಿದಾಗಲೆಲ್ಲಾ ಎಂಥವರ ಬಾಯಲ್ಲೂ ವಾ ವಾ ಎನ್ನಿಸಿಕೊಳ್ಳುವಷ್ಟು ಚೆನ್ನಾಗಿ ಮೂವ್ಸ್ ಮಾಡುತ್ತಿದ್ದಳು.. ಹೀಗಾಗಿ ವೀಕೆಂಡುಗಳಲ್ಲಿ ಪಾನಗೋಷ್ಠಿ-ಗಾನಗೋಷ್ಠಿಗಳು ಮಜವಾಗಿಯೇ ನಡೆಯುತ್ತಿದ್ದವು. ಸುಹಾಸನಿಗೆ ಚಲನಾ ತೀರಾ ಇಷ್ಟವಾಗಿದ್ದಳು. ಶತಭಿಷ ಆಕೆ ಸುಹಾಸನ ಹುಡುಗಿ ಎಂದುಕೊಂಡು ಸುಮ್ಮನಾಗಿದ್ದ. ಚಲನಾಳ ಜೊತೆಯೇ ಇದ್ದ ಹುಡುಗಿಯರಿಗೆ ಕಾಳು ಹಾಕುತ್ತಿದ್ದ. ಸುಹಾಸನಿಗೆ ರೇಸಿಂಗ್ ಬಗ್ಗೆ ದಿನೇ ದಿನೇ ಹುಚ್ಚು ಜಾಸ್ತಿಯಾಗುತ್ತಿತ್ತು. ಹಳೆಯ ಕಾರೊಂದನ್ನು ಕೊಂಡು ಅಲ್ಟರೇಷನ್ನ್ ಮಾಡಿಸಿದ್ದ. ಪ್ರತೀ ವರ್ಷ ರೇಸ್ ನೋಡಲು ಚಿಕ್ಕಮಗಳೂರಿಗೆ ಹೋಗಿ ಬರುತ್ತಿದ್ದ. ಹೀಗೆ ಒಂದು ಬಾರಿ ಶತಭಿಷ ಕಂಪನಿ ಕೆಲಸದ ಮೇಲೆ ಪಾಲ್ ಆಲ್ಟೋಗೆ ಹೋಗಿದ್ದ. ಮೂರು ತಿಂಗಳ ಕೆಲಸ. "ಇವತ್ತ್ ಅವಳಿಗೆ ಪ್ರಪೋಸ್ ಮಾಡಣಾ ಅಂತಿದೀನಿ ಮಗಾ..." ಸುಹಾಸ ಮೆಸ್ಸೇಜು ಹಾಕಿದ್ದ. "ಆಲ್ ದ ಬೆಸ್ಟ್" ಎಂದು ಕಳಿಸಿದ ಸಂದೇಶಕ್ಕೆ ಎರಡು ಮೂರು ದಿನವಾದರೂ ಉತ್ತರ ಬಂದಿರಲಿಲ್ಲ. ಪ್ರಾಜೆಕ್ಟ್ ಡಿಲೆವರಿಯ ಗಡಿಬಿಡಿಯಲ್ಲಿ ಶತಭಿಷನೂ ಅವರ ಬಗ್ಗೆ ಅಷ್ಟಾಗಿ ಗಮನಹರಿಸಿರಲಿಲ್ಲ. ಬಹುಷಃ ಒಂದ್ಚೂರು ಗಮನ ಹರಿಸಬೇಕಿತ್ತೇನೋ... ** "ಸುಹಾಸ್ ಮೆಟ್ ವಿತ್ ಆನ್ ಆಕ್ಸಿಡೆಂಟ್...ಕಂಡೀಷನ್ ಈಸ್ ಸೀರಿಯಸ್" ಕಲೀಗ್ ಒಬ್ಬರು ಮೆಸ್ಸೇಜ್ ಮಾಡಿದ್ದರು. ಚಲನಾಳ ಕಡೆಯಿಂದ ಉತ್ತರವಿರಲಿಲ್ಲ. ನಿಗದಿತ ಪ್ಲಾನ್‍ಗಿಂತ ನಾಲ್ಕು ದಿನ ಮುಂಚೆಯೇ ಶತಭಿಷ ಬೆಂಗಳೂರಿಗೆ ಲ್ಯಾಂಡ್ ಆಗಿದ್ದ. ದುರದೃಷ್ಟವಶಾತ್ ಸುಹಾಸ ಅದಾಗಲೆ ತೀರಿಕೊಂಡಿದ್ದ. ಆತನ ಕಾರ್ಯಕ್ಕೆ ಹೋದಾಗ ಯಾರೋ ಹೇಳುತ್ತಿದ್ದರು...ಆಕ್ಸಿಡೆಂಟ್ ಆದ ಕಾರಿನಲ್ಲಿ ರಿಂಗ್ ಒಂದು ಸಿಕ್ಕಿತ್ತಂತೆ. ತುಂಬಾ ಕುಡಿದಿದ್ದನಂತೆ. ಬ್ಯಾಲೆನ್ಸ್ ತಪ್ಪಿ ಡಿವೈಡರ್‍ಗೆ ಡಿಕ್ಕಿಯಾಗಿತ್ತಂತೆ...ಇನ್ನೂ ಏನೇನೋ...ಶತಭಿಷನಿಗೆ ಬಹುತೇಕ ಉತ್ತರ ಸಿಕ್ಕಂತಿತ್ತು...ಆದರೆ ಇನ್ನೊಂದು ಅನಾಹುತ ತಪ್ಪಿಸಬೇಕೆನ್ನುವುದೂ ನೆನಪಾಗಿತ್ತು. ** "ಏನೇ ಹಿಂಗ್ ಆಗಿದೀಯಾ ನೀನು? ಸತ್ತೋಗ್ತಿಯಾ ಕಣೆ ಹಿಂಗಾದ್ರೆ..." ಶತಭಿಷ ಚಲನಾಳ ಫ್ಲಾಟ್ ಹೋಗಿದ್ದ. ಆಕೆ ಏನೇನೋ ಮಾತಾಡುತ್ತಿದ್ದಳು...ಮಾತು ಮುಗಿಸುವುದರೊಳಗಾಗೇ ಅಳುತ್ತಿದ್ದಳು...ಕಣ್ಣಾಲಿಗಳು ತೇಲುತ್ತಿದ್ದವು... "ನೀನ್ ಕರೆಕ್ಟಾಗ್ ಊಟ-ನಿದ್ದೆ ಮಾಡ್ ಎಷ್ಟ್ ದಿನಾ ಆಯ್ತು?" ಶತಭಿಷ ಸಲುಗೆಯಿಂದಲೇ ಗದರಿಸಿದ. ಆಕೆ ಗೊತ್ತಿಲ್ಲ ಎಂಬಂತೇ ಕೈ ತಿರುಗಿಸಿ ಸೋಫಾದ ಮೇಲೆ ಬಿದ್ದುಕೊಂಡಳು. ಆಕೆಯನ್ನು ಒತ್ತಾಯದಿಂದ ತನ್ನ ಫ್ಲಾಟ್‍ಗೆ ಕರೆದೊಯ್ದ ಶತಭಿಷ, ಮರುದಿನ ವರ್ಕ್ ಫ್ರಾಂ ಹೋಮ್ ಮಾಡಿ, ಆಕೆಯನ್ನು ನಾರ್ಮಲ್ ಮೋಡ್‍ಗೆ ತಂದಿದ್ದ. ನಿಧಾನವಾಗಿ ಆ ದಿನ ಸಂಜೆ ಚಲನಾಳೇ ವಿಷಯ ತಿಳಿಸಿದ್ದಳು. ಸುಹಾಸ ಪ್ರಪೋಸ್ ಮಾಡಿದ್ದಾಗಿಯೂ, ತಾನು ಸಧ್ಯಕ್ಕೆ ಕಮಿಟ್ ಆಗುವ ಯೋಚನೆಯಲ್ಲಿ ಇಲ್ಲವೆಂದು ಹೇಳಿದ್ದಾಗಿಯೂ ತಿಳಿಸಿದಳು. ಅದಕ್ಕಾತ ಮರುದಿನ ಸಂಜೆ ಆಕೆಯ ಜೊತೆ ಜಗಳವಾಡಿದ್ದನಂತೆ... ಆಕೆ ಆತನನ್ನು ಚೀಪ್ ಎಂದೇನೋ ಬೈದಿದ್ದಳಂತೆ...ಅಷ್ಟೇ.....ಬಾರಿಗೆ ಹೋಗಿ ಚಿತ್ತ್ ಆದ ಸುಹಾಸ, ಎಣ್ಣೆಯೇಟಿನಲ್ಲಿ ಗಾಡಿ ಗುದ್ದಿದ್ದ....ಆಕೆಗೆ ವಿಷಯ ಗೊತ್ತಾಗಿದ್ದು ಎರಡು ದಿನದ ನಂತರವೇ....ಅಂದಿನಿಂದ ಅದೇನೋ ಗಿಲ್ಟ್ ಕಾಡಲು ಶುರುವಾಗಿ, ಫ್ಲಾಟ್ ಬಿಟ್ಟು ಆಕೆ ಹೋಗಿರಲಿಲ್ಲ... ಆ ದಿನ ರಾತ್ರಿ ಶತಭಿಷನೇ ಅಡಿಗೆ ಮಾಡಿದ್ದ. ಊಟ ಮುಗಿಸಿದ ಆಕೆ, ಪೆನ್ಸಿಲ್ ಇದ್ಯಾ ಎಂದು ಕೇಳಿದ್ದಳು....ತಡರಾತ್ರಿಯವರೆಗೂ ಚಿತ್ರವೊಂದನ್ನು ಗೀಚಿದ್ದಳು...ಪುಟ್ಟದೊಂದು ಮಗು...ಸುತ್ತಮುತ್ತಲೆಲ್ಲ ಬಗೆ-ಬಗೆ ಆಟಿಗೆ, ಸಿಹಿ ತಿಂಡಿ...ಆಕೆಯ ಕಣ್ಣಲ್ಲಿ ಮಾತ್ರ ನೀರಿತ್ತು.... "ದಿಸ್ ಈಸ್ ಮಾಸ್ಟರ್ ಪೀಸ್....." ಶತಭಿಷ ಉದ್ಘರಿಸಿದ್ದ... "ದಿಸ್ ವನ್ ಈಸ್ ಸ್ಪೆಷಲ್...." ಚಲನಾ ನಿಟ್ಟುಸಿರು ಬಿಟ್ಟು ಹೇಳಿದ್ದಳು... ** ಇಷ್ಟೆಲ್ಲ ಆದಬಳಿಕ ಚಲನಾ ಮೊದಲಿನ ಚಲನಾ ಆಗಿರಲಿಲ್ಲ. ಅಲ್ಲಿಯವರೆಗೆ ಎಲ್ಲರೊಳಗೊಬ್ಬಳು ಎಂಬಂತಿದ್ದ ಆಕೆ ಎಲ್ಲರೆದು ಮಿಂಚಲು ಪ್ರಯತ್ನಿಸುತ್ತಿದ್ದಳು. ದುಬಾರಿ ಬಟ್ಟೆ ಹಾಕುವುದು, ಐಶಾರಾಮಿ ರೆಸಾರ್ಟ್‍ಗಳಿಗೆ ತೆರಳುವುದು ಸಾಮಾನ್ಯವಾಯಿತು. ಜೊತೆಗೆ ನಿಧಾನವಾಗಿ ಟ್ರಾವೆಲಿಂಗ್ ಹುಚ್ಚೂ ಶುರುವಾಯಿತು. ವೀಕೆಂಡ್ ಬಂತೆಂದರೆ ಒಂದೋ ಪಾರ್ಟಿಯಲ್ಲಿರುತ್ತಿದ್ದಳು ಅಥವಾ ಟ್ರಾವೆಲ್ ಮಾಡುತ್ತಿದ್ದಳು. ಅಪರೂಪಕ್ಕೆಂಬಂತೆ ದಿನಗಟ್ಟಲೇ ಬಾಗಿಲು ಹಾಕಿಕೊಂಡು ಪೇಂಟ್-ಬ್ರಶ್ ಹಿಡಿದಿರುತ್ತಿದ್ದಳು. ಆರ್ಟ್ ಗ್ಯಾಲರಿಯಿಂದ ಕಲಾಕೃತಿಗಳನ್ನು ಕೊಂಡು ತರುತ್ತಿದ್ದಳು. ಇಷ್ಟವಾದವರ ಜೊತೆ ಓಡಾಡುತ್ತಿದ್ದಳು...ಕೆಲಸದ ಕಡೆ ಶ್ರದ್ಧೆ ಮೊದಲಿಗಿಂತ ಕಡಿಮೆಯಾಗಿತ್ತು...ಆದರೆ ಪ್ರೊಡಕ್ಟಿವಿಟಿಯಲ್ಲ...ಪರಿಣಾಮ ಪ್ರಮೋಷನ್ ಮಾತ್ರ ಪ್ರತೀ ವರುಷವೂ ತಪ್ಪದಂತೆ ಸಿಗುತ್ತಲಿತ್ತು. ಶತಭಿಷ ಇನ್ನೊಂದು ಟ್ರ್ಯಾಕ್‍ಗೆ ಹೋಗಿದ್ದ. ಸಾಫ್ಟ್‍ವೇರ್‍ನಲ್ಲಿ ದುಡಿದು ಕಲಿಯಲಿಕ್ಕೆಂದು ಮಾಡಿದ ಸಾಲವೆಲ್ಲ ತೀರಿದ ಮೇಲೆ, ಮತ್ತೆ ಸಾಲ ಮಾಡಲು ಮನಸ್ಸಾಗಲಿಲ್ಲ. ಐ.ಏ.ಎಸ್ ಮಾಡುತ್ತೇನೆಂದು ಕೋಚಿಂಗ್ ಹೋಗಲು ಶುರುಮಾಡಿದ್ದ. ಪ್ರಿಲಿಮ್ಸ್ ಕ್ಲಿಯರ್ ಆದ ಮೇಲೆ ಐ.ಟಿ ಕೆಲಸಕ್ಕೆ ಪೂರ್ಣವಾಗಿ ರಾಜೀನಾಮೆಯಿತ್ತಿದ್ದ. ** ಐ.ಟಿ ಕೆಲಸ ಬಿಟ್ಟು ರಗಳೆ, ಸಮಾಸ, ಷಟ್ಪದಿ ಓದುತ್ತಲಿದ್ದ ಶತಭಿಷ ಚಲನಾಳ ಡಬಲ್ ಬೆಡ್‍ರೂಮ್ ಫ್ಲಾಟ್‍ನಲ್ಲಿಯೇ ಇರತೊಡಗಿದ್ದ. ಆಕೆ ವಾರದಲ್ಲಿ ಐದು ದಿನ ಆಫೀಸಿಗೆ ಹೋಗುತ್ತಿದ್ದಳು. ಆಫೀಸ್ ಮುಗಿಸಿ ಪಾರ್ಟಿಗೋ, ಫಂಕ್ಷನ್‍ಗೋ ಅಥವಾ ಸುತ್ತಾಡಲೋ ಹೋಗಿರುತ್ತಿದ್ದಳು. ವೀಕೆಂಡ್ ಬಂತೆಂದರೆ ಬ್ಯಾಗ್ ಪ್ಯಾಕ್ ಮಾಡಿ ಊರೂರು ಸುತ್ತುತ್ತಿದ್ದಳು. ಶತಭಿಷ ಬೆಳಿಗ್ಗೆ ಐದಕ್ಕೆ ಎದ್ದಿರುತ್ತಿದ್ದ. ರಾತ್ರಿ ಹತ್ತಕ್ಕೆ ಸರಿಯಾಗಿ ಮಲಗುತ್ತಿದ್ದ. ರವಿವಾರ ಮನೆ ಕ್ಲೀನ್ ಮಾಡುತ್ತಿದ್ದ. ಅವರಿಬ್ಬರೂ ಮುಖಕ್ಕೆ ಮುಖ ಕೊಟ್ಟು ಮಾತನಾಡುವುದು ಬಹಳೇ ಅಪರೂಪವಾಗಿತ್ತು. ಆದರೆ ವಿರಾಮದಲ್ಲಿ ಸಿಕ್ಕಾಗ ತುಂಬಾ ಮಾತನಾಡುತ್ತಿದ್ದರು. ಶತಭಿಷನ ಖರ್ಚುಗಳನ್ನೆಲ್ಲ ಬಹುತೇಕ ಆಕೆಯೇ ನೋಡಿಕೊಳ್ಳುತ್ತಿದ್ದಳು. ಶತಭಿಷ ತಾನು ಆಕೆಯನ್ನು ನೋಡಿಕೊಳ್ಳುತ್ತಿದ್ದೇನೆಂಬ ಭ್ರಮೆಯಲ್ಲಿದ್ದ! ** ಒಮ್ಮೆ ಹೀಗಾಯಿತು....ಚಲನಾ ವೀಕೆಂಡಿನಲ್ಲಿ ಟ್ರಿಪ್‍ಗೆಂದು ಹೋದವಳು, ವಾರವಾದರೂ ವಾಪಸ್ ಬರಲಿಲ್ಲ. ಫೋನ್ ಮಾಡಿದರೆ ಸ್ವಿಚ್ ಆಫ್ ಆಗಿತ್ತು. ಶತಭಿಷನಿಗೆ ಗಾಬರಿಯಾಗಿತ್ತು.. ಆಕೆಯನ್ನು ಸಂಪರ್ಕಿಸುವುದಕ್ಕೆ ಏನೇನೋ ಸರ್ಕಸ್ ಮಾಡಿದ. ಆಫೀಸಿಗೆ ಕಾಲ್ ಮಾಡಿದಾಗ ಆಕೆ ವೆಕೇಷನ್ ತೆಗೆದುಕೊಂಡಿದ್ದಾಗಿ ತಿಳಿಯಿತು... ಮಧ್ಯರಾತ್ರಿ ಐಡಿಯಾವೊಂದು ನೆನಪಾಗಿ ಆಫೀಸ್ ಮೇಲ್ ಗೆ, ಮೆಸ್ಸೇಜ್ ಕಳುಹಿಸಿದ್ದ. "ಹಿಮಾಲಯದಲ್ಲಿದೀನಿ ಕಣೋ....ಫೋನ್ ಯೂಸ್ ಮಾಡ್ತಿಲ್ಲಾ...ಇನ್ನೊಂದ್ ಎರಡ್ ವೀಕ್ ಆಗಬಹುದು..." ಎರಡು ದಿನಗಳ ನಂತರ ಆಕೆ ರಿಪ್ಲೈ ಮಾಡಿದ್ದಳು. ಆತನಿಗೇಕೋ ತೀರಾ ಸಿಟ್ಟು ಬಂದಿತ್ತು... ** "ಯಾಕ್ ನಂಗ್ ಹೇಳ್ ಹೋಗಿಲ್ಲಾ ನೀ?" ಆತ ಆಕೆ ಬರುಬರುತ್ತಲೇ ಪ್ರಶ್ನಿಸಿದ್ದ. ಆಕೆಗೆ ಕೆಂಡದಂಥಾ ಜ್ವರ ಬಂದಿತ್ತು... "ನಾನ್ ಯಾಕ್ ನಿಂಗ್ ಹೇಳ್ಬೇಕು?" ಆಕೆ ವಾಪಸ್ ಪ್ರಶ್ನಿಸಿದ್ದಳು. "ಯಾಕಂದ್ರೆ?" ಆತ ಗಟ್ಟಿಯಾಗೇ ಕೇಳಿದ "ಯಾಕೇ? ಹೇಳು..." ಆಕೆ ಬಳಲಿದ್ದಳಷ್ಟೇ. ಸೋಲುವವಳಾಗಿರಲಿಲ್ಲ.. "ಏನಿಲ್ಲ..." ಅತ ಕೈಲಿದ್ದ ಕಪ್ ಅನ್ನು ಬಿಸಾಡಿದ್ದ. ಆಕೆಯೇ ಬಿಡಿಸಿದ್ದ ಚಿತ್ರವಿದ್ದ ಆ ಪಿಂಗಾಣಿಯ ಕಪ್ಪ್ ಚೂರು ಚೂರಾಗಿತ್ತು. ಅವರ ರಿಲೇಷನ್‍ನಂತೆಯೇ.... ** "ಐ ಆಮ್ ನಾಟ್ ಯುವರ್ ಗರ್ಲ್‍ಫ್ರೆಂಡ್.." ಆಕೆ ಮೀಟಿಂಗ್‍ನಲ್ಲಿ ಸ್ಪಷ್ಟವಾಗಿ ಹೇಳಿದ್ದಳು. "ಸೋ? ನಾನ್ ಏನೂ ಅಲ್ವಾ ನಿಂಗೇ?" ಆತ ಕೊನೆಯ ಅಸ್ತ್ರವೆಂಬಂತೇ ಕೇಳಿದ್ದ "ನೀನ್ ನನ್ ಫ್ರೆಂಡು...ತುಂಬಾ ಒಳ್ಳೇ ಫ್ರೆಂಡು...ಇಲ್ಲೇ ಇರು...ಓದು...ಮಲ್ಕೋ...ನಂಗೇನೂ ಪ್ರಾಬ್ಲಂ ಇಲ್ಲ...ಬಟ್ ನಾನ್ ಏನ್ ಮಾಡಬೇಕು ಮಾಡಬಾರದು ಅನ್ನೋದನ್ನ ಕಂಟ್ರೋಲ್ ಮಾಡ್ಬೇಡಾ..." ಆಕೆ ನೇರವಾಗೇ ಹೇಳಿದ್ದಳು... "ಫೈನ್...ಐ ವಿಲ್ ಲೀವ್ ಯು ಆಂಡ್ ಯುವರ್ ಹೌಸ್ ದೆನ್...." ಆತ ಸಿಟ್ಟಿನಿಂದಲೇ ಹೇಳಿದ್ದ... "ಓನ್ಲೀ ದಿಸ್ ಫ್ಲಾಟ್..." ಆಕೆ ಸರಿ ಮಾಡಿದ್ದಳು.... "ವೈ ನಾಟ್ ಯು?" ಆತನ ಕಣ್ಣಲ್ಲಿ ಮುಂಚು ಮೂಡಿತ್ತು. "ಐ ಆಮ್ ನಾಟ್ ಯುವರ್ಸ್....ಐ ನೆವರ್ ವಾಸ್.." ಆಕೆ ನಗುತ್ತಲೇ ಹೇಳಿದ್ದಳು... ಆತ ಅದೇಕೋ ಜೋರಾಗಿ ನಕ್ಕಿದ್ದ.... "ಬೈ ದ ಬೈ ವೇರ್ ವಿಲ್ ಯು ಗೊ? ಹೌ ಡು ಯು ಮ್ಯಾನೇಜ್ ?" ಆಕೆ ಸಹಜವಾಗೇ ಕೇಳಿದ್ದರೂ, ಈತನಿಗೇನೋ ಕುಹಕವೆನ್ನಿಸಿತ್ತು.... "ಅಂದ್ರೆ? ನನ್ ಹತ್ರ ದುಡ್ಡಿಲ್ಲಾ ಅಂತಾ ನಾ?" "ಎಕ್ಸಾಟ್ಲೀ...." "ವಿಲ್ ಸಿ...." "ಓ.ಕೆ...ಫೈನ್...ಟೇಕ್ ಕೇರ್..." ಆಕೆ ಅಲ್ಲಿಂದ ಎದ್ದಿದ್ದಳು. ** ಶತಭಿಷ ಚಲನೆಯ ಫ್ಲಾಟ್ ಖಾಲಿ ಮಾಡಿ ಊರಿಗೆ ಹೊರಟಿದ್ದ. ಅಲ್ಲಿಯೇ ಇದ್ದು ಮೇನ್ಸ್‍ಗೆ ಓದುವ ನಿರ್ಧಾರ ಮಾಡಿದ್ದ. ಆತ ಬೇಡವೆಂದರೂ ಚಲನಾಳೇ ಏ.ಸಿ ಟೆಕೇಟ್ ಬುಕ್ ಮಾಡಿದ್ದಳು. ಪ್ಯಾಕಿಂಗ್‍ಗೆ ಸಹಕರಿಸಿದಳು. ಅವನಿಷ್ಟದ ಅವರೇಕಾಳಿನ ಉಪ್ಪಿಟ್ಟು ಮಾಡಿ ಬಡಿಸಿದಳು. "ಇರೋ ಇಲ್ಲೇ " ಎನ್ನುತ್ತಾಳೇನೋ ಎಂದು ಈತ ನಿರೀಕ್ಷಿಸುತ್ತಿರುವಾಗಲೇ "ಎಲ್ಲಾ ತಗೊಂಡ್ಯಾ " ಎಂದು ಕೇಳಿದಳು...."ಯಾಹ್..." ಎಂದು ಆತ ಲಿವಿಂಗ್ ರೂಮಿಗೆ ಬಂದ.... "ಯಾಕೋ ಅಳು ಬರ್ತಿದೆ ಕಣೋ....ವಾಸ್ ಐ ರೂಡ್?" ಆಕೆಯ ಮುಖ ಸಣ್ಣಗಾಗಿತ್ತು... "ಹಂಗೇನಿಲ್ವೇ..." ಆತ ಆಕೆಯ ಭುಜದ ಮೇಲೆ ಕೈಯ್ಯಿಟ್ಟು ಸಮಾಧಾನ ಹೇಳಿದ್ದ. "ಇಲ್ಲೇ ಇದ್ದು ಬಿಡೋಣವಾ?" ಶತಭಿಷ ಮತ್ತೊಮ್ಮೆ ಯೋಚಿಸುತ್ತಿದ್ದ. "ಅಣ್ಣಾ..ಅಲ್ಲೇ ಇರಿ..ಬರ್ತಿವಿ" ಎಂದ ಚಲನಾ ಬ್ಯಾಗ್ ತೆಗೆದುಕೊಂಡು ಕೆಳಗಿಳಿದಳು. ಓಲಾ ಕ್ಯಾಬ್‍ನಲ್ಲೇ ಸ್ಟೇಷನ್‍ವರೆಗೂ ಬಂದಳು. ಇನ್ನೇನು ಟ್ರೇನ್ ಹೊರಡಲಿದೆ ಎನ್ನುವಾಗ ಆತ್ಮೀಯವಾಗಿ ಅಪ್ಪಿಕೊಂಡು, "ಬಾಯ್" ಎಂದಳು. ಆಕೆಯ ಕಣ್ಣಲ್ಲಿ ನೀರಿತ್ತು. ಶತಭಿಷನ ಮುಖದಲ್ಲಿ ಮಂದಹಾಸ. ಕಾರಣ ಇಬ್ಬರಿಗೂ ಗೊತ್ತಿರಲಿಲ್ಲ. ** ಊರಿಗೆ ಬಂದ ಶತಭಿಷನಿಗೆ ಒಂದು ವಿಷಯವನ್ನೂ ಪೂರ್ತಿಯಾಗಿ ಓದಲಾಗಲಿಲ್ಲ. ಕೂಡುಕುಟುಂಬವಾಗಿದ್ದ ಅವರ ಮನೆ ದಾಯಾದಿಗಳ ಭಿನ್ನಾಭಿಪ್ರಾಯಗಳಿಂದ ನಿತ್ಯ ರಣರಂಗವಾಗಿತ್ತು. ಕೆಲಸ ಬಿಟ್ಟು ಬಂದವನು ಎನ್ನುವ ಮೂದಲಿಕೆಯೂ ಆಗಾಗ ಈತನಿಗೆ ಸಲ್ಲುತ್ತಿತ್ತು. ಆ ವಾತಾವರಣದಲ್ಲಿ ಆತನಿಗೆ ಓದಿನ ಕಡೆ ಗಮನಹರಿಸಲಾಗಲಿಲ್ಲ. ಅಲ್ಲಿಯೇ ಸಣ್ಣ ಪುಟ್ಟ ಕೆಲಸ ಮಾಡಿಕೊಂಡು ಊಟ ತಿಂಡಿ ಮಾಡಿಕೊಂಡು ಇದ್ದವನಿಗೆ ಬುರುಡೆಯ ಮೇಲೆ ಕೊಟ್ಟಂತಾಗಿದ್ದು ಮೇನ್ಸ್ ಎಕ್ಸಾಮ್ ಬಂದಾಗಲೇ. ಎರಡನೇ ಬಾರಿಯೂ ಎಕ್ಸಾಂ ಕ್ಲಿಯರ್ ಮಾಡಲಾಗದ ಮೇಲೆ ಆತನಿಗೆ ಐ.ಏ.ಎಸ್ ಬಗ್ಗೆ ಆಸಕ್ತಿಯೇ ಹೊರಟು ಹೋಗಿತ್ತು. ಊರಿನಿಂದ ಹೊರ ಹೋಗಬೇಕು ಅನ್ನಿಸತೊಡಗಿತ್ತು. ಮತ್ತೆ ಐ.ಟಿಗೆ ಹೋಗಲು ಖಂಡಿತಾ ಮನಸ್ಸಿರಲಿಲ್ಲ. ಆಗೆಲ್ಲ ಖುಷಿ ಕೊಡುತ್ತಿದ್ದ ವಿಚಾರ ಒಂದೇ ಟ್ರೇಡಿಂಗ್...ಹವ್ಯಾಸವಾಗಿ ಶುರುವಾದ ಷೇರ್ ಮಾರ್ಕೇಟ್ ವ್ಯವಹಾರ, ಆತನಿಗೆ ಹುಚ್ಚು ಹಿಡಿಸಿತ್ತು...ಕೆಲಸ ಎನ್ನುವುದಕ್ಕಿಂತ ಹೆಚ್ಚಾಗಿ ಹುಚ್ಚಾಗಿತ್ತು...ಊರಿನಿಂದ ಒಂದಿಷ್ಟು ಹಣ ಪಡೆದು ಮತ್ತೆ ಬೆಂಗಳೂರಿನ ಬಸ್ಸು ಹತ್ತಿದ್ದ...ಹಣ ಹಾಕಿ, ಹಣ ಕಳೆದು, ಹಣ ಪಡೆದು, ನಿದ್ದೆಗೆಟ್ಟು ಹೇಗೋ ಒಂದು ಹಂತಕ್ಕೆ ಬಂದಿದ್ದ. ** "ನಿಂಗೂ ಅವಳಿಗೂ ಏನ್ ಸಂಬಂಧಾ?" ಸ್ಥಿರೆ ಕೇಳಿದಾಗ ಇದನ್ನೆಲ್ಲಾ ಹೇಳಬೇಕು ಎಂದು ಅವನಿಗೆ ಅನ್ನಿಸಿತ್ತು. ಆದರೆ ಇದು ಸರಿಯಾದ ಸಮಯವಲ್ಲ. ಆಕೆ ಮತ್ತು ಮಗುವಿನ ಆರೋಗ್ಯಕ್ಕೆ ಒಳ್ಳೆಯದಲ್ಲ ಎಂದುಕೊಂಡು, ಸಾಗ ಹಾಕಲೆಂದು ಏನೋ ಹಾರಿಕೆಯ ಉತ್ತರ ನೀಡಿದ. ನನ್ನನ್ನು ನಂಬು ಎಂದು ಸ್ಥಿರೆಯ ಕೈ ಹಿಡಿದು ಕೇಳಿಕೊಂಡ... ಅಷ್ಟರಲ್ಲಾಗಲೇ ಜೋರು ಮಾತು ನಡೆಯತ್ತಿರುವುದನ್ನು ಕೇಳಿ ಸ್ಥಿರೆಯ ತಾಯಿ ಅಡ್ಡ ಬಂದರು. ಆ ಬಗೆಗಿನ ಮಾತುಕತೆ ಅಲ್ಲಿಗೇ ನಿಂತಿತ್ತು. ಹೊರಡುವ ಮುನ್ನ ಸ್ಥಿರೆಗೆ ಶತಭಿಷ ಪ್ರಾಮಿಸ್ ಮಾಡಿದ್ದ. "ಆಫೀಸ್ ವಿಷಯ ಬಿಟ್ಟು ಚಲನಾ ಹತ್ರ ಏನೂ ಮಾತಾಡಲ್ಲ".... ಸ್ಥಿರೆ ಒಲ್ಲದ ಮನಸ್ಸಿನಿಂದ ಒಪ್ಪಿ, ಅವನನ್ನು ಕಳುಹಿಸಿಕೊಟ್ಟಿದ್ದಳು. ಆದರೆ ಆ ಪ್ರಾಮಿಸ್ ಬ್ರೇಕ್ ಆಗುವ ಸಂದರ್ಭ ಹತ್ತಿರ ಬಂದಿತ್ತು. ** ಎಂದಿನಂತೆ ರಾತ್ರಿ ಸ್ಥಿರೆ ಶತಭಿಷನಿಗೆ ವೀಡಿಯೋ ಕಾಲ್ ಮಾಡಿದ್ದಳು. ಶತಭಿಷ ಲಿವಿಂಗ್ ರೂಮಿನಿಂದ ಮಾತನಾಡುತ್ತಿದ್ದ. ಗುಡ್‍ನೈಟ್ ಹೇಳಿ ಫೋನ್ ಇಡಬೇಕು ಎನ್ನುವಷ್ಟರಲ್ಲಿ ಬೆಡ್‍ರೂಮ್ ಕಡೆ ಯಾರೋ ಓಡಾಡಿದಂತಾಯಿತು..."ಯಾರಾದ್ರೂ ಬಂದಿದಾರಾ?" ಸ್ಥಿರೆ ಕೇಳಿದ್ದಳು. "ಯಾರಿಲ್ಲ" ಎಂದು ಶತಭಿಷ ಹೇಳಿ ಮುಗಿಸುವಷ್ಟರಲ್ಲಿಯೇ, "ಹಾಯ್ ಸ್ಥಿರಾ" ಎಂಬ ಧ್ವನಿ ಮೊಳಗಿತ್ತು... ಶತಭಿಷ ಶಾಕ್‍ನಲ್ಲಿರುವಾಗಲೇ, ಆಕೆ ಫೋನ್ ಕಿತ್ತುಕೊಂಡು "ಹಾಯ್ ಸ್ಥಿರಾ? ಹೌ ಈಸ್ ಇಟ್ ಗೋಯಿಂಗ್ ಆನ್? ಆಲ್ ಗುಡ್" ಎಂದಿದ್ದಳು... ಸ್ಥಿರೆ ಮೂವತ್ತು ಸೆಕೆಂಡಿನ ನಂತರ ಫೋನ್ ಕಟ್ ಮಾಡಿದ್ದಳು. ಶತಭಿಷ ಸಿಟ್ಟಿನಿಂದ ಅರಚಿದ್ದ "ವಾಟ್ ಈಸ್ ದಿಸ್ ಚಲನಾ? ಹೇಳಿದ್ನಲ್ವಾ?" (ಮುಂದುವರೆಯುವುದು) -ಚಿನ್ಮಯ 5/2/2019

ಸೆಕೆಂಡ್ ರೌಂಡ್

ಒಂದ್ ಮಗು ಮಾಡ್ಕೋ. ಜವಾಬ್ದಾರಿ ಬರತ್ತೆ. ಎಲ್ಲಾ ಸರಿ ಆಗತ್ತೆ".

ಸ್ಥಿರೆಗೇಕೋ ತಾಯಿಯ ಸಲಹೆ ಕನ್ವಿನ್ಸಿಂಗ್ ಅನ್ನಿಸಲಿಲ್ಲ. ರಾತ್ರಿ ಊರಿನಿಂದ ವಾಪಸ್ಸ್ ಹೊರಡಬೇಕು ಎನ್ನುವಾಗ ಸ್ಥಿರೆ ತಾಯಿಯ ಬಳಿ ಚಲನಾಳ ವಿಚಾರವನ್ನು ಮತ್ತೆ ಹೇಳಿದ್ದಳು. ಅವತ್ತಿನವರೆಗೂ ತಾಯಿ ಏನನ್ನೂ ಗಟ್ಟಿಯಾಗಿ ಹೇಳಿರಲಿಲ್ಲ. ಅವತ್ತು ಹೇಳಿದ್ದಳು.

ಹಬ್ಬಕ್ಕೆಂದು ಊರಿಗೆ ಹೋದಾಗ ಇದರ ಜೊತೆಗೆ ಇನ್ನೆರಡು ವಿಶಿಷ್ಟ ಘಟನೆಗಳು ನಡೆದವು. ಮೊದಲನೇಯದು, ಶತಭಿಷನ ಸಾಹಿತ್ಯಿಕ-ಆಧ್ಯಾತ್ಮಿಕ ಪ್ರಪಂಚದ ಪರಿಚಯ ಸ್ಥಿರೆಯ ಮನೆಯವರಿಗಾದದ್ದು. ಕಾರಂತರ ಕಾದಂಬರಿ, ಮಾಸ್ತಿ-ಅನಂತಮೂರ್ತಿಗಳ ಕತೆಗಳು, ಮೈಸೂರು ಮಲ್ಲಿಗೆ, ನಾಕುತಂತಿ, ರತ್ನನ್ ಪದಗಳು, ಗದುಗಿನ ಭಾರತ, ಮಂಕುತಿಮ್ಮನ ಕಗ್ಗದ ಹಾಡುವಿಕೆ, ಭಜಗೋವಿಂದಂ, ಭಗವದ್ಗೀತೆಯಲ್ಲಿನ ಜಿಜ್ಞಾಸೆ, ಹೀಗೆ ಸ್ಥಿರೆಗೆ ಶತಭಿಷನ ಇನ್ನೊಂದು ಪ್ರಪಂಚದ ಪರಿಚಯವಾಗಿತ್ತು. ಸ್ಥಿರೆಯ ತಂದೆ ತಾಯಿಗಂತೂ ಅಳಿಯನ ಬಗ್ಗೆ ವಿಶೇಷ ಅಭಿಮಾನ ಮೂಡಿತ್ತು.
ಎರಡನೇಯದ್ದು, ಸ್ಥಿರೆಯ ತಂದೆ ಹೇಳಿದ ವಿಚಾರ. "ಲೆಕ್ಚರಿಂಗ್ ಮಾಡೋ ಹಂಗಿದ್ರೆ ನಮ್ಮೂರ್ ಇಂಜಿನಿಯರಿಂಗ್ ಕಾಲೇಜ್‍ನಲ್ಲೇ ಮಾಡ್ಬೋದಲ್ಲಾ?" ಮಗ ವಿದೇಶಕ್ಕೆ ಹೋದಾಗಿನಿಂದ ಸ್ಥಿರೆಯ ತಂದೆಗೆ ಮಗಳ ಮೇಲೆ ಪ್ರೀತಿ ದುಪ್ಪಟ್ಟಾಗಿತ್ತು. ಖಾಸಾ ದೋಸ್ತ್‍ಗಳಾಗಿದ್ದ ಬೋರ್ಡ್ ಮೆಂಬರ್‍ಗಳ ಇನ್‍ಫ್ಲುಯೆನ್ಸ್ ಬಳಸಿ, ಅಳಿಯನಿಗೊಂದು ಕೆಲಸ ಕೊಡಿಸಿ ಮಗಳ ಸಂಸಾರವನ್ನು ಕಾಲಬುಡದಲ್ಲೇ ಇಟ್ಟುಕೊಳ್ಳುವ ಆಸೆ ಅವರದ್ದಾಗಿತ್ತು. ಶತಭಿಷ ಆ ಆಫರ್‍ಅನ್ನು ವಿನಯಪೂರ್ವಕವಾಗಿ ತಿರಸ್ಕರಿಸಿದ್ದ. ಶತಭಿಷನ ಈ ನಿರ್ಧಾರಕ್ಕೆ ಸ್ಥಿರೆಯ ಸಮ್ಮತಿಯಿತ್ತು.
ಅಂತೂ ಹಿರಿಯರಿಗೆ ನಮಸ್ಕರಿಸಿ, ರಾತ್ರಿಯ ಸ್ಲೀಪರ್ ಬಸ್ಸಿನಲ್ಲಿ ಗಂಡ-ಹೆಂಡತಿ ಬೆಂಗಳೂರಿಗೆ ಬಂದಿಳಿದಿದ್ದರು. ಸ್ನಾನ ಮಾಡದೇ ಆಫೀಸಿಗೆ ಹೋಗಿದ್ದರು.
**
ಸಂಜೆ ಲಿಫ್ಟಿನಲ್ಲಿ ಚಲನಾ ಎದುರಾದಳು. ಮತ್ತದೇ ಚಿತ್ರ-ವಿಚಿತ್ರ ವೇಷ. ಆದರೆ ಆತ್ಮೀಯವಾದ ನಗು. "ಹಾಯ್" ಎಂದು ಮಾತನಾಡಿಸಿದಳು. ಸ್ಥಿರೆ "ಹಾಯ್ " ಎಂದು ನಕ್ಕಳಷ್ಟೇ. ಮಾತುಕತೆಯೇನೂ ನಡೆಯಲಿಲ್ಲ. ಲಿಫ್ಟ ದಾಟಿ ತಮ್ಮ ತಮ್ಮ ಮನೆಯ ಕಡೆ ಹೋಗುವಾಗ ಅಳೆದೂ ತೂಗಿ ಸ್ಥಿರೆಯೇ ಮಾತನಾಡಿದಳು. "ಊರಿಂದ ಪ್ರಸಾದ ತಂದಿದೀನಿ. ತಗೊಂಡ್ ಹೋಗಿ ಪ್ಲೀಸ್..." ಅದು ಬರೀ ಪ್ರಸಾದ ಕೊಡಲೆಂದಷ್ಟೇ ಕೊಟ್ಟ ಆಮಂತ್ರಣವಾಗಿರಲಿಲ್ಲ.
"ಅಹ್...ಬಿಟ್ ಬಿಸಿ ಟುಡೇ.. ಮೇ ಬಿ ಟುಮಾರ್ರೋ?" ಚಲನಾ ಸಿಗರೇಟ್ ಹಚ್ಚುತ್ತಾ ಕೇಳಿದ್ದಳು.
ಸ್ಥಿರೆ "ಓ.ಕೆ ..ಶ್ಯುರ್ " ಎಂದಳಾದರೂ ಗಾಂಚಾಲಿ ಎಂದು ಬೈದುಕೊಂಡು ಮನೆಯ ಬಾಗಿಲು ಹಾಕಿದಳು.

ಶತಭಿಷ ಅದಾಗಲೇ ಮನೆಯಲ್ಲಿದ್ದ. ಬಾಲಿಂಜರ್ ಬ್ಯಾಂಡ್‍ಅನ್ನು ಅನಲೈಸ್ ಮಾಡುತ್ತಾ ಶೇರಿನ ರೇಟು ಇದಕ್ಕಿಂತ ಕಡಿಮೆ ಹೋಗಲಾರದು ಎಂದು ಲೆಕ್ಕ ಹಾಕುತ್ತಿದ್ದ. ಕಿಚನ್‍ಗೆ ಹೋದ ಸ್ಥಿರೆ, ಅದಾಗಲೇ ಹಾಲು ಕಾಯಿಸಿಟ್ಟಿದ್ದನ್ನು ನೋಡಿ ಖುಷಿಯಾದಳು. "ಕಾಫಿ?" ಎಂದಳಾದರೂ ಶತಭಿಷ "ನೋ" ಎಂದು ಮತ್ತೆ ಗ್ರಾಫುಗಳಲ್ಲಿ ಮುಳುಗಿಹೋದ. ಸ್ಥಿರೆಯ ಗಮನ ಲಿವಿಂಗ್ ರೂಮ್‍ನಲ್ಲಿಟ್ಟ ಚಿತ್ರದ ಕಡೆ ಹೋಯಿತು. ಚಲನಾಳಿಂದ ಕೊಂಡು ತಂದ ಚಿತ್ರವಾ? ತಲೆ ಗಿರ್ರ್ ಎಂದಿತು. "ಇದ್ಯಾಕ್ ಇಲ್ಲ್ ಇಟ್ಟಿದಿಯಾ?" ಜೋರಾಗಿ ಅರಚಬೇಕೆನ್ನಿಸಿತು. ಶತಭಿಷ ಟ್ರೆಂಡ್ ಅನಲೈಸ್ ಮಾಡುವಾಗ ಸಣ್ಣ ಡಿಸ್ಟರ್ಬನ್ಸ್‍ಗೂ ತೀವ್ರವಾಗಿ ಸಿಟ್ಟಾಗುತ್ತಿದ್ದ. ಅಲ್ಲಿರಲು ಸಾಧ್ಯವಾಗದೇ ಆಕೆ ಬಾಲ್ಕನಿಗೆ ಹೋಗಿ ಊರಿಗೆ ಫೋನು ಮಾಡಿದಳು. ಅಪ್ಪನ ಆರೋಗ್ಯ ವಿಚಾರಿಸಿದಳು.
**
"ಊಟಕ್ಕೇನೂ ಮಾಡ್ಬೇಡಾ...ಜೋಳದ್ ರೊಟ್ಟಿ ಪಲ್ಯಾ ಪಾರ್ಸೆಲ್ ತರ್ತೀನಿ.." ಶತಭಿಷ ಏಳೂವರೆಗೇ ಫೋನ್ ಮಾಡಿ ಹೇಳಿದ್ದ. ಸ್ಥಿರೆ ಹಾಗೇ ವಿರಾಮವಾಗಿ ಕುಳಿತಿದ್ದಳು.
"ಐ ಆಮ್ ನಾಟ್ ಡಿಸ್ಟರ್ಬಿಂಗ್ ಯು ಪೀಪಲ್ ರೈಟ್?" ಚಲನಾ ಕರೆ ಮಾಡಿದ್ದಳು. ಸ್ಥಿರೆಯ ಆಮಂತ್ರಣ ಮನ್ನಿಸಿ ಮನೆಗೂ ಬಂದಳು. ಅವತ್ತು ಸೀರೆಯನ್ನುಟ್ಟಿದ್ದಳು. ಸ್ಥಿರೆಗೆ ಅವಳನ್ನು ಅರ್ಥ ಮಾಡಿಕೊಳ್ಳುವುದು ಸಾಧ್ಯವೇ ಇಲ್ಲ ಅನ್ನಿಸಿತು. ವಾಡಿಕೆಯ ಮಾತುಕತೆ ಚಹಾ ಎಲ್ಲ ಆದ ಮೇಲೆ ಸ್ಥಿರೆಗೆ ಕೇಳಲೇಬೇಕೆನ್ನಿಸಿತು "ಹೌ ಡು ಯು ನೌ ಮೈ ಹಸ್ಬಂಡ್?"
ಚಲನಾ ಆ ಪ್ರಶ್ನೆಯನ್ನೇ ನಿರೀಕ್ಷಿಸುತ್ತಿದ್ದಂತೆ ಮುಗುಳು ನಕ್ಕಳು.
"ಐ ಥಿಂಕ್ ಬೆಟರ್ ಕ್ವಶ್ಚನ್ ವುಡ್ ಬಿ ಹೌ ಬೆಟರ್ ಐ ನೌ ಹಿಮ್. ಅಲ್ವಾ?" ಸ್ಥಿರೆಯ ಕಡೆ ದಿಟ್ಟಿಸಿದಳು.
ಸ್ಥಿರೆಗೆ ಸಿಟ್ಟು-ಗೊಂದಲ-ಪಾಪಪ್ರಜ್ಞೆ ಒಟ್ಟೊಟ್ಟಿಗೆ ಅನುಭವಕ್ಕೆ ಬಂದವು. ರಿಪ್ಲೈ ಮಾಡಲು ಗೊತ್ತಾಗಲಿಲ್ಲ.
"ಡೋಂಟ್ ವರಿ. ಐ ಆಮ್ ಲಿವಿಂಗ್ ದಿಸ್ ಸ್ಟುಪಿಡ್ ಸಿಟಿ. ಯು ವೋಂಟ್ ಸೀ ಮಿ ಅಗೇನ್" ಸ್ಥಿರೆಯ ಭುಜದ ಮೇಲೆ ಕೈಯ್ಯಿಟ್ಟು ಚಲನಾ ಹೊರಟು ಹೋದಳು.
ಶತಭಿಷ ತಂದಿದ್ದ ರೊಟ್ಟಿ ಪಲ್ಯ ಅವತ್ತೇಕೋ ಸ್ಥಿರೆಗೆ ಬಹಳೇ ಇಷ್ಟವಾಯಿತು. ಲಿವಿಂಗ್ ರೂಮಿನಲ್ಲಿದ್ದ ಫೋಟೋ ವಿಚಾರ ಕೇಳಲು ಮನಸ್ಸಾಗಲೇ ಇಲ್ಲ.
**
ಅವತ್ತು ಬೆಳಿಗ್ಗೆಯಿಂದ ಚಲನಾಳ ಮನೆ ಆಕ್ಟಿವ್ ಆಗಿತ್ತು. ಪ್ಯಾಕಿಂಗ್‍ನವರು, ಓ.ಎಲ್.ಎಕ್ಸ್‍ನವರು, ಆಕೆಯ ಗಂಡ-ತಾಯಿ ಮತ್ತವರ ನೆಂಟರು ಹೀಗೆ ಹಲವಾರು ಜನ ಬಂದು ಹೋಗುತ್ತಿದ್ದರು. ಎಲ್ಲಾ ಪ್ಯಾಕ್ ಆದಮೇಲೆ ಚಲನಾ ಸ್ಥಿರೆಯ ಮನೆಯ ಬೆಲ್ ರಿಂಗ್ ಮಾಡಿದಳು. ಶತಭಿಷ ಬಾಗಿಲು ತೆರೆದ.
ಚಲನಾ ನೇರವಾಗಿ ಕಿಚನ್‍ಗೆ ಹೋಗಿ, "ಕ್ಯಾನ್ ಐ ಗೆಟ್ ಅ ಬಾಟಲ್ ವಾಟರ್?" ಎಂದಳು.
ಸ್ಥಿರಾ ಅಲ್ಲಿರಲಿಲ್ಲ. ಸ್ನಾನಕ್ಕೆ ಹೋಗಿದ್ದಳು.
"ತಗೋ" ಶತಭಿಷ ಕುಳಿತಲ್ಲಿಂದಲೇ ಹೇಳಿದ್ದ.
"ಡ್ರಾಯಿಂಗ್ ಬೇಡ್ವಾ?" ಶತಭಿಷ ಆಶ್ವರ್ಯವೆಂಬಂತೆ ಮಾತನಾಡಿದ್ದ. "ಕೊಟ್ರೆ ತಗೊಂಡ್ ಹೋಗ್ತಿನಿ. ಬಟ್ ನನ್ ಹತ್ರಾ ದುಡ್ಡಿಲ್ಲಾ.." ಚಲನಾ ಮುಖಕ್ಕೆ ಮುಖ ಕೊಟ್ಟು ಮಾತನಾಡಿದ್ದಳು.
ಶತಭಿಷ ಆಕೆಯನ್ನು ಮುಖವಿಟ್ಟು ನೋಡಲೇ ಇಲ್ಲ.
ಎದ್ದು ಫೋಟೋ ಫ್ರೇಮನ್ನು ಪ್ಯಾಕ್ ಮಾಡಿ, ಕುರ್ಚಿಯ ಮೇಲಿಟ್ಟ.

ಚಲನಾ ಬಾತ್‍ರೂಮ್ ಬಳಿ ಬಂದು, ಸ್ಥಿರೆಗೆ ಕೂಗಿ ಹೇಳಿದಳು. "ಐ ಆಮ್ ಲೀವಿಂಗ್. ಬಾಯ್...". ಸ್ಥಿರೆ ಒಂದೈದು ನಿಮಿಷ ಕಾಯಲು ಹೇಳಿದಳಾದರೂ "ಗೆಟ್ಟಿಂಗ್ ಲೇಟ್...ಟೇಕ್ ಕೇರ್" ಎಂದು ಚಲನಾ ಹೊರಟು ಹೋದಳು.
ಶತಭಿಷ ಆಕೆ ಪ್ಯಾಕಿಂಗ್ ಟ್ರಕ್‍ನಲ್ಲಿಯೇ ಕೂತು ಒಂಟಿಯಾಗಿ ಹೊರಡುವುದನ್ನು ಬಾಲ್ಕನಿಯಿಂದ ನೋಡುತ್ತಿದ್ದ. ಅಪರೂಪಕ್ಕೆ ಸೇದಿದ್ದ ಆತನ ಸಿಗರೇಟಿನ ಹೊಗೆ ಬಾತ್‍ರೂಮ್ ತಲುಪಿತ್ತು. "ಹೊರ್ಟೊದ್ಲಾ?" ಸ್ಥಿರೆ ಹೊರಬಂದು ಕೇಳಿದಳು. ಶತಭಿಷ "ಹಾಂ" ಎಂದ. ಇನ್ನೊಂದು ಸಿಗರೇಟು ಹಚ್ಚಿದ. "ಫೋಟೋ ಫ್ರೇಮ್ ಎಲ್ಲೋಯ್ತು?" ಸ್ಥಿರೆ ಟಕ್ಕನೆ ಗಮನಿಸಿದ್ದಳು. "ಹೋಯ್ತಲ್ಲ...ಬಿಡು ಈಗ" ಶತಭಿಷ ಮುಖ ತಿರುಗಿಸಿಯೇ ಉತ್ತರಿಸಿದ್ದ. ಸ್ಥಿರೆಗೇಕೋ ಸಿಟ್ಟು ಬಂದಂತಿತ್ತು.
**
ಶತಭಿಷ ಯಾವುದೋ ಕಂಪನಿಯ ಬ್ಯಾಲೆನ್ಸ್ ಶೀಟ್ ನೋಡುತ್ತಿದ್ದ. "ನಿಂಗೂ ಅವಳಿಗೂ ಏನ್ ಸಂಬಂಧ?" ಸ್ಥಿರೆ ಚಹಾ ಕುಡಿಯುತ್ತಾ ಕೇಳಿದ್ದಳು.
"ಏಯ್..ನಾಟ್ ನೌ..ವಿ ವಿಲ್ ಟಾಕ್ ಸಮ್ ಡೇ" ಶತಭಿಷ ಕನ್ನಡಕ ಹಾಕಿಕೊಳ್ಳುತ್ತಾ ಹೇಳಿದ್ದ.
"ಆಗಲ್ಲ...ಇಷ್ಟ್ ದಿನ ತಡ್ಕೊಂಡಿದೀನಿ...ಹೇಳು" ಆಕೆ ಜಗಳವಾಡಲು ಸಿದ್ಧವಾಗಿದ್ದಳು.
"ನಿಂಗೂ ವಿನಯ್‍ಗೂ ಏನ್ ಸಂಬಂಧ ಅಂತಾ ನಾನ್ ಕೇಳಿದೀನಾ?" ಶತಭಿಷ ಉಡಾಫೆಯಿಂದ ಕೇಳಿದ.
"ಅದ್ ಬೇರೆ ಇದ್ ಬೇರೆ...ನಿಂಗೆಲ್ಲಾ ಹೇಳಿದೀನಿ ನಾನು... ಅದ್ ಏನಾಯ್ತ್ ಅಂದ್ರೆ...." ಆಕೆ ಒಂದೈದು ನಿಮಿಷ ಹಳೆಯ ಟೇಪನ್ನೇ ಮತ್ತೆ ಓಡಿಸಿದ್ದಳು.
"ಹೂಂ..." ಎನ್ನುತ್ತಾ ಆತ ಕಂಪನಿಯ ಷೇರ್ ವ್ಯಾಲ್ಯು ಬಿದ್ದಿದ್ದೇಕೆ ಎಂದು ತಲೆ ಕೆಡಿಸಿಕೊಳ್ಳುತ್ತಿದ್ದ.
"ನಂದ್ ಮುಗೀತು...ಹೇಳು..ನೀನ್ ಈಗ" ಆಕೆ ಮತ್ತೆ ಕೇಳತೊಡಗಿದ್ದಳು.
"ನನ್ ಪಾಸ್ಟ್ ಬಗ್ಗೆ ತಿಳ್ಕೋಳ್ಳೋದ್ ಮುಖ್ಯನಾ? ಅಥವಾ ಸಧ್ಯ ನಾನ್ ಫ್ರೆಸೆಂಟ್ ಹೆಂಗಿದೀನೋ ಹಂಗೆ ಒಪ್ಕೊಳ್ಳೋದ್ ಮುಖ್ಯನಾ?" ಶತಭಿಷ ಚಲನಾಳ ವಿಚಾರ ಮಾತಾಡಲು ನಿರಾಕರಿಸಿದ್ದ.
"ಅರ್ಥ ಆಗಿಲ್ಲ" ಆಕೆ ತನ್ನ ಪ್ರಯತ್ನ ಬಿಡಲಿಲ್ಲ.

"ನಾನ್ ಏನೇನ್ ಮಾಡಿದೀನಿ ಅನ್ನೋದ್ ಇಂಪಾರ್ಟೆಂಟ್ ಅಲ್ಲಾ ಕಣೆ. ಪಾಸ್ಟ್ ಈಸ್ ಪಾಸ್ಟ್. ಅದನ್ನಾ ಕೆದ್ಕೋದ್ರಿಂದ ಏನೂ ಯೂಸ್ ಇಲ್ಲ. ಪ್ರೆಸೆಂಟ್ ನಾನ್ ಇರೋದ್ರಲ್ಲಿ ನಿಂಗ್ ಏನಾದ್ರೂ ಪ್ರಾಬ್ಲಂ ಇದ್ರೆ ಹೇಳು...ಈ ಮನೆ ಚಿಕ್ಕದಾಯ್ತಾ? ನಾನ್ ಸರಿ ಇಲ್ವಾ? ನಿಂಗ್ ಟೈಮ್ ಕೊಡ್ತಿಲ್ವಾ? ದುಡ್ಡ್ ಕಳ್ಕೊಂಡಿದೀನಿ ನಿಜಾ...ಬಟ್ ಅದೊಂದ್ ಬ್ಯಾಡ್ ಪ್ಯಾಚ್ ಅಷ್ಟೆ...ಆಸ್ ಫರ್ ದಿಸ್ ಕಂಪನಿ ಪ್ರೊಫೈಲ್ .." ಆತ ಷೇರ್ ಮಾರ್ಕೆಟ್ ಮತ್ತು ಟ್ರೆಂಡಿಂಗ್ ಬಗ್ಗೆ ಪ್ರೆಡಿಕ್ಷನ್ ಶುರು ಮಾಡಿದ್ದ.

ಆತನ ಲೆಕ್ಚರ್ ಶುರುವಾದರೆ ಅರ್ಧ ತಾಸಿನ ಕಡಿಮೆ ನಿಲ್ಲುತ್ತಿರಲಿಲ್ಲ. ಸ್ಥಿರೆಗೆ ಅಮ್ಮನ ಕಾಲ್ ಬಂದಿತ್ತು.

"ನಾನ್ ಹೇಳಿದ್ ವಿಚಾರ ಯೋಚ್ನೆ ಮಾಡಿದ್ರಾ? ಇನ್ನೂ ಎಸ್ಟ್ ದಿನ ಅಂತಾ? ನಿಂಗೂ ಮೂವತ್ತ್ ಆಗ್ತಾ ಬಂತು..." ತಾಯಿಯ ಧ್ವನಿ ಗಟ್ಟಿಯಾಗುತ್ತಲೇ ಇತ್ತು. ಸ್ಥಿರೆಯ ಬಳಿ ಉತ್ತರವಿರಲಿಲ್ಲ.
**
"ಐ ವಾಂಟ್ ಯು ಇನ್ ಮೈ ಟೀಮ್..." ಶತಭಿಷನ ಹಳೆಯ ಬಾಸ್ ಒಬ್ಬರು ಕರೆ ಮಾಡಿ ಒತ್ತಾಯಿಸುತ್ತಿದ್ದರು. ಅವರು ಫಂಡ್ ಮ್ಯಾನೇಜರ್ ಆಗಿ ನೇಮಕಗೊಂಡಿದ್ದು ಮತ್ತು ಶತಭಿಷನಿಗೆ ಆಯಕಟ್ಟಿನ ಸೀನಿಯರ್ ಪೋಸ್ಟ್‍ವೊಂದನ್ನು ಆಫರ್ ಮಾಡಿದ್ದರು. ಶತಭಿಷ ಒಪ್ಪಿಕೊಳ್ಳಲೋ ಬಿಡಲೋ ಎಂಬ ಗೊಂದಲದಲ್ಲಿದ್ದ.

"ನಿಂಗ್ ಆ ಕೆಲ್ಸಾನೇ ಮಾಡ್ಬೇಕು ಅನ್ಸಿದ್ರೆ ಮಾಡು" ಸ್ಥಿರೆ ಸಹಜವೆಂಬಂತೆ ಹೇಳಿದ್ದಳು.

"ಡಿಸೆಂಬರ್‍ಗೆ ಇನ್ನ್ ಮೂರ್ ತಿಂಗ್ಳ್ ಮಾತ್ರ ಇದೆ. ದೆನ್ ಡಿಲೆವರಿ. ಓಡಾಟ. ಮಗು ನೋಡ್ಕೊಳೋದು....ಎಷ್ಟ್ ಟೈಂ ಕೊಡಕ್ ಆಗತ್ತೆ ಗೊತ್ತಿಲ್ಲಾ" ಆತ ಗೊಂದಲದಲ್ಲಿದ್ದ. "ಹೆಂಗೋ ಮ್ಯಾನೇಜ್ ಆಗತ್ತೆ ಕಣೋ...ಅಮ್ಮ ಹೆಲ್ಪ್ ಮಾಡ್ತಾಳೆ... ಐ ನೌ ಯು ಕ್ಯಾನ್ ಮ್ಯಾನೇಜ್ ಇಟ್..." ಆಕೆಗೆ ಆತನ ಬಗ್ಗೆ ನಂಬಿಕೆಯಿತ್ತು. ಚಲನಾ ಎಂಬ ಕಾರ್ಮೋಡ ದೂರವಾಗಿ , ಅವಳ ಬಾಳಲ್ಲಿ ಆನಂದದ ಮೊಳಕೆ ಮೂಡುವ ಸಮಯ ಒದಗಿಬಂದಿತ್ತು. ಆಕೆಯ ತಾಯಿ ಅದಾಗಲೇ ಮಗಳ ಬಾಣಂತನದ ಸಿದ್ಧತೆ ಶುರುವಿಟ್ಟುಕೊಂಡಿದ್ದರು.
**
ಶತಭಿಷ ಮತ್ತೆ ಷೇರ್ ಮಾರ್ಕೆಟ್ ಪ್ರಪಂಚಕ್ಕೆ ಎಂಟ್ರಿ ಕೊಟ್ಟಿದ್ದ. ಬಹುತೇಕ ಎರಡು ವರುಷಗಳ ಕಾಲ ಅಜ್ಞಾತವಾಸದಲ್ಲಿದ್ದವನನ್ನು ಕೆಲವರು ಹೊಸಬ ಎಂದೇ ಭಾವಿಸಿದ್ದರು. ಇನ್ನೂ ಕೆಲವರು, ಈತ ಮುಳುಗಿಯೇ ಹೋದ ಎಂದ ನಂಬಿದ್ದರು. ಆತನ ಕೈಕೆಳಗೆ ಕೆಲಸ ಮಾಡಿದ್ದ ಒಬ್ಬಿಬ್ಬರು ಆಗ ಸಮಕ್ಕೆ ಬಂದಿದ್ದರು. ಏನೋ ಸಾಧಿಸಿದವರಂತೆ ಪೋಸು ಕೊಡುತ್ತಿದ್ದರು. ಶತಭಿಷನಿಗೂ ಟಚ್ ತಪ್ಪಿದಂತಾಗಿತ್ತು. ಒಂದಿಷ್ಟು ಅವಮಾನ, ಮೂದಲಿಕೆ, ಹಿಯಾಳಿಸುವುದು, ಮತ್ತೆ ಬಂದ್ನಾ ಎಂದು ಅಣಕಿಸುವುದು ಸಾಮಾನ್ಯವಾಗಿತ್ತು. ಜೊತೆಗೆ ಶತಭಿಷ ಮೀಟಿಂಗ್‍ಗಳಲ್ಲಿ ತುಂಬಾನೇ ಹಠಮಾರಿಯಂತೆ ತೋರುತ್ತಿದ್ದುದರಿಂದ ಆತನ ಬಗ್ಗೆ ಗಾಳಿ ಸುದ್ದಿಗಳಿಗೇನೂ ಕೊರತೆ ಇರಲಿಲ್ಲ. ಇವುಗಳಿಗೆಲ್ಲಾ ಬ್ರೇಕ್ ಬಿದ್ದಿದ್ದು ಶತಭಿಷನ ಸಲಹೆಯ ಅನುಸಾರ ಷೇರಿನ ಮೌಲ್ಯವೊಂದು ಒಂದೇ ದಿನಕ್ಕೆ 14% ಜಿಗಿದು ಜಾಕ್‍ಪಾಟ್ ಹೊಡೆದಾಗ. ಅಂದಿನಿಂದ ಶತಭಿಷನ ಗೋಲ್ಡನ್ ರನ್ ಮತ್ತೆ ಶುರುವಾಗಿತ್ತು. ರಾತ್ರಿಯಿಡೀ ನಿದ್ದೆಗೆಟ್ಟು ಕಂಪನಿಯ ವ್ಯಾಲ್ಯು ಎಸ್ಟಿಮೇಟ್ ಮಾಡುವುದು ಸಾಮಾನ್ಯವಾಗತೊಡಗಿತ್ತು.

ಸ್ಥಿರೆ ಕೆಲಸ ಬಿಟ್ಟಿದ್ದಳು. ಅಮ್ಮನ ಸಲಹೆಯ ಅನುಸಾರ ತವರು ಮನೆಯಲ್ಲಿ ಸಣ್ಣ-ಪುಟ್ಟ ಕೆಲಸ ಮಾಡುತ್ತಿದ್ದಳು. ಶತಭಿಷ ವೀಕೆಂಡಿನಲ್ಲೆಲ್ಲ ಬಹುತೇಕ ಅಲ್ಲಿಗೆ ಬರುತ್ತಿದ್ದ. ದಿನಾ ರಾತ್ರಿ ಸ್ಥಿರೆಗೆ ಕರೆ ಮಾಡುತ್ತಿದ್ದ. ಆಕೆಗೆ ಅರ್ಥವಾಗುತ್ತದೆಯೋ ಇಲ್ಲವೋ ಎಂಬುದನ್ನೂ ಯೋಚಿಸದೇ ಆಫೀಸಿನ ಆಗು-ಹೋಗುಗಳನ್ನು ಹೇಳುತ್ತಿದ್ದ. ಆರೋಗ್ಯ ವಿಚಾರಿಸುತ್ತಿದ್ದ. ಕನಸುಗಳನ್ನು ಹಂಚಿಕೊಳ್ಳುತ್ತಿದ್ದ. ದಿನಾ ರಾತ್ರಿ ಆತನ ಜೊತೆ ಮಾತನಾಡಿದ ಮೇಲೆ ಸ್ಥಿರೆಗೆ ಏನೋ ಒಂದು ರೀತಿಯ ನೆಮ್ಮದಿ ಸಿಗುತ್ತಿತ್ತು. ದುರದೃಷ್ಟವಶಾತ್ ಆ ನೆಮ್ಮದಿ ಕೆಡುವ ಸಮಯ ಹತ್ತಿರವಾಗಿತ್ತು.!
**
ಅಂದು ಸೋಮವಾರ...ಶತಭಿಷ ಆಫೀಸಿನಲ್ಲಿ ವಿರಾಮವಾಗಿ ಚಹಾ ಕುಡಿಯುತ್ತಲಿದ್ದ. ಗಂಟೇ ಅದಾಗಲೇ ಎಂಟೂವರೆಯಾಗಿತ್ತು. ಆತನ ಬಾಸ್ ಕರೆ ಮಾಡಿ ಕ್ಯಾಬಿನ್‍ಗೆ ಬರಹೇಳಿದರು. ಆತ ಇನ್ನೇನು ಮನೆಗೆ ಹೊರಡುವವನಿದ್ದ. ಏನಿರಬಹುದು ಎಂದು ಯೋಚನೆ ಮಾಡುತ್ತಾ ಆತ ಕ್ಯಾಬಿನ್ ಬಾಗಿಲು ತೆರೆದಾಗ ಅಲ್ಲೊಂದು ಅಚ್ಚರಿ ಕಾದಿತ್ತು. ಚಲನಾ!
"ಮೀಟ್ ಅವರ್ ನ್ಯೂ ಸಿ.ಏ" ಎಂದು ಬಾಸ್ ಪರಿಚಯ ಮಾಡಿಸಿದರು. ವಾಡಿಕೆಗೆಂದು ಕೈ ಕುಲುಕುತ್ತಾ ಇಬ್ಬರೂ ಅಪರಿಚಿತರಂತೇ ಪರಿಚಯ ಮಾಡಿಕೊಂಡು. ನಂತರ ರೋಲ್‍ಗಳ ಬಗ್ಗೆ ಚಿಕ್ಕದೊಂದು ಬ್ರೀಫ್ ಕೊಟ್ಟು ಇಬ್ಬರೂ ಅಲ್ಲಿಂದ ಹೊರಬಿದ್ದರು.

"ಹೌ ಈಸ್ ಸ್ಥಿರಾ?" ಆಕೆ ಮಾತು ಶುರುಮಾಡಿದ್ದಳು.

"ಗುಡ್ ಗುಡ್..ಎಕ್ಸ್‍ಪೆಕ್ಟಿಂಗ್ ಅ ಬೇಬಿ ಇನ್ ಡಿಸೆಂಬರ್ " ಆತ ನಿರ್ಲಿಪ್ತನಾಗಿ ಉತ್ತರಿಸಿದ್ದ.
"ಏಯ್...ನೈಸ್...ಕಂಗ್ರಾಟ್ಸ್...ಯಾಕ್ ಅದನ್ನಾ ಅಷ್ಟ್ ಸೀರಿಯಸ್ ಹೇಳ್ತಿದೀಯಾ? ಅಪ್ಪ ಆಗಕ್ ಇಷ್ಟ ಇಲ್ವಾ?" ಆಕೆ ಎಂದಿನಂತೆ ಚುಡಾಯಿಸಿದ್ದಳು...
"ಹಂಗೆನಿಲ್ವೇ..." ಆತ ಒತ್ತಾಯದಿಂದ ನಕ್ಕಿದ್ದ.
"ನೀನ್ ಮತ್ತೆ ಆಫೀಸ್ ಜಾಯಿನ್ ಆಗ್ತಿಯಾ ಅಂತಾ ಅಂದ್ಕೊಂಡಿರ್ಲಿಲ್ಲ..." ಶತಭಿಷನೇ ಮಾತು ಮುಂದುವರೆಸಿದ.
"ಯಾ..ಏನೋ ..ಒನ್ಸ್ ಯು ಆರ್ ಬ್ಯಾಂಗಳೂರಿಯನ್...ಯು ಆರ್ ಅಲ್ವೇಸ್ ಬ್ಯಾಂಗಳೂರಿಯನ್.." ಆಕೆ ತನ್ನ ಮಾತಿಗೆ ತಾನೇ ನಕ್ಕಿದ್ದಳು.
"ಓ.ಕೆ ...ವೆಲ್ ಕಮ್ ಆನ್ ಬೋರ್ಡ್...ಸೀಯು" ಎಂದೆನ್ನುತ್ತಾ ಆತ ಹೊರಡಲು ಅನುವಾದ...
"ಮನೆಗ್ ಕರ್ಯಲ್ವೇನೋ?" ಆಕೆ ಕಾಲೇಜು ಹುಡುಗಿಯಂತೆ ಹಲ್ಲು ಕಿಸಿದಿದ್ದಳು..
"ಸ್ವಲ್ಪ ಆದ್ರೂ ಮಾನ ಮರ್ಯಾದೆ ಇಟ್ಕೋ...ಮದ್ವೆ ಆಗಿದೆ ಇಬ್ರಿಗೂ...." ಆತನ ಮುಖ ಕೆಂಪಾಗಿತ್ತು.. ಕಾರಿನ ವೇಗ ಮಿತಿ ಮೀರಿತ್ತು..ಕಾರು ನಿಯಂತ್ರಣ ತಪ್ಪಿ ಡಿವೈಡರ್ ಒಂದಕ್ಕೆ ಗುದ್ದಿತ್ತು.. ಆತ ಸುಧಾರಿಸಿಕೊಂಡು ನಾಳೆ ಟೋ ಮಾಡಿಸಿದರಾಯ್ತು ಎಂದುಕೊಂಡು ಹಾಗೇಯೇ ಮನೆಗೆ ಬಂದು ಬಿದ್ದುಕೊಂಡ. ಇಷ್ಟರ ಮಧ್ಯೆ ಸ್ಥಿರೆಯ ಕಾಲ್‍ಅನ್ನು ಕಟ್ ಮಾಡಲಾಗಿತ್ತು. ಮತ್ತೆ ಕಾಲ್ ಮಾಡಿದಾಗ, ಆತ ಕಾರ್ ಗುದ್ದಿದ ವಿಷಯವನ್ನಷ್ಟೇ ಹೇಳಿದ. ಅಷ್ಟಕ್ಕೇ ಆಕೆ ಗಾಬರಿಯಾದದ್ದನ್ನು ನೋಡಿ, ಚಲನಾಳ ವಿಚಾರವನ್ನು ಇನ್ಯಾವತ್ತಾದರೂ ಹೇಳೋಣವೆಂದು ಸುಮ್ಮನಾದ. ಹೇಳಿದ್ದರೇ ಒಳ್ಳೆಯದಿತ್ತೇನೋ!
***
ಆ ವೀಕೆಂಡಿನಲ್ಲಿ ಶತಭಿಷ ಮಾವನ ಮನೆಗೆ ಹೋಗಿದ್ದ. ಹೊಸ ಕೆಲಸದ ಸಂಬಳದಲ್ಲಿ ಸ್ವೀಟು-ಬಟ್ಟೆ ಖರೀದಿಸಿ ತಂದಿದ್ದ. ಹಳೆಯ ಕಾರನ್ನು ಬದಲಾಯಿಸಿ ಹೊಸ ಕಾರೊಂದನ್ನು ತಂದಿದ್ದ. ಬೇಬೀ ಸೀಟ್ ಅನ್ನು ಹಾಕಿಸುವಾ ಎಂದನಾದರೂ, ತಡ್ಯೋ ಇನ್ನೂ ಟೈಂ ಇದೆ ಎಂದು ಸ್ಥಿರೆ ಹೇಳಿದ ಮೇಲೆ ಸುಮ್ಮನಾಗಿದ್ದ. ಆದರೆ ಚಲನಾಳ ವಿಚಾರ ಮಾತ್ರ ಸ್ಥಿರೆಯ ಬಳಿ ಹೇಳಲು ಮನಸ್ಸಾಗಲಿಲ್ಲ.

ಅತ್ತೆ-ಹೆಂಡತಿಯ ಒತ್ತಾಯದ ಮೇರೆಗೆ ಅದ್ಯಾವುದೋ ಪೂಜೆಯ ಕಾರಣದಿಂದ ಸೋಮವಾರವೂ ರಜೆ ಹಾಕಬೇಕಾಗಿ ಬಂತು. ಆತ ಹಿತ್ತಿಲಿನಲ್ಲೆಲ್ಲೋ ಮಾವನ ಜೊತೆ ಮಾತನಾಡುತ್ತಿರುವಾಗ ಫೋನು ರಿಂಗಣಿಸಿತು. ಸಾಮಾನ್ಯವಾಗಿ ಸ್ಥಿರೆ ಆತನ ಫೋನ್‍ಕಾಲ್‍ಅನ್ನು ರಿಸೀವ್ ಮಾಡುತ್ತಿರಲಿಲ್ಲ. ಅವತ್ತೇಕೋ ಫೋನ್ ತೆಗೆದುಕೊಂಡಳು. ಫೋನ್ ಸ್ಕ್ರೀನಿನಲ್ಲಿ ಚಲನಾ ಆಫೀಸ್ ಎಂದು ತೋರಿಸುತ್ತಿತ್ತು...

ಆಕೆ ಗಾಬರಿಯಾದರೂ ತೋರಿಸಿಕೊಳ್ಳದೇ, ಶತಭಿಷನನ್ನು ಕೂಗಿ ಕರೆದಳು. ಆತ ಫೋನ್ ನೋಡಿ ಅವಾಕ್ಕಾದ. ಆಕೆ ಮಾತನಾಡು ಎಂಬಂತೆ ಇಷಾರೆಯಿತ್ತಳು. ಆತ ಲೌಡ್ ಸ್ಪೀಕರ್ ಆನ್ ಮಾಡಿ ಮಾತನಾಡಿದ.
ಆಕೆ ಆಫೀಸಿನ ವಿಚಾರ ಬಿಟ್ಟು ಒಂದಕ್ಷರವನ್ನೂ ಎಕ್ಸ್‍ಟ್ರಾ ಕೇಳಲಿಲ್ಲ. ಈತನೂ ಎಷ್ಟಕ್ಕೆ ಬೇಕೋ ಅಷ್ಟಕ್ಕೇ ಉತ್ತರಿಸಿದ್ದ.
ಆದರೆ ಸ್ಥಿರೆಯನ್ನು ಸಂಭಾಳಿಸುವುದು ಮಾತ್ರ ಶತಭಿಷನಿಗೆ ಅಂದು ಕಷ್ಟವಾಗಿತ್ತು.

ಆಕೆ ಪೂರ್ತಿ ಕತೆ ಹೇಳಲೇಬೇಕೆಂದು ಒತ್ತಾಯಿಸುತ್ತಿದ್ದಳು.

(ನಿಮ್ಮ ಅನಿಸಿಕೆಗಳನ್ನು ಆಧರಿಸಿ, ಕತೆ ಮುಂದುವರೆಯಬಹುದು)
-ಚಿನ್ಮಯ
04/02/2019

ಶಾಂತಿನಿಕೇತನ್ ಅಪಾರ್ಟ್‍ಮೆಂಟ್ಸ್, ಐ.ಟಿ.ಪಿ.ಎಲ್.

"ಆರ್ ಯು ವರ್ಜಿನ್?" ಆಕೆ ಕೊನೆಯ ಪ್ರಶ್ನೆ ಎಂಬಂತೆ ಕೇಳಿದ್ದಳು.
"ಆಫ್ ಕೋರ್ಸ್ ನಾಟ್" ಆತ ನಗುತ್ತಲೇ ಉತ್ತರಿಸಿದ್ದ. ಆಕೆ ನಕ್ಕು ತಲೆ ಕೆಳ ಹಾಕಿದ್ದಳು.
"ಯಾಕೆ?" ಆತ ಪ್ರಶ್ನೆ ಹಾಕಿದ್ದ.
"ಏನಿಲ್ಲ...." ಆಕೆ ನಾಚಿಕೊಂಡಿದ್ದರೂ ತೋರಿಸಿಕೊಂಡಂತಿರಲಿಲ್ಲ.
"ನೀವ್ ಓಪನ್ ಆಗೇ ಪ್ರಶ್ನೆ ಕೇಳಿದೀರಾ...ನಾನ್ ಫ್ರಾಂಕ್ ಆಗೇ ಆನ್ಸರ್ ಮಾಡಿದೀನಿ. ಸೋ.. "
"ಸೋ...?"
"ಏನಿಲ್ಲಾ ಬಿಡಿ..."
"ಹಮ್...ಹೇಳ್ಬಾರ್ದು ಅಂತೇನಿಲ್ಲಾ"
"ನಾನ್ ಕೇಳ್ಳಿ ಅಂತಾ ಸುಮ್ನಿದ್ರಾ?"
"ಮೇ ಬಿ"
"ಓ. ಕೆ...ಹೇಳಿ".. ಆತ ಕುರ್ಚಿಯಿಂದ ಮುಂದಕ್ಕೆ ಬಾಗಿದ್ದ...
"ನಥಿಂಗ್...ಇಟ್ಸ್ ಜಸ್ಟ್....ಒಬ್ರಿಗಾದ್ರೂ ಎಕ್ಸ್‍ಪೀರಿಯನ್ಸ್ ಇರ್ಬೇಕು ಅಂತಾ ಅಷ್ಟೇ" ಆಕೆ ನಗು ತಡೆಯಲೆಂದು ಬಾಯಿ ಮುಚ್ಚಿಕೊಂಡಳು
"ಹಾ ಹಾ...ನೈಸ್...ನೀವೇ ಕ್ವಶ್ಚನ್ ಕೇಳಿ ನೀವೇ ಆನ್ಸರ್ ಕೂಡಾ ಹೇಳ್ತಿದೀರಾ..."
"ಹಾ ಹಾ...ಯಾಹ್..ಮೇ ಬಿ..."
ಇಬ್ಬರೂ ಜೋರಾಗಿ ನಕ್ಕರು...
"ಬೈ ದ ಬೈ...ಲಾಸ್ಟ್ ಕ್ವಶ್ಚನ್...ನಂಗೆ ಇದ್ಕಿಂತಾ ಮುಂಚೆ ಒಂದ್ ಎಂಗೇಜ್‍ಮೆಂಟ್ ಆಗಿತ್ತು. ಅದ್ರಿಂದ ನಿಮ್ಗೇ ಪ್ರಾಬ್ಲಂ ಆಗಲ್ಲಾ ಅಲ್ವಾ?" ಆಕೆ ದೃಢ ಮನಸ್ಸಿನಿಂದ ಕೇಳಿದ್ದಳು.
"ಎವರಿಬಡಿ ಹ್ಯಾಸ್ ಅ ಪಾಸ್ಟ್...ವಿ ಶುಡ್ ಮೂವ್ ಆನ್...ನಿಮಗ್ ಪ್ರಾಬ್ಲಂ ಇಲ್ಲಾ ಅಂದ್ರೆ ನಂಗೇನ್ ಪ್ರಾಬ್ಲಂ ಇಲ್ಲಾ..." ಆದ ನಗುತ್ತಾ ಹೇಳಿದ್ದ.
"ನಿನ್ನೆಗೆ ನಾಳೆದ್ ನಾಳೆಗೆ...ಇಂದೂ ನಮ್ಮದೇ..." ಪಕ್ಕದ ಹಾಸ್ಟೆಲಿನಲ್ಲಿ ಹುಡುಗಿಯರು ಅಂತಾಕ್ಷರಿ ಆಡುತ್ತಿದ್ದರು....
ಅವರಿಬ್ಬರೂ ಅದು ಇದು ಮಾತಾಡುತ್ತಾ, ಆಗಾಗ ನಗುತ್ತಿದ್ದರು. ಮೊಬೈಲ್ ನಂಬರ್ ಬದಲಾಯಿಸಿಕೊಂಡರು. ಫೇಸ್‍ಬುಕ್ಕ್‍ನಲ್ಲಿ ಕನೆಕ್ಟ್ ಆದರು. ಕೆಳಗಡೆ ಬಾಲ್ಕನಿಯಲ್ಲಿ ನಿಂತಿದ್ದ ಅಮ್ಮಂದಿರು ಕೈ ಕೈ ಹಿಡಿದುಕೊಂಡು ನಗುಚೆಲ್ಲಿದರು...
***
ಶಾಂತಿನಿಕೇತನ್ ಅಪಾರ್ಟ್‍ಮೆಂಟ್ಸ್, ಐ.ಟಿ.ಪಿ.ಎಲ್.
"ಆರ್ ಯು ಸೀರಿಯಸ್?" ಆತನನ್ನು ಮತ್ತೊಮ್ಮೆ ಕೇಳಿದ್ದಳು. ಆಕೆ ಕುಂದಲಹಳ್ಳಿ, ಮಾರತ್‍ಹಳ್ಳಿಯ ಕಾಂಕ್ರೀಟು ಲೇಯೌಟ್‍ಗಳಲ್ಲಿ ಯಾವುದೋ ಒಂದು ಬೆಳಕನ್ನು ಕಾಣದ ಫ್ಲಾಟ್‍ಅನ್ನು ನಿರೀಕ್ಷಿಸುತ್ತಿದ್ದಳು. ಆದರೆ ಆತ ಮಾತ್ರ ಆಕೆಗೆ ಹೇಳದಂತೆ ಶಾಂತಿನಿಕೇತನ್ ಅಲ್ಲಿ ಫ್ಲಾಟೊಂದನ್ನು ಲೀಸಿಗೆ ಪಡೆದಿದ್ದ. ಆಕೆಗೆ ನಂಬಲಾಗುತ್ತಿರಲಿಲ್ಲ. ನಾಲ್ಕು ವರುಷಗಳಿಂದ ಆಕೆ ಅದೇ ಏರಿಯಾದಲ್ಲಿ ಕೆಲಸ ಮಾಡುತ್ತಿದ್ದವಳು. ದೊಡ್ಡ ದೊಡ್ಡ ಕಂಪನಿಗಳ ಮ್ಯಾನೇಜರ್, ಟೀಮ್-ಲೀಡ್ ಪೋಸ್ಟಿನವರು ಮಾತ್ರ ಅಂತಹ ಪ್ರತಿಷ್ಠಿತ ಅಪಾರ್ಟ್‍ಮೆಂಟಿನಲ್ಲಿ ಇರುತ್ತಿದ್ದುದೆಂದು ಆಕೆ ಗೊತ್ತಿತ್ತು. ಅಷ್ಟೆಲ್ಲಾ ದುಡ್ಡಿರಬಹುದಾ? ಆಕೆಗೆಲ್ಲೋ ಅನುಮಾನ....ಸಂಬಂಧ ಕೂಡಿಸುವಾಗ ಭಾವ ಹೇಳಿದ್ದುದು, ಆತ ಮಾಸ್ಟರ್ ಡಿಗ್ರೀ ಓದಿದ್ದಾನಂತೆ, ಶೇರ್ ಮಾರ್ಕೇಟಿನಲ್ಲಿ ಕೆಲಸ ಮಾಡುತ್ತಾನಂತೆ, ಸಧ್ಯಕ್ಕೆ ಅವನಿಗೆ ಭಾರೀ ಹೆಸರಿದೆಯಂತೆ, ಜೊತೆಗೆ ಊರಿನಲ್ಲಿ ಭಾರೀ ಜಮೀನಿದೆಯಂತೆ ಎಂದು...ಅಣ್ಣ ಮತ್ತೊಮ್ಮೆ ವಿಚಾರಿಸಿ, ಆತನ ಬಗ್ಗೆ ಒಳ್ಳೆಯ ಅಭಿಪ್ರಾಯವನ್ನೇ ತಿಳಿಸಿದ್ದ.  ಅಷ್ಟು ಸಣ್ಣ ವಯಸ್ಸಿಗೇ ಸೈಟು-ಕಾರುಗಳನ್ನು ಖರೀದಿಸಿದ್ದಕ್ಕೆ ಸಂತೋಷನ್ನೂ ವ್ಯಕ್ತಪಡಿಸಿದ್ದ. ವಾಡಿಕೆಗೆಂಬಂತೆ, ಎಂಗೇಜ್‍ಮೆಂಟಿನ ಮುಂಚೆ ಅವರಿಬ್ಬರೂ, ಆರ್ಥಿಕ ಸ್ಥಿತಿಗತಿಯ ಬಗ್ಗೆ ಮಾತನಾಡಿದ್ದರು. ಆಗ ಆತ ಹೇಳಿದ್ದಿಷ್ಟೇ "ದುಡ್ಡು ನನ್ನ ಪಾಲಿಗೆ ಒಂದು ಸಂಖ್ಯೆ ಅಷ್ಟೆ. ಜೀವನ ಅದಕ್ಕಿಂತ ದೊಡ್ಡದು. ಯು ಕಾನ್ಟ್ ಎಕ್ಸ್‍ಪ್ಲೇನ್ ವಾಟ್ ಇಸ್ ದ ಕಾಸ್ಟ್ ಓಫ್ ಎಕ್ಸ್‍ಪೀರಿಯನ್ಸ್...ಯು ಮಸ್ಟ್ ಫೀಲ್ ಇಟ್". ಆಕೆ ಹೆಚ್ಚೇನೂ ಕೇಳಿರಲಿಲ್ಲ...ಅಷ್ಟಕ್ಕೂ ಆ ಸಂಭಾಷಣೆ ನಡೆದಿದ್ದೇ ಜೇ.ಡಬ್ಲು ಮ್ಯಾರಿಯಟ್ ಹೊಟೇಲಿನಲ್ಲಿ!
ಆಕೆಗೆ ಅಮ್ಮನ ಕಡೆಯಿಂದ ಸ್ಪಷ್ಟವಾದ ಗೈಡ್‍ಲೈನ್‍ಗಳಿದ್ದವು. ಮದುವೆತನಕ ಆಕೆ ಆತನ ಜೊತೆ ಸ್ವಚ್ಛಂದವಾಗಿ ಇರುವಂತಿರಲಿಲ್ಲ. "ಬಡಕೊಂಡೆ ಅವತ್ತೇ...ವಿನಯ್ ಜೊತೆ ಸಿನೆಮಾ ಹೋಗ್ಬೇಕಾದ್ರೆನೇ...ಮದ್ವೆ ಆಗೋ ತನ್ಕಾ ಜಾಸ್ತಿ ಏನೂ ಬೇಡ ಅಂತಾ , ಎಲ್ ಕೇಳ್ತಿಯಾ? ಹೋದ್ನಲ್ಲ ಬೇಡಾ ಅಂತಾ...ಸ್ವಲ್ಪ ದೊಡ್ಡೋರ್ ಹೇಳಿದ್ ಕೇಳು...ಮದ್ವೆ ಅಂತಾ ಒಂದ್ ಆಗೋ ತನ್ಕಾ ಸ್ವಲ್ಪ ಬುದ್ಧಿ ನೆಲದ್ ಮೇಲ್ ಇರ್ಲಿ... " ಮೊದಲ ಎಂಗೇಜ್‍ಮೆಂಜ್ ಮುರಿದಾಗಿಲಿನಿಂದ ಅಮ್ಮ ಗೊಣಗುತ್ತಲೇ ಇರುತ್ತಿದ್ದಳು. ಬಹುಷಃ ಈಕೆಯೇ ತೀರಾ ಓಪನ್ ಆಗಿ ಮಾತಾಡುತ್ತಿದ್ದಳೇನೋ...ವಿನಯ್ ಏನೆಂದುಕೊಂಡಿದ್ದನೋ...ತತ್‍ಪರಿಣಾಮ, ಈಕೆ ಆತನ ಬಳಿ ಹಿತಮಿತವಾಗೇ ಬೆರೆಯುತ್ತಿದ್ದಳು. ಆತನೂ ಏನು ತೀರಾ ಫೋರ್ಸ್ ಮಾಡುತ್ತಿರಲಿಲ್ಲ...ಟ್ರೇಡಿಂಗ್ ಅವರ್ಸ್‍ನಲ್ಲಿ ಕಾಲ್ ಮಾಡಿದರೆ ಚೂರು ರೇಗುತ್ತಿದ್ದ. ತಡರಾತ್ರಿ ಇವಳು ಮಲಗಿದ ಮೇಲೆ ಕಾಲ್ ಮಾಡಿ ಎಬ್ಬಿಸುತ್ತಿದ್ದ. ಅಷ್ಟೇ!
**
ಮದುವೆಯ ಸಂಭ್ರಮ ಮುಗಿದು, ಬಾಲಿಗೊಂದು ಟ್ರಿಪ್ ಮುಗಿಸಿ ಇಬ್ಬರೂ ಮತ್ತೆ ಕೆಲಸಕ್ಕೆ ಮರಳಿದ್ದರು. ಆಕೆಯ ತಾಯಿ ಹದಿನೈದು ದಿನ ಅಲ್ಲಿಯೇ ಇದ್ದು ಮನೆಯನ್ನು ಸೆಟ್ ಮಾಡಿಕೊಟ್ಟು ಊರಿಗೆ ಹಿಂದಿರುಗಿದ್ದರು. ಕೆಲವೇ ದಿನಗಳಲ್ಲಿ ಯುಗಾದಿ ಬರುವುದಿತ್ತು...ಅವರಿಬ್ಬರೂ ಹೋಗಲೇಬೇಕಿತ್ತು...ಆತನ ಆಫೀಸು, ಆಕೆಯ ಆಫೀಸು ಮನೆಯಿಂದ ಹತ್ತಿರದಲ್ಲೇ ಇದ್ದವು. ಹೀಗೆಯೇ ದಿನ ಸಾಗುತ್ತಿರುವಾಗ ಒಂದು ದಿನ ಬೆಳಿಗ್ಗೆ ಆತ "ವಿಷ್ ಮಿ ಗುಡ್‍ಲಕ್" ಎಂದು ಆಕೆಯನ್ನು ಕೇಳಿಕೊಂಡಿದ್ದ. ಹಿಂದಿನ ರಾತ್ರಿಯೆಲ್ಲ ಸರಿಯಾಗಿ ನಿದ್ದೆ ಮಾಡಿರಲಿಲ್ಲ. "ಗುಡ್‍ಲಕ್" ಎಂದು ಆಕೆ ನಗೆಯೊಂದನ್ನು ಚೆಲ್ಲಿದ್ದಳು. ಆತನೇ ಅಡುಗೆ ಮನೆಯವರೆಗೆ ಬಂದು ಲಂಚ್‍ಬಾಕ್ಸ್ ತೆಗೆದುಕೊಂಡು ಹೊರಟುಹೋಗಿದ್ದ. ಸಂಜೆ ಆಕೆ ಮನೆಗೆ ಬರುವವರೆಗೆ ಎಲ್ಲ ಶಾಂತವಾಗಿತ್ತು. ಬೆಡ್‍ರೂಮಿನಲ್ಲಿ ಲೈಟ್ ಹಾಕದಂತೇ ಆತ ಬಿದ್ದುಕೊಂಡಿದ್ದ.. ಇದೇನಿದು ಹೀಗೆ ಎಂದು ಕೇಳಿದಾಗ ಏನೂ ಸರಿಯಾಗಿ ಮಾತಾಡಿರಲಿಲ್ಲ. ಆಕೆ ಚೂರು ಗಾಬರಿಯಾದರೂ, ಜಾಸ್ತಿಯೇನು ತಲೆ ಕೆಡಿಸಿಕೊಂಡಿರಲಿಲ್ಲ. ಮರುದಿನದಿಂದ ಒಂದು  ವಾರ ಆತ ಸರಿಯಾಗಿ ಮಾತಾಡಲೇ ಇಲ್ಲ. ಊಟ-ತಿಂಡಿಯಲ್ಲಂತೂ ಆಸಕ್ತಿಯೇ ಇದ್ದಂತಿಲ್ಲ. ನಿದ್ದೆಯೂ ದೂರ. ಆಕೆ ಕೊನೆಗೊಂದು ರವಿವಾರ ಗಟ್ಟಿಯಾಗೇ ಕೇಳಿದಳು, ಆಗ ಗೊತ್ತಾದದ್ದಿಷ್ಟು. "ಆತ ಷೇರಿನಲ್ಲಿ ಕೈಸುಟ್ಟುಕೊಂಡಿದ್ದ. ಅದನ್ನು ಸರಿ ಮಾಡಲೆಂದು ಬೇರೆ ಯಾರಿಂದರೂ ಹಣ ಪಡೆದು ಇನ್ವೆಸ್ಟ್ ಮಾಡಿದ್ದ. ಅದೂ ಲಾಸಿನಲ್ಲಿತ್ತು...ಈತನಿಗೆ ದಿಕ್ಕು ತೋಚದಾಗಿತ್ತು..."
ಆಕೆ ತನಗೆ ಗೊತ್ತಾದ್ದನ್ನು ಮಾಡಿದಳು. ಒಡವೆ ಒತ್ತೆ ಇಟ್ಟು ಅರ್ಜಂಟಿನ ಬಡ್ಡಿ ಕಟ್ಟಿದಳು. ಆಫೀಸ್ ಕ್ಲೋಸ್ ಮಾಡಿಸಿದಳು. ಮನೆ ಅದಾಗಲೇ ಲೀಸಿನಲ್ಲಿ ಇದ್ದುದ್ದರಿಂದ ಆಕೆಯ ಸಂಬಳದಲ್ಲಿ ಜೀವನ ಚೆನ್ನಾಗಿಯೇ ನಡೆಯುತ್ತಿತ್ತು. ಪಕ್ಕದ ಮನೆಯಲ್ಲಿ ಗಲಾಟೆ ನಡೆಯುವ ತನಕ!
**
ಪಕ್ಕದ ಮನೆಯಲ್ಲಿ ಗಂಡ-ಹೆಂಡಿರ ನಡುವೆ ಎಲ್ಲವೂ ಸರಿಯಿರಲಿಲ್ಲ. ಬಹುತೇಕ ಡೈವರ್ಸ್ ಆಗಲಿದೆ ಎಂದು ಅವರ ಮನೆಯ ಆಂಟಿ, ಸ್ಥಿರೆಗೆ ಯಾವತ್ತೋ ಹೇಳಿದ ನೆನಪು. ಸ್ಥಿರಾ ಕೂಡಾ ಪಕ್ಕದ ಮನೆಯವರ ಬಗ್ಗೆ ಜಾಸ್ತಿಯೇನು ತಲೆಕೆಡಿಸಿಕೊಂಡಿರಲಿಲ್ಲ. ಆಂಟಿ ಊರಿನಿಂದ ಬಂದಾಗ , ಈಕೆಯ ಮನೆಗೂ ಬರುತ್ತಿದ್ದರು. ಆಕೆಯ ಮಗ ಆಗಾಗ ಮೆಟ್ಟಿಲಿನಲ್ಲೋ, ಲಿಫ್ಟಿನಲ್ಲೋ ಸಿಕ್ಕಾಗ ಹಾಯ್ ಎನ್ನುತ್ತಿದ್ದ. ಆದರೀಗ ತಾಯಿ-ಮಗ ಇಬ್ಬರೂ ಮನೆಯನ್ನು ಖಾಲಿ ಮಾಡಿ ಹೊರಟಿದ್ದರು. ರಾಜೀ ಸಂಧಾನದ ಅನುಸಾರ ಆಂಟಿಯ ಸೊಸೆ ಆ ಮನೆಯಲ್ಲಿ ಇರತೊಡಗಿದ್ದಳು. ಸಿಗರೇಟಿನ ವಾಸನೆ ಯಾವಾಗಲೂ ಆ ಕಡೆಯಿಂದ ಘಂ ಎನ್ನುತ್ತಿತ್ತು. ಪಾಪ್ ಮ್ಯೂಸಿಕ್ ಅರಚಿಕೊಳ್ಳುತ್ತಿತ್ತು. ಮನೆಯ ಮುಂಭಾಗದಲ್ಲಿ ಏನೇನೋ ಅರ್ಥವಾಗದ್ದನ್ನು ಗೀಚಲಾಗಿತ್ತು. ಆಕೆ ಚಿತ್ರ-ವಿಚಿತ್ರವಾಗಿ ಬಟ್ಟೆ ಹಾಕಿರುತ್ತಿದ್ದಳು. ಒಮ್ಮೊಮ್ಮೆ ಹಗಲೇ ಚಿತ್ತಾದಂತೆ ಇರುತ್ತಿದ್ದಳು. ಆಕೆಯನ್ನು ಕಂಡರೆ ಸ್ಥಿರಾಳಿಗೆ ಏನೋ ಅಲವರಿಕೆ. ಏನೆಂದು ಅರ್ಥವಾಗುತ್ತಿರಲಿಲ್ಲ. ಅದು ಅರ್ಥವಾಗಿದ್ದು ಒಂದು ದಿನ ಎಂದಿನಂತೆ ಕುಡಿದು ಮಲಗಿದ್ದ ಶತಭಿಷ ಮಧ್ಯರಾತ್ರಿಯಲ್ಲಿ "ಚಲನಾ ಚಲನಾ.." ಎಂದು ಕನವರಿಸಿದಾಗಲೇ!
**
ಮರುದಿನ ಬೆಳಿಗ್ಗೆ ಹಾಲಿನವನು ಎಷ್ಟು ಬೆಲ್ ಮಾಡಿದರೂ ಶತಭಿಷ ಎದ್ದು ಬಾಗಿಲು ತೆರೆಯಲೇ ಇಲ್ಲ. ಅರೆಗಣ್ಣಿನಲ್ಲೇ ಎದ್ದ ಸ್ಥಿರೆ ಹಾಲು ಕಾಯಿಸಿ ಬಂದು ಶತಭಿಷನನ್ನು ಝಾಡಿಸಿದಳು. ಶತಭಿಷ ಎಂದಿನ ಆಲಸೀತನದಿಂದ ಹೂಂ ಹೂಂ ಎನ್ನುತ್ತಲಿದ್ದ. ಆಕೆಗೆ ಪಿತ್ತ ನೆತ್ತಿಗೇರಿ ಹಿಂದಿನ ದಿನದ ಕನವರಿಕೆಯ ಬಗ್ಗೆ ಕೇಳಿದಳು...ಶತಭಿಷ ಇದ್ದಕ್ಕಿದ್ದಂತೇ ಎದ್ದುನಿಂತ...ಮತ್ತೊಮ್ಮೆ ಆಕೆಯ ಬಳಿ ಕನವರಿಕೆಯ ಬಗ್ಗೆ ಕೇಳಿದ. ಆಕೆ ಚಲನಾಳ ಅಂದ್ರೆ ಯಾರು? ಎಂದಳು. ಆತ ಉತ್ತರಿಸದೇ ಬಾತ್‍ರೂಮಿಗೆ ಹೋದ. ಬಹುಷಃ ಅಳಹತ್ತಿದ್ದ. ಆಕೆಗೇ ಪಾಪ ಅನ್ನಿಸಿತು. ವಾಪಸ್ ಬಂದವನು ಕಸ ಗುಡಿಸಲು ಶುರುವಿಟ್ಟುಕೊಂಡಿದ್ದ. ನಂತರ ಸ್ನಾನ ಮಾಡಿ-ಜಪಕ್ಕೆ ಕೂತ. ಆಕೆ ಅಡುಗೆ ಮಾಡಿಟ್ಟು ಆಫೀಸಿಗೆ ಹೋಗುವ ಮುನ್ನ ಸಾರಿ ಎಂದಳು. ಆತ ಪೂಜೆ ಮಾಡುತ್ತಿರುವವನಂತೆ ನಟಿಸಿದ. ಕುಡಿಯುವುದನ್ನು ನಿಲ್ಲಿಸಿದ. ಕೆಲಸ ಹುಡುಕುತ್ತೇನೆಂದು ಇಂಟರ್‍ವ್ಯೂಗೆ ಹೋಗತೊಡಗಿದ. 
ಮುಂದಿನ ಶನಿವಾರ ಆಕೆ ಬೆಳಿಗ್ಗೆಯೇ ಮನೆ ಕ್ಲೀನ್ ಮಾಡಲು ಶುರು ಮಾಡಿದ್ದಳು. ಶತಭಿಷನ ಕೋಣೆಯಲ್ಲಿ ಒಂದಿಷ್ಟು ಮುದುಡಿದ ಹಾಳೆಗಳು ಸಿಕ್ಕವು...ಅದರಲ್ಲೇನೋ ಬರೆದಂತಿತ್ತು. ಬರೆದು ಹೊಡೆದು ಬರೆದು ಮತ್ತೆ ಮುದ್ದೆ ಮಾಡಿ ಎಸೆದಂತಿತ್ತು. ಅಕ್ಷರಗಳು ಸೊಟ್ಟಗಾಗಿದ್ದವು. ಬರೆಯುವುದನ್ನೆ ಮರೆತವರು , ನೆನಪಿಸಿಕೊಂಡು ಮತ್ತೆ ಬರೆದಂತಿತ್ತು.  ಜೊತೆಗೆ ಮದುವೆಯಾದಾಗಿನಿಂದ ಸಜ್ಜದ ಮೇಲೆಯೇ ಇದ್ದ ಹಳೆಯ ಸೂಟ್ ಕೇಸ್ ಒಂದು ಕೆಳಗೆ ಬಂದಿತ್ತು. ಕುತೂಹಲಕ್ಕೆಂದು ಆಕೆ ಅದನ್ನೊಮ್ಮೆ ತೆರೆದಳು..ಶತಭಿಷನ ಬಿ.ಇ ಮತ್ತು ಎಂ.ಟೆಕ್ ಸರ್ಟಿಫಿಕೇಟುಗಳು, ಅದರ ಜೊತೆಗೊಂದಿಷ್ಟು ಪ್ರಾಜೆಕ್ಟಿನ ರಿಪೋರ್ಟುಗಳು, ಆತನಿಗೆ ಬಂದಿದ್ದ ಪ್ರಶಸ್ತಿಗಳು...ಜೊತೆಗೊಂದು ಡೈರಿ...ಶತಭಿಷ ಡೈರಿ ಬರೆಯುತ್ತಿದ್ದನಾ? ಊಹುಂ ಅದರಲ್ಲಿದ್ದು ಒಂದಿಷ್ಟು ಚಿತ್ರಗಳು. ಅದರ ಪಕ್ಕದಲ್ಲೊಂದಿಷ್ಟು ಸಾಲುಗಳು..ಸಾಲಿನ ಕೆಳಗೆ ಆತನದೇ ಹೆಸರು "ಶತಭಿಷ". ಆಕೆಗೆ ಆಶ್ವರ್ಯವಾಯಿತು. ಚಿತ್ರಗಳನ್ನೊಮ್ಮೆ ದಿಟ್ಟಿಸಿದಳು. ಕೊನೆಯಲ್ಲಿ, ಮೂಲೆಯಲ್ಲೆಲ್ಲೋ ಬರೆಯಲಾಗಿತ್ತು "ಆರ್ಟ್ ಬೈ ಚಲನಾ ಭಾರಧ್ವಾಜ್"
**
"ಹೆಂಗಾಯ್ತು ಇಂಟರ್‍ವ್ಯೂ?" ಆಕೆ ಕರೆಂಟ್ ಬಿಲ್ ತುಂಬುತ್ತಾ ಕೇಳಿದಳು. ಆತ ಆಕೆಗೆ ಇಷ್ಟವಾದ ರೋಸ್ ಜಾಮೂನ್ ಎದುರಿಗಿಟ್ಟ. "ವಾವ್...ಕಂಗ್ರಾಟ್ಸ್.." ಆಕೆ  ಖುಷಿಯಿಂದ ತಬ್ಬಿಕೊಂಡಳು. "ಥ್ಯಾಂಕ್ ಯು..." ಆತ ಜೊತೆಗೇ ತಂದಿದ್ದ ನಾಲ್ಕಾರು ಟೆಕ್ಸ್ಟ್ ಬುಕ್‍ಗಳನ್ನು ಕವರಿನಿಂದ ತೆಗೆದು ಮೇಜಿನ ಮೇಲಿಟ್ಟ. "ಬುಕ್ಸಾ? ಯಾಕಿದು?" ಆಕೆ ಅನುಮಾನದಿಂದ ಕೇಳಿದಳು. "ಆ ವಿಲ್ ಟೀಚ್ ಫ್ರಾಮ್ ಟುಮಾರ್ರೋ..." ಎಂದು ನಿರಾಸೆಯಿಂದ ಉತ್ತರಿಸಿದ್ದ. "ಅಂದ್ರೆ? ನೀನ್ ಯಾವ್ ಜಾಬ್‍ಗೆ ಅಪ್ಲೈ ಮಾಡಿದ್ದೆ?" ಆಕೆ ಹತ್ತಿರ ಬಂದು ಕೇಳಿದಳು..."ಇಲ್ಲೇ ಒಂದ್ ಇಂಜಿನಿಯರಿಂಗ್ ಕಾಲೇಜ್‍ನಲ್ಲಿ ಲಿಂಕ್ ಇತ್ತು...ಅಪ್ಲೈ ಮಾಡಿದ್ದೆ. ನಾಟ್ ಅ ಗ್ರೇಟ್ ಪ್ರೊಫೈಲ್. ಬಟ್ ಸುಮ್ನೆ ಮನೆಲ್ ಕೂತ್ರೇ ಬೋರ್ ಆಗತ್ತೆ. ಸೋ ಮೈಂಡ್ ಡೈವರ್ಟ್ ಮಾಡಣಾ" ಅಂತಾ...
"ಓಹ್. ಓಕೆ...ನೈಸ್. ಗುಡ್ ಫಾರ್ ಯು.. ಏನೋ ಮಾಡು.." ಆಕೆ ಕಿಚನ್ ಕಡೆ ಹೆಜ್ಜೆ ಹಾಕಿದಳು. ಪ್ರೈವೇಟ್ ಇಂಜಿನಿಯರಿಂಗ್ ಕಾಲೇಜಿನಲ್ಲಿ ಲೆಕ್ಚರಿಂಗ್ ಕೆಲಸ ಶತಭಿಷನ ಮಟ್ಟಕ್ಕೆ ತೀರಾ ಕಡಿಮೆ ಎಂದು ಆಕೆಗೂ ಅನಿಸಿತ್ತು. ಆದರೆ ಮನೆಯಲ್ಲೇ ಇದ್ದು ಷೇರ್ ಮಾರ್ಕೇಟ್ ಬಗ್ಗೆ ತಲೆ ಕೆಡಿಸಿಕೊಳ್ಳುವ ಬದಲು, ಅದನ್ನಾದರೂ ಮಾಡಲಿ ಎಂದು ಸುಮ್ಮನಾದಳು. ಶತಭಿಷನ ದಿನಚರಿ ನಿಧಾನವಾಗಿ ಸೆಟ್ ಆಗುತ್ತಿತ್ತು. ಮೊದಲಿಗಿಂತ ಚೆನ್ನಾಗಿ ಮಾತಾನಾಡುತ್ತಿದ್ದ-ನಿದ್ದೆ ಮಾಡುತ್ತಿದ್ದು-ಊಟ ಮಾಡುತ್ತಿದ್ದ. ಆದರೆ ಒಮ್ಮೊಮ್ಮೆ ಚಲನಾ ವಿಚಾರವಾಗಿ ಸ್ಥಿರೆಗೆ ನಿದ್ದೆ ಹತ್ತುತ್ತಿರಲಿಲ್ಲ. ನಿಧಾನವಾಗಿ ಸರಿಯಾಗುತ್ತಿದ್ದ ಶತಭಿಷನ ಮನಸ್ಸನ್ನು ಕಲುಕಲು ಆಕೆಗೆ ಇಷ್ಟವಿರಲಿಲ್ಲ. ಅಷ್ಟಕ್ಕೂ, ಚಿತ್ರ ಬಿಡಿಸಿದ ಚಲನಾ ತಮ್ಮ ಪಕ್ಕದ ಮನೆಯ ಚಲನಾಳೇ ಎಂಬುದಕ್ಕೆ ಸ್ಥಿರೆಯ ಬಳಿ ಸಾಕ್ಷ್ಯವೇನೂ ಇರಲಿಲ್ಲ.
**
ಶತಭಿಷ ಆರೇಳು ತಿಂಗಳ ಬಳಿಕ ಮತ್ತೆ ಹಣವನ್ನು ಸಂಪಾದಿಸಿದ್ದ. ಸಂಬಳ ಬಂದ ಖುಷಿಯಲ್ಲಿ ಆತ  ಮತ್ತು ಸ್ಥಿರೆ ಶಾಪಪಿಂಗ್ ಹೊರಟಿದ್ದರು. ಚಿಕ್ಕಪೇಟೆಗೆ ಹೋಗಿ, ಊರಹಬ್ಬಕ್ಕೆ ಬಟ್ಟೆ ಖರೀದಿಸುವ ಕಾರ್ಯಕ್ರಮ ಇತ್ತು. ಹಬ್ಬಕ್ಕೆ ಬಂದಾಗಲೆಲ್ಲ ಏನೋ ನೆಪ ಹೇಳಿ ತಪ್ಪಿಸಿಕೊಂಡಿದ್ದ ಸ್ಥಿರೆಗೆ ಈ ಬಾರಿ ಗಂಡನ ಜೊತೆ ಎರಡು ಮೂರು ದಿನ ಊರಿನಲ್ಲಿ  ನೆಮ್ಮದಿಯಿಂದ ಕಾಲ ಕಳೆಯುವ ಹಂಬಲವಿತ್ತು. ದಾರಿಯ ನಡುವೆ ಚಿತ್ರಸಂತೆ ಇರುವ ಬಗ್ಗೆ ಗೊತ್ತಾಯಿತು. ಶಾಪಿಂಗ್ ಅಂದರೆ ಶತಭಿಷ ಬೋರ್ ಆಗುತ್ತಾನಾದುದರಿಂದ ಸ್ಥಿರೆ ಮೊದಲಿಗೆ ಚಿತ್ರಸಂತೆಗೇ ಹೋಗೋಣ ಎಂದಳು. ಅದಕ್ಕೆ ಪೂರಕವಾಗಿ ಶತಭಿಷನೂ ಚಿತ್ರಗಳನ್ನು ಎಂಜಾಯ್ ಮಾಡುತ್ತಿದ್ದ. ನಡೆಯುತ್ತಾ ಹೋಗುತ್ತಿರವಾಗ ಸ್ಥಿರೆಗೆ ದೂರದ ಸ್ಟಾಲ್ ಒಂದರಲ್ಲಿ ಚಲನಾಳನ್ನು ಕಂಡಂತೇ ಭಾಸವಾಯಿತು. ಆಕೆಯೇ ಹೌದೋ ಅಲ್ಲವೋ ಅನುಮಾನವಿತ್ತು.. ಶತಭಿಷನನ್ನು ಆ ಕಡೆ ಕರೆದೊಯ್ಯಲು ಹೋದರೆ ಆತ ಈ ಕಡೆ ಹೋಗೋಣ ಅನ್ನುತ್ತಿದ್ದ. ಒಂದೆರಡು ಬಾರಿ ಹೀಗಾದ ಮೇಲೆ ಆಕೆಯೇ ಆತನ ಬಳಿ "ನಮ್ ನೇಬರ್ ಚಲನಾ ಇದ್ದಂಗಿದೆ" ಎಂದು ಬಾಯಿ ಬಿಟ್ಟು ಹೇಳಿ ಎಳೆದುಕೊಂಡು ಹೋದಳು.. ಬಹುಷಃ ಹೋಗಬಾರದಿತ್ತೇನೊ!
**
ಆ ದಿನ ಚಲನಾ ಲಕ್ಷಣವಾಗಿ ಕಾಣಿಸುತ್ತಿದ್ದಳು. ಬಿಳಿ ಕುರ್ತಾ-ಜೀನ್ಸ್ ಹಾಕಿದ್ದ ಆಕೆ, ಜಡೆ ಹೆಣೆದಿದ್ದಳು, ದೊಡ್ಡ ಬಿಂದಿ ಇಟ್ಟು ಎಲ್ಲರನ್ನೂ ನಗುತ್ತಾ ಮಾತನಾಡಿಸುತ್ತಿದ್ದಳು. ಸ್ಥಿರಾಳನ್ನೂ ಆತ್ಮೀಯವಾಗಿ ಸ್ವಾಗತಿಸಿದಳು. ಪಕ್ಕದಲ್ಲಿದ್ದವರಿಗೆ ಮೈ ನೇಬರ್ಸ್ ಎಂದು ಪರಿಚಯಿಸಿದಳು. ಸ್ಥಿರಾ ಆಕೆಯ ಪೇಂಟಿಂಗ್ಸ್ ಬಗ್ಗೆ ಅಚ್ಚರಿ ವ್ಯಕ್ತಪಡಿಸಿ ಅಭಿನಂದಿಸಿದಳು. ಶತಭಿಷನ ಮುಖ ಮಾತ್ರ ಕೆಂಪಾಗಿತ್ತು...
"ಯು ಕಾಂಟ್ ಸೆಲ್ ದಿಸ್" ಆತ  ಚಲನಾಳ ಜೊತೆ ವಾದಿಸುತ್ತಿದ್ದ.
"ಯು ಕಾಂಟ್ ಸೇ ದಾಟ್ ಟು ಮಿ. ಇಟ್ಸ್ ಮೈ ಆರ್ಟ್" ಆಕೆ ವಾಪಸ್ ಕೊಟ್ಟಿದ್ದಳು.
"ವಾಟ್ ರಬಿಷ್..ಇದಕ್ಕೆಲ್ಲಾ ಬೆಲೆ ಕಟ್ಟಕ್ ಆಗತ್ತಾ?" ಶತಭಿಷನ ಮಾತಿನಲ್ಲಿ ನೋವಿತ್ತು.
"ಐ ನೋ...ಅದಕ್ಕೆ ಅಂತಾನೇ ಇಷ್ಟ್ ದಿನ ಸೆಲ್ ಮಾಡಿರ್ಲಿಲ್ಲ. ಬಟ್ ಈಗ ನಾನು ಹೆಲ್ಪ್‍ಲೆಸ್..ನನ್ ಲೈಫ್ ಕೂಡ ನಡಿಬೇಕಲ್ಲಾ?" ಆಕೆಯೂ ನಿಧಾನಕ್ಕೆ ಉತ್ತರಿಸಿದ್ದಳು.
"ಸೋ...ಯು ವಾನ್ಟ್ ಮನಿ ರೈಟ್. ಫೈನ್...ಆತ ಕ್ರೆಡಿಟ್ ಕಾರ್ಡನ್ನು ಆಕೆಯ ಕಡೆ ಚಾಚಿದ್ದ...
ಆಕೆ "ಕ್ಯಾಶ್ ಪ್ಲೀಸ್" ಎಂದಳು.
ಶತಭಿಷ, ಪರ್ಸಿನಲ್ಲಿದ್ದ ಎಲ್ಲಾ ಹಣವನ್ನು ಆಕೆಯ ಮುಂದಿಟ್ಟು ಆ ಚಿತ್ರವನ್ನು ಕಸಿದುಕೊಂಡ.
ಆಕೆ "ಐ ವಿಲ್ ಪ್ಯಾಕ್ ದಿಸ್ ಫಾರ್ ಯು"  ಎಂದರೂ, "ನೋ ಥ್ಯಾಂಕ್ಸ್" ಎಂದು ಅಲ್ಲಿಂದ ಹೊರಟೇ ಬಿಟ್ಟಿದ್ದ.
ಸ್ಥಿರೆಗೆ ಏನೂ ಅರ್ಥವಾಗಲಿಲ್ಲ. ಆತ ಆಕೆಯ ಕೈ ಹಿಡಿದು ಜೋರಾಗಿ ನಡೆದುಹೋಗುತ್ತಿದ್ದ. "ಸ್ಟಾಪ್" ಎಂದವಳೇ ಕೈ ಬಿಡಿಸಿಕೊಂಡು ಗಟ್ಟಿಯಾಗಿ ನಿಂತಳು. ಆತ ಆಕೆಯನ್ನು ದುರುಗುಟ್ಟಿ ನೋಡಿ ಕಾರ್ ಪಾರ್ಕಿಂಗ್ ಕಡೆ ನಡೆದ. ಬಟ್ಟೆಗಾಗಿ ಏ.ಟಿ.ಎಂನಿಂದ ಬಿಡಿಸಿದ್ದ ಹಣವನ್ನೆಲ್ಲ ಆತ ಚಲನಾಳಿಗೆ ಕೊಟ್ಟುಬಿಟ್ಟಿದ್ದ. ಸ್ಥಿರೆ ಅದೇ ಹಣದಲ್ಲಿ ಊರಹಬ್ಬಕ್ಕೆ ಸೀರೆ ತೆಗೆದುಕೊಳ್ಳಬೇಕೆಂದಿದ್ದಳು. ಬೇರೆ ಹಣ ಇಲ್ಲವೆಂದೇನಿಲ್ಲ, ಆದರೂ ಊರಹಬ್ಬಕ್ಕೆ ಗಂಡ ಕೊಡಿಸಿದ ಸೀರೆ ಉಟ್ಟುಕೊಂಡು ಹೋದರೆ ಮನಸ್ಸಿಗೇನೋ ಸಮಧಾನವಾಗುತ್ತಿತ್ತು. ಜೊತೆಗೆ ಆ ಚಿತ್ರಕ್ಕಾಗಿ ಶತಭಿಷನೇಕೆ ಅಷ್ಟೆಲ್ಲಾ ರಂಪ ಮಾಡಿದ? ಆ ಚಿತ್ರ ಅಷ್ಟೆಲ್ಲಾ ಮಹತ್ವದ್ದಾ? ಆಕೆಗೂ ಆತನಿಗೂ ಮೊದಲೇ ಪರಿಚಯವಿತ್ತಾ? ಸ್ಥಿರೆಯ ಮನಸ್ಸಿನಲ್ಲಿ ಪ್ರಶ್ನೆಗಳ ಸರಮಾಲೆ. ಆಕೆ ಕಾರಿನಲ್ಲಿ ಸುಮ್ಮನೆ ಕೂತಳು. ಶತಭಿಷ ಸಿಗರೇಟು ಹೊತ್ತಿಸಿದ್ದ. ಸ್ಥಿರೆಯ ಮೊಬೈಲಿಗೆ ಮೆಸೆಜೊಂದು ಬಂತು.
"ಥ್ಯಾಂಕ್ಸ್ ಫಾರ್ ಕಮಿಂಗ್ ಸ್ಥಿರಾ...... ಹ್ಯಾಪಿ ಫಾರ್ ಯು .. ಟೇಕ್ ಕೇರ್ ಆಫ್ ಹಿಮ್.
-ಚಲನಾ".
ಮೊಬೈಲನ್ನು ಎಸೆಯಬೇಕೆನ್ನಿಸಿತು....ಸೀಟಿನ ಪಕ್ಕಕ್ಕಿಡಲು ಜಾಗ ಹುಡುಕಿದಳು. ಎರಡು ಸೀಟುಗಳ ನಡುವೆ ಇದ್ದ ಫ್ರೆಮಿನಲ್ಲಿ ಹಾಲುಗಲ್ಲದ ಹುಡುಗಿಯೊಬ್ಬಳ ಚಿತ್ರವಿತ್ತು. ಚಿತ್ರದ ತುದಿಯಲ್ಲಿ ಆರ್ಟ್ ಬೈ ಚಲನಾ  ಎಸ್. ಎಂದು ಬರೆದಿತ್ತು. ಶತಭಿಷನ ಕಣ್ಣಲ್ಲಿ ಒಂದ್ಚೂರು ನೀರಿತ್ತು.
(ನಿಮಗೆ ಇಷ್ಟವಾದರೆ ಕತೆ ಮುಂದುವರೆಯಬಹುದು)
-ಚಿನ್ಮಯ
2/2/2019

ಕ್ಯಾಲೆಂಡರು

ಕ್ಯಾಲೆಂಡರು ಬದಲಾಯಿಸಬೇಕು; ಆದರೇಕೋ ಮನಸ್ಸಾಗುತ್ತಿಲ್ಲ
ಇಷ್ಟು ದಿನ ತಾರೀಖು-ವಾರ ತಿಳಿಸಿದ ಪಟ, ಇಂದಿನಿಂದ ಮಾನ್ಯವಲ್ಲ

ಬೇಜಾರಾಗುತ್ತಿರಲಿಲ್ಲ ಪ್ರತೀ ತಿಂಗಳು ಮಗ್ಗಲು ಹೊರಳಿಸುವಾಗ
ಕಸ್ತೂರಿ ಖರೀದಿಸಬೇಕು, ಶೇರು ಮಾರಬೇಕು ಆದಷ್ಟು ಬೇಗ
ಕೆಂಪಕ್ಷರದ ರಜೆ, ಇಂತಿಂಥ ಹಬ್ಬ, ಕೆಲಸ-ಕಾರ್ಯಗಾರ-ಸಪ್ತಾಹ
ಆಹಾ! ಸಂಬಳ ಬರಲು ಇನ್ನು ವಾರವಷ್ಟೇ ಎಂಬ ತಿಳಿ ಉತ್ಸಾಹ

ಮತ್ತೆ ಪಟವ ತಿರುವದಂತೆ ಇದೀಗ ವರುಷವೇ ಬದಲಾಗಿ ಹೋಗಿದೆ
ನೆಮ್ಮದಿಯಿಂದಿದ್ದವರೂ ಮಲುಗದಂತೆ ಪಾರ್ಟಿ ಅವಾಜು ಜೋರಾಗಿದೆ
ತೂಕ ಇಳಿಸಬೇಕು, ಹಿಮಾಲಯ ಹತ್ತಬೇಕು, ಕೋರ್ಸೊಂದು ಮಾಡಬೇಕು
ಹಿಂದಿನವರುಷವೇ ಬರೆದಿಟ್ಟ ರಿಸೊಲ್ಯೂಷನ್ ಲಿಸ್ಟಿಗೆ ಒಂದೆರೆಡು ಸೇರಿಸಬೇಕು

ಹಳೆಯ ಕ್ಯಾಲೆಂಡರು ಊರಿಂದ ತಂದಿದ್ದು; ಕನ್ನಡವಾದರೂ ಕಾಣಿಸುತ್ತಿತ್ತು
ಈಗಿನದರಲ್ಲಿ ಆಕರ್ಷಕ ಬಡ್ಡೀದರವೇ ಢಾಳಾಗಿ ಹೊಳೆಯುತ್ತಿತ್ತು
ಎಲ್ಲ ಬದಲಾಗುವಾಗ ಕ್ಯಾಲೆಂಡರು ಶಾಶ್ವತವಲ್ಲ; ಅದಿದ್ದರೇ ಬದಲಾವಣೆ!
ಕೆಲಸ ಬದಲಾಯಿಸಿ ಹಿಡಿಯಬೇಕು ಒಂದು ಹೊಸ ಬಾಡಿಗೆ ಮನೆ

ಹಾಲಿನ ಲೆಕ್ಕ; ಆಳಿನ ಲೆಕ್ಕ ಹೊಸ ಜಮಾನದ ಕ್ಯಾಲೆಂಡರಿನಲ್ಲಿ ಕಾಣುವುದಿಲ್ಲ
ನಗುವ ಲಲನೆಯರ ಅಕ್ಕ-ಪಕ್ಕದಲ್ಲಿ ಜಾಹೀರಾತೇ ಆವರಿಸಿಕೊಂಡಿದೆಯಲ್ಲ!
ಹೇಳಿತ್ತಿದ್ದಳೊಬ್ಬಳು, ಮೊಬೈಲಿನಲ್ಲೇ ಎಲ್ಲ ಸಿಗುವಾಗ ಯಾಕೆ ಬೇಕಿದೆಲ್ಲಾ?
ಕಾರಣ ಬಹುಷಃ ಮನೆಯ ಇಂಟಿರಿಯರ್ ಡಿಸೈನಿಗದು ಸರಿಹೊಂದುವುದಿಲ್ಲ

ಹಳೆಯ ಕ್ಯಾಲೆಂಡರನ್ನು ಇಟ್ಟುಕೊಂಡು ಮಾಡುವುದೇನು?
ಬೈಂಡ್ ಹಾಕಲೂ ಬಳಸುವವರಿಲ್ಲ; ರದ್ದಿಯೆನಲು ಮನಸ್ಸು ಬರುತ್ತಿಲ್ಲ
ಸುರುಳಿ ಸುತ್ತಿ ಇಡುತ್ತೇನೆ ಪುಸ್ತಕಗಳ ರಾಶಿಯ ಬದಿಯಲ್ಲಿ
ನೆನಪಿಸಿಕೊಳ್ಳಬಹುದು ಸಿಹಿ-ಕಹಿ ಚಣಗಳ ಈ ಆರುಪುಟದ ಪಟದಲ್ಲಿ

ಕ್ಯಾಲೆಂಡರು ಬದಲಾಯಿಸಬೇಕು; ಆದರೇಕೋ ಮನಸ್ಸಾಗುತ್ತಿಲ್ಲ
ಇಷ್ಟು ದಿನ ತಾರೀಖು-ವಾರ ತಿಳಿಸಿದ ಪಟ, ಇಂದಿನಿಂದ ಮಾನ್ಯವಲ್ಲ

-ಚಿನ್ಮಯ
9/1/2019

ಕನ್ಫೆಷನ್ಸ್ ಆಂಡ್ ಪ್ರಪೋಸಲ್ಸ್

#655
"ಶ್ರಾವಣಿ...ಫೈನಲ್ ಇಯರ್.. ಯು ಆರ್ ಸೋ ಕ್ಯೂಟ್...ಹ್ಯೂಜ್ ಕ್ರಶ್ ಆನ್ ಯು ....ಬಟ್ ವಾಟ್ ಆರ್ ಯು ಡೂಯಿಂಗ್ ವಿಥ್ ದಾಟ್ ನರ್ಡ್ ಶ**ಷ??"

ಅಡ್ವಾನ್ಸ್ಡ್ ಡೇಟಾಬೇಸ್ ಕ್ಲಾಸು ನಡೆಯುತ್ತಿತ್ತು..ಮತ್ತೊಮ್ಮೆ ನಾರ್ಮಲೈಜೇಷನ್ ಶುರುಮಾಡಿದ್ದರು...ಆದರೆ ಶತಭಿಷನ ಮನಸ್ಸು ಮಾತ್ರ ಅಬ್‍ನಾರ್ಮಲ್ ಆಗಿತ್ತು...ಖುಷಿಪಡುವುದಾ? ಟೆನ್ಷನ್ ಆಗುವುದಾ? ಶ್ರಾವಣಿಗೆ ಮೆಸ್ಸೇಜ್ ಮಾಡುವುದಾ? ಕಾಣಿಸಿಕೊಳ್ಳದೇ ಸ್ವಲ್ಪ ದಿನ ಹಾಗೇ ಇದ್ದು ಬಿಡುವುದಾ?

ಶತಭಿಷನಿಗೆ ಕ್ಲಾಸ್‍ಮೇಟ್ ಯಾರೋ ತೋರಿಸಿದ್ದರು...“ಏಯ್ ಹೋಗ್ರೋ” ಎಂದು ಪೋನ್ ಸ್ಕ್ರೀನ್ ಲಾಕ್ ಮಾಡಿ ವಾಪಸ್ ಕೊಟ್ಟಿದ್ದ. ಪಾಠ ಕೇಳುವಂತೆ ನಟಿಸುತ್ತಿದ್ದ...ಬೋರ್ಡ್ ಮೇಲೆ ಬರೆದಿದ್ದನ್ನು ಅನಾಮತ್ತಾಗಿ ಬರೆಯುತ್ತಿದ್ದ..
ಪಕ್ಕದ ಬೆಂಚಿನಲ್ಲಿದ್ದ ಹುಡುಗಿಯೊಬ್ಬಳು “ಪ್ಚ್” ಎಂದಳು.
“ಏನ್ ಲೇ?” ಎಂದ. “ಭಾರಿ ಆತಲ್ಲಪಾ” ಎಂಬಂತೆ ಜವಾರಿ ಭಾಷೆಯಲ್ಲಿ ಕೈ ತೋರಿದಳು..ಹುಸಿಮುನಿಸು ತೋರಿ ಸುಮ್ಮನಾದ..ಹಿಂದಿನ ಬೆಂಚಿನಿಂದ ಯಾರೋ ಕಮೆಂಟ್ ಹೊಡೆದರು...
“ಫುಲ್ ಫೇಮಸ್ ಅಲಾ ಮಗಾ...”
ಈತ “ಸುಮ್ನಿರ್ರೋ” ಎಂಬಂತೆ ಕೈ ಮುಗಿದು ಬೇಡಿದ...
ನಂತರ ವಾಡಿಕೆಯಂತೆ ಮೊಬೈಲ್ ಹಿಡಿದ..ವಾಟ್ಸಪ್ ಟ್ಯಾಪ್ ಮಾಡಿದ... ಅಷ್ಟರಲ್ಲೇ ಇವನನ್ನು ಲೆಕ್ಚರರ್ರು ಎರಡೂ ಬಾರಿ ಗುರಾಯಿಸಿ ನೋಡಿದ್ದರು...ಮೊಬೈಲ್ ಬಳಸಿದ್ದು ನೋಡಿ ಅವರಿಗೆ ಏನೋ ಅವಮಾನವಾದಂತಾಯಿತು...
“ಯೂ ಫೋರ್ಥ್ ಬೆಂಚ್... ಗೆಟ್ ಔಟ್” ಎಂದರು...

ಸಿಕ್ಕಿದ್ದೇ ಚಾನ್ಸ್ ಎಂದು ಶತಭಿಷನ ಬೆಂಚಿನ ಎಲ್ಲಾ ಹುಡುಗರು ಹೊರಡಲು ಅನುವಾದರು...”ಏಯ್ ನಾಟ್ ಯು ಆಲ್...ಯೂ” ಎಂದು ಶತಭಿಷನನ್ನು ತೋರಿಸುವವರೆಗೂ ಆತ ಮೊಬೈಲಿನಲ್ಲೇ ಮುಳುಗಿದ್ದ...ಕಾರಣ?
ಶ್ರಾವಣಿ ಮೆಸ್ಸೇಜು ಹಾಕಿದ್ದಳು...”ಕ್ಯಾನ್ ವಿ ಟಾಕ್?”
ಬ್ಯಾಗ್ ಹಾಕಿಕೊಂಡು ಹೆಲ್ಮೆಟ್ ಮರೆತು ಶತಭಿಷ ಬಾಗಿಲ ಬಳಿ ಬರುತ್ತಲೇ ರಿಪ್ಲೈ ಕೊಟ್ಟಿದ್ದ “ಎಲ್ಲಿ?”
ಲೆಕ್ಚರ್ ಹಾಲಿನಿಂದ ಹೊರಬಂದು ಮೊಬೈಲ್ ಚೆಕ್ ಮಾಡಿದಾಗ ಡಬಲ್ ಟಿಕ್ ಬಂದಿತ್ತು...ಶತಭಿಷ ನೀಲಿ ಟಿಕ್‍ಮಾರ್ಕ್ ಎನೇಬಲ್ ಮಾಡಿರಲಿಲ್ಲ...ಆಕೆಯ ಸ್ಟೇಟನ್ ಆನ್‍ಲೈನ್‍ನಿಂದ ಆಫ್‍ಲೈನಿಗೆ ಬದಲಾಗಿತ್ತು...ಇದ್ದಕ್ಕಿದ್ದಂತೆ ಹೆಲ್ಮೆಟ್ ನೆನಪಾಯಿತು...ಮತ್ತೆ ಕ್ಲಾಸಿನತ್ತ ಹೆಜ್ಜೆ ಹಾಕಿದ...ದುರುಗುಟ್ಟಿ ನೋಡುತ್ತಿದ್ದ ಲೆಕ್ಚರರ್ ಮುಖವನ್ನೇ ನೋಡಿ, ಅಲ್ಲಿಗೆ ವಾಷ್‍ರೂಮಿನತ್ತೆ ಹೆಜ್ಜೆಹಾಕಿದ..ಅಲ್ಲೊಂದು ಕನ್ನಡಿಯಿತ್ತು...ಮುಖ ತೊಳೆಯಲು ನೀರು ಬರಲಿಲ್ಲ..ಹಾಗೇಯೇ ಕನ್ನಡಿ ನೋಡುತ್ತ ನಿಂತ...ಅವನ ಬಗ್ಗೆಯೇ ಅವನಿಗೆ ಗಿಲ್ಟ್ ಫೀಲ್ ಶುರುವಾಯಿತು...ಕಾರಣ ಸ್ಪಷ್ಟವಿರಲಿಲ್ಲ...ಶ್ರಾವಣಿ ಇನ್ನೂ ರಿಪ್ಲೈ ಕೊಟ್ಟಿರಲಿಲ್ಲ...ಅಲ್ಲಿಂದಲೇ ಫೋನಾಯಿಸಿದ...
“ಟಣ್. ಟಣ್.. ಟಣ್..ಈ ಹಾಡನ್ನು ಕಾಪಿ ಮಾಡಲು ಸ್ಟಾರ್ ಒತ್ತಿ...ಎಲ್ಲೋ ಜಿನುಗಿರುವ ನೀರು..ಎಲ್ಲೋ ಜೇನಾಗಿ ಹರಿದು..”
ಪೋನ್ ಕಟ್ ಆಯಿತು... “ಎಲಾ ಇವಳಾ....” ಕಾರಣ ಸ್ಪಷ್ಟವಿರದೇ ಸಿಟ್ಟುಬಂದಿತ್ತು...ಕಾಲು ನಡುಗಲು ಶುರುವಾಗಿತ್ತು... ಅವಳ ಕ್ಲಾಸ್ ರೂಮಿನತ್ತ ಓಡಿದ...ಫೈನಲ್ ಇಯರ್ ಕ್ಲಾಸ್ ರೂಮಿನ ಸ್ಟೇರ್‍ಕೇಸಿನ ಬಳಿಯೇ ಅವಳ ಬೆಸ್ಟ್‍ಫ್ರೆಂಡ್ ಸಿಕ್ಕಳು.
..
“ಎಲ್ಲಿ?” ಎಂಬಂತೆ ಕೇಳಿದ...ವಾಷ್‍ರೂಮ್ ಕಡೆ ಸನ್ನೆ ಮಾಡಿದಳು.... ಈತ ಕಾಯುತ್ತಿದ್ದ ಅವಳಿಗಾಗಿ...ಮಾತು ಎಲ್ಲಿಂದ ಶುರುಮಾಡುವುದು? ಸಾರಿ ಕೇಳಲಾ? ಎಕ್ಸ್‍ಪ್ಲೇನ್ ಮಾಡಲಾ? ಇಗ್ನೋರ್ ಮಾಡು ಎನ್ನಲಾ? ಇಲ್ಲಾ..... ಶತಭಿಷನಿಗೆ ಒಂದೊಂದು ನಿಮಿಷಕ್ಕೆ ಒಂದೊಂದು ಸರಿ ಎನಿಸುತ್ತಿತ್ತು..ಪಕ್ಕದಲ್ಲಿ ಕಂಪೌಂಡ್ ಆಚೆ ಯಾರೋ ಸಿಗರೇಟು ಸುಡುತ್ತಿದ್ದರು...ಬೇಕಿನಿಸಿತ್ತು...ಆದರೆ ಇದ್ದಲ್ಲಿಂದ ಹೊರಡಲು ಮನಸ್ಸಾಗಲಿಲ್ಲ...ಅಷ್ಟರಲ್ಲಿ ವೇಲು ಸರಿ ಮಾಡಿಕೊಳ್ಳುತ್ತಾ ಆಕೆ ಬಂದಳು...ಬಂದ ಹಾಗೇ ಹೊರಟೂ ಹೋದಳು...
ಇವನತ್ತ ನೋಡಿದ್ದಳಾ? ನೋಡಿಯೂ ಇಗ್ನೋರ್ ಮಾಡಿದಳಾ? ಸಿಟ್ಟಾಗಿದ್ದಾಳಾ?
“ಏಯ್” ಎಂದು ಹಿಂಬಾಲಿಸಿದ...ಹಿಂದೆ ತಿರುಗಿದ ಗೆಳತಿಗೆ “ನೋ” ಎಂಬಂತೆ ಶ್ರಾವಣಿ ಇಶಾರೆಯಿತ್ತಳು...ಈತನಿಗೂ ಮುಂದೆ ಹೋಗುವ ಮನಸ್ಸಾಗಲಿಲ್ಲ...
“ನರ್ಡ್ ಅಂದ್ರೆ ಏನೋ ಮಚಾ?”...”ಗಾಂಧಿ ನನ್‍ಮಗಾ ಅಂತಾ ಕಣೋ....”
“ಹಂಗೇನೋ...ನಾ ಬೇರೆ ಏನೋ ಅನ್ಕೊಂಡಿದ್ದೆ ಮಗಾ..”
ಪಕ್ಕದಲ್ಲಿ ಹೋಗುತ್ತಿದ್ದ ಹುಡುಗರ ಗುಂಪು ಛೇಡಿಸತೊಡಗಿತ್ತು....ಶತಭಿಷ ಆವೇಶವೇರಿ ಅವರಿಗೆಲ್ಲಾ ಹೊಡೆಯಹೋಗಿದ್ದ...ಒಂದೆರಡು ಏಟು ಬಿಗಿದೂಬಿಟ್ಟಿದ್ದ...ಆದರೆ ಅವರೇನೂ ಪುಕ್ಕಲುಗಳಾಗಿರಲಿಲ್ಲ...ಇವನಿಗೂ ತದುಕಿದ್ದರು....ಕ್ಯಾಂಪಸ್ಸಿನಲ್ಲಿ ಬಂಕ್ ಹಾಕಿ ಓಡಾಡುತ್ತಾ ಇದ್ದವರೆಲ್ಲಾ ಅಲ್ಲಿಗೆ ಬಂದು ಜಗಳ ಬಿಡಿಸುವಷ್ಟರಲ್ಲಿ ಹೋಯ್ ಕೈ ನಡೆದಿತ್ತು...ಇಬ್ಬರೂ ಪ್ರಿನ್ಸಿಪಲ್ ರೂಮಿಗೆ ಹೋಗಿ ಅಪಾಲಜಿ ಲೆಟರ್ ಬರೆದು ಹ್ಯಾಂಡ್ ಶೇಕ್ ಮಾಡಿ ಹೊರಬಿದ್ದರು....ಶತಭಿಷನ ಸಿಟ್ಟು ಕೊಂಚಮಟ್ಟಿಗೆ ತಣ್ಣಗಾಗಿತ್ತು... ಅವನಿಷ್ಟದ ಪ್ರೊಫೆಸರ್ ಚೇಂಬರ್‍ನಲ್ಲಿ ಕೂತಿದ್ದ...ಮುಂದೇನು ಗೊತ್ತಿರಲಿಲ್ಲ....ಚಹಾ ತರಿಸಿ ಕುಡಿಸಿದ್ದರು ಅವನಿಗೆ...
“ಡಿಡ್‍ನಾಟ್ ಎಕ್ಸ್‍ಪೆಕ್ಟ್ ದಿಸ್ ಫ್ರಾಮ್ ಯು ಶತಭಿಷ...ವೈ ಯು ಆರ್ ವೇಸ್ಟಿಂಗ್ ಯುರ್ ಎನರ್ಜಿ ಇನ್ ದಿಸ್? ಡೂ ಸಮ್ ದಿಂಗ್ ಮೀನಿಂಗ್‍ಫುಲ್...” ಎನ್ನುತ್ತಾ ಶತಭಿಷನನ್ನು ಎಂದಿನ ಮೂಡಿಗೆ ತರಲು ಅವರು ಪ್ರಯತ್ನಿಸುತ್ತಿದ್ದರು...ಈತ ಕಲ್ಲುಬಂಡೆಯಂತೆ ಕೂತಿದ್ದ....ಎಲ್ಲದಕ್ಕೂ “ಹೂಂ” ಎನ್ನುತ್ತಿದ್ದ...
“ಟು ಡೆ ದೆರ್ ಇಸ್ ಅ ಹ್ಯಾಕಥಾನ್...ವಿಲ್ ಯು ಗಿವ್ ಇಟ್ ಅ ಟ್ರೈ? ಇಟ್ ಮೇ ಹೆಲ್ಪ್ ಯು ಟು ರಿಲ್ಯಾಕ್ಸ್” ಎಂದು ಟಿಕೇಟೊಂದನ್ನು ಕೊಟ್ಟರು...
“ಶುರ್” ಎನ್ನುತ್ತಾ ಶತಭಿಷ ಹೊರಬಿದ್ದ...ಎಲ್ಲದನ್ನೂ ಮರೆತು, ರಾತ್ರಿಯಿಡೀ ಕೋಡ್ ಮಾಡುವ ಹಂಬಲವಿತ್ತು ಅವನಿಗೆ...ಕೋಡಿಂಗ್‍ಗೆ ಇಳಿದರೆ ಆತ ಊಟ ತಿಂಡಿ ನಿದ್ದೆ ಎಲ್ಲವನ್ನೂ ಮರೆಯುತ್ತಿದ್ದ....ಎರರ್ರು ಡಿಬಗ್ಗಿಂಗ್ ಹುಚ್ಚಿನಲ್ಲಿ ಕಣ್ಣು ನೋವು ಬರುವವರೆಗೂ ಮಾನಿಟರ್‍ಅನ್ನು ಕಣ್ಣು ಮಿಟುಕಿಸದೇ ನೋಡುತ್ತಿದ್ದ....
“ನೀ ಹಿಂಗೇ ಕಂಪ್ಯೂಟರ್ ನೋಡ್ತಾ ಇದ್ರೆ ಸ್ಪೆಕ್ಸ್ ಬರತ್ತೆ ಕಣೋ ಬೇಗ...” ಶ್ರಾವಣಿ ಛೇಡಿಸುತ್ತಿದ್ದಳು....

“ಬರ್ಲಿ ಬಿಡೇ...ನಿನ್ ಸ್ಪೆಕ್ಸೇ ಕದ್ದ್ ಹಾಕ್ಕೋತೀನಿ...ನೀ ಹೆಂಗಂದ್ರೂ ಸಿಸ್ಟಮ್ ಯೂಸ್ ಮಾಡಲ್ವಲ್ಲಾ...” ಎಂದು ಉತ್ತರಿಸುತ್ತಿದ್ದ....ಅವಳಿಗೆ ಕಿಂಡಲ್‍ಗಿಂತ ಹಾರ್ಡ್‍ಕವರ್ ಕಾಪಿಯೇ ಇಷ್ಟವಾಗುತ್ತಿತ್ತು... ಯೂ ಟ್ಯೂಬು, ಸಾವನ್, ಅಮೇಜಾನ್ ಮ್ಯೂಸಿಕ್‍ನ ಹಾಡುಗಳಿಗಿಂತ ರೇಡಿಯೋದಲ್ಲಿನ ಸಣ್ಣ ನಾಯಿಸ್ ಅವಳನ್ನು ಪುಳಕಿತಗೊಳಿಸುತ್ತಿತ್ತು...ಇವತ್ತು ಆಕೆಯನ್ನು ಆಕಾಶವಾಣಿಯ ರೆಕಾರ್ಡಿಂಗ್‍ಗೆ ಕರೆದೊಯ್ಯಬೇಕೆಂದಿದ್ದ..ಸಂಜೆ ಕಬ್ಬನ್‍ಪಾರ್ಕಿನಲ್ಲಿ ಓಡಾಡಬೇಕೆಂದಿದ್ದ...ಅವಳು ಬಹಳದಿನಗಳ ಹಿಂದೆ ಕೇಳಿದ್ದ ಕಾದಂಬರಿಯೊಂದನ್ನು ಸೆಂಟ್ರಲ್ ಲೈಬ್ರರಿಯಲ್ಲಿ ಹುಡುಕಿದ್ದ...ಅಷ್ಟರಲ್ಲಿ ಇದಾಗಿತ್ತು...

ರೂಮಿಗೆ ಹೋದವನೇ ಫ್ರೆಷ್‍ಅಪ್ ಆಗಿ , ಹೊಟ್ಟೆಗೊಂದಿಷ್ಟು ಹಾಕಿಕೊಂಡು, ಹ್ಯಾಕಥಾನ್ ಇವೆಂಟ್ ನಡೆಯುವ ಜಾಗಕ್ಕೆ ಬಂದ...

ಮಾಮೂಲಿ ಕೆಂಪು ಕುರ್ಚಿಗಳಿಗೆ ಬಿಳಿಯ ಹೊದಿಕೆ ಹಾಸಿ ರೌಂಡ್ ಟೇಬಲ್ಲಿನ ಪಕ್ಕ ಇರಿಸಿದ್ದರು...ಮಿನರಲ್ ವಾಟರ್, ಚಿಪ್ಸ್, ಕುಕೀಸ್ ಒಪ್ಪವಾಗಿ ಕುಳಿತಿದ್ದವು...ಅರ್ಜಂಟಿನಲ್ಲಿ ಹಾಕಿದ್ದ ಸ್ಪೈಕ್ ಬಸ್ಟರ್ ಕನೆಕ್ಷನ್ ಸ್ಪಲ್ಪ ಲೂಸಾದಂತಿತ್ತು...ಶತಭಿಷ ಲ್ಯಾಪ್‍ಟಾಪ್ ಆನ್ ಮಾಡಿ ಕೂತ...ಅದು ಇಪ್ಪತ್ನಾಲ್ಕು ಗಂಟೆಯ ಹ್ಯಾಕಥಾನ್...ಇಪ್ಪತ್ನಾಲ್ಕು ಗಂಟೆಗಳ ಒಳಗಾಗಿ ಒಂದು ಚಾಟ್‍ಬಾಟ್ ಪ್ರಾಡಕ್ಟ್‍ನ ಪ್ರೋಟೋಟೈಪನ್ನು ಮಾಡಿಕೊಡಬೇಕಿತ್ತು...ಆಯ್ಕೆಯಾದ ಪ್ರೋಟೋಟೈಪ್‍ಗಳಿಗೆ ಪ್ರೈಜ್ ಸಿಗುತ್ತಿತ್ತು...ಮಾರಬಹುದಾದ ಸರಕು ಎನಿಸಿದರೆ ಫಂಡಿಂಗ್ ಸಿಗುವ ಸಾಧ್ಯತೆಯೂ ಇತ್ತು...ಶತಭಿಷನ ತಲೆಯಲ್ಲಿ ಇಂತಹುದೇ ಇವೆಂಟಿಗೆ ಬೇಕಾದ ಹಲವಾರು ಐಡಿಯಾಗಳಿದ್ದವು...ಅದನ್ನು ಆತ ಫ್ರೊಫೆಸರ್ ಬಳಿ ಚರ್ಚೆಮಾಡಿಯೂ ಇದ್ದ...ಅವರು ಎಲ್ಲವನ್ನೂ ಕೇಳಿಸಿಕೊಳ್ಳುತ್ತಿದ್ದರು...ಬರೆದಿಟ್ಟುಕೋ, ಮರೆತುಬಿಡುತ್ತೀಯಾ ಎನ್ನುತ್ತಿದ್ದರು...ಈತ ಸರ್ ನೆನಪಲ್ಲಿ ಇದ್ರೆ ಮಾತ್ರ ಒಳ್ಳೆ ಐಡಿಯಾ ಎಂದು ಸುಮ್ಮನಾಗುತ್ತಿದ್ದ....ಇವತ್ತಿಗೆ ಅರ್ಜಂಟಾಗಿ ಅವನಿಗೆ ಐಡಿಯಾವೊಂದು ಬೇಕಿತ್ತು...ಹುಡುಕುತ್ತಿದ್ದ...ಆ ಕಡೆ ಈ ಕಡೆ ಓಡಾಡುತ್ತಿದ್ದ...ಆಗಲೇ ಮೂರು ಕಾಫಿ ಕುಡಿದಿದ್ದ...ಏನೋ ಹೊಳೆದಂತಾಯಿತು..

ಬೆಂಗಳೂರಿನಲ್ಲಿ ಹಲವಾರು ಮಾಲ್‍ಗಳಿವೆ...ಪ್ರತೀ ಮಾಲ್‍ನ ಎಂಟ್ರೆನ್ಸಿನಲ್ಲಿ ಒಂದು ಚಾಟ್‍ಬಾಟ್...ಅಲ್ಲಿಗೆ ಬಂದವರು ಎಲ್.ಇ.ಡಿ ಸ್ಕ್ರೀನಿನ ಬದಲು ಅದರೊಂದಿಗೆ ಮಾತನಾಡಬಹುದು...
“ಕಂಪ್ಯೂಟರ್, ಐ ವಾನ್ಸ್ ಹೇರ್ ಸ್ಟೈಲಿಂಗ್” ಎಂದರೆ ಎಲ್ಲಾ ಸಲೂನ್‍ಗಳ ವಿವರಗಳನ್ನು ಅದರ ಮೂಲಕ ಹೇಳಿಸಬಹುದು..ಅದರಲ್ಲಿ ಆಫರ್‍ಗಳನ್ನೂ ಪ್ರಿಯರಿಟೈಸ್ ಮಾಡಬಹುದು...ಇನ್ನೂ ಬೇಕೆಂದರೆ ಆ ಗ್ರಾಹಕನ ಮೊಬೈಲ್ ನಂಬರ್ ಅನ್ನು ಎಲ್ಲಾ ಸಲೂನ್‍ಗಳಿಗೆ ಕೊಡಬಹುದು...ಅದ್ಭುತ ಎನಿಸಿತು...ಹಾಗೇ ಶುರುಮಾಡಿದ...
ಫಿನಿಕ್ಸ್‍ಸಿಟಿ ಮಾಲ್‍ನ ಎಲ್ಲಾ ಶಾಪ್‍ಗಳ ವಿವರಗಳನ್ನು ನೋಟ್ ಮಾಡಿಕೊಂಡ...ಅದನ್ನು ಎಕ್ಸೆಲ್‍ಗೆ ಇಳಿಸಿದ...ಜೇಸಾನ್ ಫಾರ್ಮಾಟಿನಲ್ಲಿ ಸೇವ್ ಮಾಡಿದ...ಫ್ಲೋರ್‍ಗಳ ಪ್ರಕಾರ ಡಬಲೀಲಿಂಕ್‍ಲಿಸ್ಟ್ ಸಿದ್ಧಪಡಿಸಿದ...ಅಮೇಜಾನ್ ಅಲೆಕ್ಸಾ ಪ್ಲಾಟ್‍ಫಾರಂನಲ್ಲಿ ಡೆವಲಪ್ ಮಾಡುವುದೆಂದು ನಿರ್ಧರಿಸಿ ಸ್ಕಿಲ್ಲಿನ ಡಿಸೈನ್ ಶುರುಮಾಡಿದ... ಅಷ್ಟರಲ್ಲಿ ಪಿಜ್ಜಾ ಬಂದಿದೆಯೆಂದು ಅನೌನ್ಸ್ ಮಾಡಿದರು....

ಶತಭಿಷ ಪಿಜ್ಜಾ ಬಾಕ್ಸ್ ಹಿಡಿದು ಗುಂಪಿನಿಂದ ಬರುತ್ತಿದ್ದ...ಪಿಜ್ಜಾ ಅಂದರೆ ಶ್ರಾವಣಿಗೆ ಬಹಳೇ ಇಷ್ಟ...ಪ್ಲೇಸ್‍ಮೆಂಟಿನ ಎಚ್ ಆರ್ ರೌಂಡಿನಲ್ಲಿ ವಾಟ್ ಈಸ್ ಯುರ್ ವೀಕ್‍ನೆಸ್ ಅಂದ್ರೆ ಚಾಕಲೇಟ್ ಆಂಡ್ ಪಿಜ್ಜಾ ಅಂದಿದ್ದ ಹುಡುಗಿಯವಳು...ಭ್ರಮೆಯಾ? ಪಿಜ್ಜಾ ತೆಗೆದುಕೊಂಡು ಹಿಂದೆ ಬರುವಾಗ ಗುಂಪಿನಲ್ಲೆಲ್ಲೋ ಅವಳನ್ನು ಕಂಡಂತಾಯಿತು ಶತಭಿಷನಿಗೆ...

ನೋ...ನೋ...ನೋ ವೇ ಎಂದು ಕೊಂಡು ಲ್ಯಾಪ್‍ಟಾಪಿನ ಗುಂಡಿ ಕುಟ್ಟಿದ...ಪಕ್ಕದ ಟೇಬಲ್ಲಿನವರು ಒಮ್ಮೆ ಮುಖ ನೋಡಿದರು...ಈಗ ಫೋಕಸ್ ಕಳೆದುಕೊಳ್ಳಬಾರದು ಎಂದು ಪಿಜ್ಜಾ ತುಂಡೊಂದನ್ನು ಎತ್ತಿಕೊಂಡು ಕೋಡ್ ಬರೆಯಲು ಶುರುಮಾಡಿದ...ಹನ್ನೆರಡು...ಒಂದು ಗಂಟೆ...ಎರಡು ಗಂಟೆ....ಸುಮಾರು ಬಹುತೇಕ ಅರ್ಧದಷ್ಟು ಕೆಲಸ ಮುಗಿದಿತ್ತು...ಕಣ್ಣುಗಳು ಕೆಂಪಾಗಿತ್ತು...ಅವಳು ಹತ್ತಿರದಲ್ಲೇ ಎಲ್ಲೋ ನಕ್ಕಂತಾಯಿತು..

.ತಿರುಗಿ ನೋಡಿದ..
.ಅವಳೇ...
ಎದ್ದು ಮಾತನಾಡಿಸಲು ಹೊರಟ... ಹಾಯ್ ಎಂದು ಪಾಸಾದಳು...
ಪಕ್ಕದಲ್ಲಿ ಅವಳ ಗೆಳತಿಯೂ...ಅವರ ಜೊತೆ ಅಂದಿನ ಜಡ್ಜ್ ಪ್ಯಾನಲ್ಲೂ ಇತ್ತು...
“ಹೇಯ್...” ವಾಟ್ಸಪ್ಪಿನಲ್ಲಿ ಮೆಸ್ಸೇಜು ಹಾಕಿದ....ಡಬಲ್ ಟಿಕ್ ಬರಲೇ ಇಲ್ಲ..
.ಕಾದ..
.ಕಾದ...ಕಾದ...
ಬಹುಷಃ ಬ್ಲಾಕ್ ಮಾಡಿರಬೇಕು....ಮೈಯ್ಯೆಲ್ಲ ಉರಿಯಿತು...ಈತನೂ ಬ್ಲಾಕ್ ಮಾಡಿದ...ನಂಬರ್ ಡಿಲಿಟ್ ಮಾಡಿದ.
..
ಕೋಡ್ ಕಡೆ ಗಮನ ಹರಿಸಿದ...ಆಗೊಂದು ಸಮಸ್ಯೆ ಎದುರಾಗಿತ್ತು...ಅಲ್ಲಿಯವರೆಗೆ ಆತ ಇದನ್ನೆಲ್ಲ ಯೋಚಿಸಿಯೇ ಇರಲಿಲ್ಲ...ಅವನು ಬರೆದ ಸ್ಕಿಲ್ ಥರ್ಡ್ ಪಾರ್ಟಿ ಅಪ್ಲಿಕೇಷನ್ ಆದ ಕಾರಣ ಅದನ್ನು ಪ್ರತೀ ಬಾರಿ ಮ್ಯಾನುವಲ್ ಆಗಿ ಇನ್ವೋಕ್ ಮಾಡಬೇಕಿತ್ತು...ಪ್ರತೀ ಸಲ ಅಲೆಕ್ಸಾ ಓಪನ್ ಮಾಲ್ ಫೈಂಡರ್ ಎನ್ನುವುದು ಇವನಿಗೋ ಚೆನ್ನಾಗಿ ಕಾಣಿಸಲಿಲ್ಲ...ಅದಕ್ಕೇನು ಪರಿಹಾರ...ಸ್ಟಾಕ್ ಓವರ್ ಫ್ಲೋ, ಟ್ವಿಚ್, ಸ್ಲ್ಯಾಕ್, ಡೆವಲಪರ್ ಫೋರಮ್ ಎಲ್ಲವನ್ನೂ ಹುಡುಕಿದ...ತಡಕಾಡಿದ...ಸಮರ್ಪಕವಾದ ಉತ್ತರ ಎಲ್ಲಿಯೂ ಸಿಗಲಿಲ್ಲ...

“ಟೆರೇಸ್ ಗೆ ಬಾ” ಅನ್‍ನೌನ್ ನಂಬರ್‍ನಿಂದ ಮೆಸ್ಸೇಜು ಬಂದಿತ್ತು....
ಅವಳೇ ಅದು...
ಲ್ಯಾಪ್‍ಟಾಪ್ ಮಡಚಿಟ್ಟು ಟೆರೇಸ್‍ಗೆ ಹೊರಟ...ಆಕೆ ಪಿಜ್ಜಾ ತಿನ್ನುತ್ತಿದ್ದಳು...ಜಡ್ಜ್ ಪಾಲಿನ ಪಿಜ್ಜಾ ಇರಬೇಕು...ಜೊತೆಗೆ ಮತ್ತಿಬ್ಬರಿದ್ದರು...ಇವನನ್ನು ನೋಡಿದೊಡನೆಯೇ ಆಕೆ...

“ಬಾರೋ...” ಎಂದು ಕರೆದಳು..
.
“ನೋ ಥ್ಯಾಂಕ್ಸ್..” ಮುಖ ಬಿಗಿದುಕೊಂಡೇ ಹೇಳಿದ...
“ಮುಚ್ಕೊಂಡ್ ಬಾರೋ...” ಆಕೆಯ ಹುಸಿಮುನಿಸಿನ ಮುಖ ನೋಡಿದ ಮೇಲೆ ಅವನಿಗೆ ಇಲ್ಲವೆನ್ನಲಾಗಲಿಲ್ಲ....ಪಿಜ್ಜಾ ತುಂಡುಗಳನ್ನು ಎತ್ತಿಕೊಂಡು ಟೆರೇಸ್ಸಿನ ಮೂಲೆಯೆಡೆಗೆ ನಡೆದರು...ತಣ್ಣನೆಯ ಗಾಳಿ ಬೀಸುತ್ತಿತ್ತು...ಆಕೆ ತಲೆಗೂದಲು ಹಾರಾಡದಂತೆ ಕ್ಲಿಪ್ ಸರಿ ಮಾಡಿಕೊಂಡಳು...ಗಾಳಿ ಕ್ರಾಪಿಗೆ ವಿರುದ್ಧ ಬೀಸಿ ಹಣೆಯ ಕೋಡು ಕಾಣುತ್ತಿದೆಯಾ? ಶತಭಿಷ ಕೂದಲು ಕೆದರಿಕೊಂಡ..
.
“ಮತ್ತೆ?” ಏನೂ ಆಗೇ ಇಲ್ಲ ಎಂಬಂತೆ ಆಕೆ ಕೇಳಿದಳು..

“ಏನಿಲ್ಲ”...ಶತಭಿಷ ಗಂಭೀರವಾಗಿಯೇ ಉತ್ತರ ಕೊಟ್ಟ....

ಎದುರಿಗೆ ಔಟರ್ ರಿಂಗ್ ರೋಡು ಕಾಣಿಸುತ್ತಿತ್ತು...ರಾತ್ರಿಪಾಳಿಯ ಐ.ಟಿ ನೌಕರರಿಗಾಗಿ ಕ್ಯಾಬ್‍ಗಳು ಅಲ್ಲೊಂದು ಇಲ್ಲೊಂದು ಓಡಾಡುತ್ತಿದ್ದವು....ಪಕ್ಕದಲ್ಲೇ ಇದ್ದ ಲಕ್ಷುರಿ ಅಪಾರ್ಟ್‍ಮೆಂಟಿನ ಲೈಪುಗಳು ಬಂಗಾರದ ಬಣ್ಣ ತಾಳಿದ್ದವು...ಬೆಂಗಳೂರಿನ ಮಹಾನಗರ ತಣ್ಣಗೆ ಮಲಗಿತ್ತು....

“ಏನೂ ಇಲ್ವಾ? ಸರಿ ಹೋಗಣಾ?” ಆಕೆ ನಕ್ಕು ಕಣ್ಣು ಹೊಡೆದಿದ್ದಳು..
..
“ಯಾಕೇ ಕಾಲ್ ಕಟ್ ಮಾಡದೇ? ಯಾಕೇ ಬ್ಲಾಕ್ ಮಾಡದೇ? ಯಾಕೇ ಅವಾಗ್ ಮಾತಾಡ್ಸಿಲ್ಲ? ಏನ್ ಅಂದ್ಕೊಂಡಿದಿಯಾ? ” ಶತಭಿಷ ನಾಲ್ಕೈದು ಪ್ರಶ್ನೆಗಳನ್ನು ಒಂದರ ಹಿಂದೆ ಒಂದರಂತೆ ಕೇಳಿದ..
.ಉತ್ತರಕ್ಕೆ ಕಾಯದೇ “ಸಾರಿ...ನಾನ್ ಏನೂ ಮಾಡಿಲ್ಲ...” ಎಂದ...ಪಿಜ್ಜಾ ಡಸ್ಟ್ ಬಿನ್‍ಗೆ ಹಾಕಲು ಹೋಗಿ ಹೊಡೆದಾಟಲ್ಲಾದ ಗಾಯಕ್ಕೆ ಮತ್ತೆ ತಗುಲಿಸಿಕೊಂಡ...ನೋವಲ್ಲಿ “ಹಾಯ್ ” ಎಂದ...

ಆಕೆ ಸುಮ್ಮನಿದ್ದಳು...ನಗುತ್ತಿದ್ದಳು...

“ಏನೇ?” ಈಗ ಮಾಮೂಲಿ ಧಾಟಿಯಲ್ಲಿ ಕೇಳಿದ...

“ಮುಗಿತಾ???” ಆಕೆಯ ಧ್ವನಿ ಸ್ವಲ್ಪ ಎತ್ತರಕ್ಕೇರಿತ್ತು...
.
“ಮೋಸ್ಟ್ಲೀ...” ಹಲ್ಲು ಕಿಸಿದ..

ಆಕೆ ಅದೇ ಕನ್ಫೆಷನ್ ಪೇಜ್ ತೆಗೆದು ಅವನಿಗೆ ಕೊಟ್ಟಳು..
.ಕಮೆಂಟ್ಸ್ ಓದು ಎಂದಳು...

ಬೆಸ್ಟ್ ಕಪಲ್ಸ್...
ಬೆಸ್ಟ್ ಫ್ರೆಂಡ್ಸ್...
ನೈಸ್ ಪೇರ್...
ಡ್ಯೂಡ್...ಲೀವ್ ದೆಮ್ ಯಾರ್...
ವಾಟ್ ದ ****...ಸ್ಟುಪಿಡ್ ಮ್ಯಾನ್...
ಇವನ್ ಈ ಲೈಕ್ ಹರ್...ಲಕೀ ಗಾಯ್...
ಹಿ ಲುಕ್ಸ್ ನರ್ಡ್...ಕೈಂಡಾ ಕ್ಯೂಟ್ ಟೂ...
ಶಿ ಈಸ್ ಬಾಂಬ್..ಬಟ್ ಬ್ರೋ...ಹೀ ಈಸ್ ಹ್ಯಾಕರ್ ಆಫ್ ದ ಕಾಲೇಜ್...ನಾಟ್ ನರ್ಡ್ ಬ್ರೋ..ಚಿಲ್ಲ್...
ಈಡಿಯಟ್...
ಶಿ ಈಸ್ ಆಲ್ಸೋ ನಾಟ್ ಡಿಫರೆಂಟ್....ನರ್ಡ್ ಪೇರ್...

ಶತಭಿಷನಿಗೆ ಇನ್ನೂ ಓದಲಾಗಲಿಲ್ಲ...ಮೊಬೈಲ್ ವಾಪಸ್ ಕೊಟ್ಟ...ಲಾಕ್ ಮಾಡುವಾಗ ಏನೋ ಕಂಡಂತಾಯಿತು...ಸ್ಕ್ರೀನ್ ಅನ್‍ಲಾಕ್ ಮಾಡುವ ಪ್ಯಾಟರ್ನ್ ಗೊತ್ತಿರಲಿಲ್ಲ...ಅವಳ ಮುಖ ನೋಡಿದ..
.
ಎಸ್ ಎಂದಳು...

ಎಸ್ ಎಂದರೆ ಶತಭಿಷನಾ? ಶ್ರಾವಣಿಯೂ ಆಗಬಹುದು...ಮೊಬೈಲಿನ ಸ್ಕ್ರೀನ್‍ನಲ್ಲಿ ಕನ್ನಡದ ಪುಸ್ತಕದ ಫೋಟೋವೊಂದಿತ್ತು... “ಐದು ಪೈಸೆ ವರಕ್ಷಿಣೆ”. ಜಯನಗರದ ಟೋಟಲ್ ಕನ್ನಡ ಮಾಲಿಗೆ ಹೋದಾಗ ಇವನೇ ಕೊಡಿಸಿದ್ದ...ಅಲ್ಲಲ್ಲ...ಇವನಿಗೆ ಇಂಟರ್ನ್‍ಶಿಪ್ ಸಿಕ್ಕ ಮೊದಲ ತಿಂಗಳ ಸಂಬಳದಲ್ಲಿ ಆಕೆಯೇ ಕೊಡಿಸಿಕೊಂಡಿದ್ದಳು..ನಂತರ ಮಯ್ಯಾಸಿಗೆ ಹೋಗಿ ಕಾಫಿ ಕುಡಿದಿದ್ದರು..
..
“ಏನಕ್ ಇದೆಲ್ಲಾ ಗೊತ್ತಾಗ್ತಿಲ್ಲಾ ಕಣೆ....ನಾನ್ ಏನಾದ್ರೂ ತಪ್ಪ್ ಮಾಡಿದ್ನಾ? ನಿಂಗ್ ಹರ್ಟ್ ಮಾಡಿದ್ನಾ?” ಶತಭಿಷ ಆಕೆಯ ಕಣ್ಣಲ್ಲಿ ಕಣ್ಣಿಟ್ಟು ಕೇಳಿದ್ದ..
.
“ಹೂ ...ಊಹೂಂ...”
“ಅಂದ್ರೆ”
“ಹೌದು...ಇಲ್ಲ...”
“ಕರೆಕ್ಟಾಗ್ ಹೇಳು...”
“ಗೊತ್ತಿಲ್ಲ...”
“ಲೇಯ್....ಹಿಂಗಂದ್ರೆ ಹೆಂಗೆ?”
“ಹೆಂಗಂದ್ರೆ?”
“ನಾನು...ನೀನು....ನಮ್ಮ್ ಸ್ಟೇಟಸ್ ಏನು? ಆ ಕನ್ಫೆಷನ್ ಇಂದಾ ನಿಂಗ್ ಬೇಜಾರಾಯ್ತಾ?”
“ಬೇಜಾರಾ...ಅವಾಗ್ ಆಯ್ತು...ಈಗ್ ಇಲ್ಲ...”
“ಹಮ್...ಹೆಂಗೇ ಅದು? ನಾ ಇನ್ನೂ ಕನ್ಫೂಸ್ಡ್ ಆಗೇ ಇದೀನಿ...”
“ಕಮೆಂಟ್ಸ್ ಎಲ್ಲಾ ಓದಿದಿಯಲ್ಲಾ ನೀನೇ...”
“ಹೂಂ...ಅದ್ರಲ್ಲ್ ಯಾವ್ದ್ ಕರೆಕ್ಟ್ ಅನ್ಸತ್ತೆ ನಿಂಗೆ?”
“ನಂಗೆ...ಎಲ್ಲಾದೂ..”
“ಅಂದ್ರೆ?”

ಇನ್ನಷ್ಟು ಸುತ್ತಿ ಬಳಸಿ ಮಾತನಾಡಿದ ಮೇಲೆ ಶತಭಿಷ ಕೇಳಿಯೇ ಬಿಟ್ಟ...

“ಏಯ್...ನಾನು..ನೀನು...ನಮ್ಮ್ ಸ್ಟೇಟಸ್ ಏನು? ಬರೀ ಫ್ರೆಂಡ್ಸಾ? ಬೆಸ್ಟ್ ಫ್ರೆಂಡ್ಸಾ? ಕಪಲ್ಸಾ? ಡೇಟಿಂಗ್ ಅನ್ಕೋಬಹುದಾ?”
“ನನ್ ಆಫ್ ದ ಅಬವ್...”
“ಅಂದ್ರೆ...ಇಟ್ಸ್ ಕಾಂಪ್ಲಿಕೇಟೆಡ್ ಅಂತಾ ನಾ?”
“ಆಹಾ...ಇಟ್ಸ್ ಸಿಂಪಲ್...”
“ಅಂದ್ರೆ?”
“ಈ ರಿಲೇಷನ್‍ಶಿಪ್...ಅದಕ್ಕೆ ಒಂದ್ ಹೆಸರು...ಆ ಹೆಸರಿಗೆ ಒಂದಿಷ್ಟ್ ರೂಲ್ಸು...ಇವೆಲ್ಲಾ ಸರಿಬರಲ್ಲಾ ಕಣೋ...ಜಸ್ಟ್ ಗೋ ವಿಥ್ ದ ಫ್ಲೋ...ಏನೋ ಒಂದ್ ಹೆಸರ್ ಕೊಟ್ಟು ಯಾಕ್ ಲಿಮಿಟ್ ಮಾಡಣಾ?”

“ಹಮ್...ಅಂದ್ರೆ” ಶತಭಿಷ ಮತ್ತೆನೋ ಕೇಳುವಷ್ಟರಲ್ಲೇ ಆಕೆಯ ಫ್ರೆಂಡ್ ಕಾಲ್ ಮಾಡಿದ್ದಳು...

“ಬಾಯ್ ಕಣೋ...” ಎಂದು ಆಕೆ ಹೊರಟಿದ್ದಳು...

ಈತ ಹತ್ತು ನಿಮಿಷ...ಸುಮ್ಮನೆ ನಿಂತ ... ವಾಪಸ್ ಹೊರಟ....ಹ್ಯಾಕಥಾನ್‍ನಾ ಜಡ್ಜ್‍ಗಳು ವಾಪಸ್ ಲಿಫ್ಟಿನಲ್ಲಿ ಎದುರು ಸಿಕ್ಕರು... ಹಾಯ್ ಎಂದ... ಆ ರಾತ್ರಿ ಡಿಸೈನ್ ಮಾಡುತ್ತಿದ್ದ ಅಲೆಕ್ಸಾ ಸ್ಕಿಲ್ಲಿನ ಪ್ರೋಟೋಟೈಪಿನ ಬಗ್ಗೆ ಯೋಚಿಸುತ್ತಿದ್ದ....

. ಈತನ ಮೊಬೈಲಿಗೆ ಫೇಸ್‍ಬುಕ್ ಮೆಸೆಂಜರ್ ನೋಟಿಫಿಕೇಷನ್ ಬಂದಿತ್ತು....ಕನ್ಫೆಷನ್ ಪೇಜಿನ ಅಡ್ಮಿನ್ ಅಕೌಂಟ್‍ನಿಂದ ಮೆಸ್ಸೇಜು...
.
“ಸಾರಿ ಬ್ರೋ...ಶುಡ್ ವಿ ಡಿಲೀಟ್ ದಾಟ್ ಪೋಸ್ಟ್ 655?”

ಪಕ್ಕದಲ್ಲೇ ಶ್ರಾವಣಿ ಇದ್ದಳು ವಾಲೆಂಟಿಯರ್ಸ್ ಗ್ರೂಪ್‍ನೊಂದಿಗೆ.....
“ಯಸ್...” ಎಂದು ಟೈಪಿಸಿದ ಶತಭಿಷ ಮತ್ತೊಮ್ಮೆ ಪೇಜಿನ ಟೈಟಲ್ ಓದಿದ...

ಕನ್ಫೆಷನ್ ಆಂಡ್ ಪ್ರಪೋಸಲ್ಸ್....ಓಪನ್ ಪ್ಲಾಟ್‍ಫಾರಂ ಟು ಬ್ಲೀಡ್ ಯುರ್ ಹಾರ್ಟ್...
ಹ್ಯಾಕಥಾನಿನ ಬ್ಯಾಡ್ಜು ಹಾರಾಡುತ್ತಿತ್ತು.....
.ಏನೋ ರಪ್ಪನೆ ಹೊಳೆಯಿತು...
“ಲೆಟ್ ಇಟ್ ಬಿ” ಎಂದು ರಿಪ್ಲೈ ಬರೆದು ಲ್ಯಾಪ್‍ಟಾಪಿನ ಕಡೆ ದೌಡಾಯಿಸಿದ...
****
ಶ್ರಾವಣಿ ನ್ಯೂಯಾರ್ಕಿನಲ್ಲಿದ್ದಳು...ಸ್ನೇಹಿತರೊಟ್ಟಿಗೆ ಯಾವುದೋ ಪಾರ್ಟಿಗೆ ಹೋಗಿದ್ದಳು...
ಅಲ್ಲಿದ್ದ ಅಲೆಕ್ಸಾದೊಂದಿಗೆ ಎಲ್ಲರೂ ಆಟವಾಡತೊಡಗಿದರು...ತಮಗೆ ಅನಿಸಿದ್ದ ಕನ್ಪೆಷನ್‍ಗಳನ್ನು ಹೇಳಿ, ಎಲ್ಲರೆದುರು ಕೇಳಿಸುತ್ತಿದ್ದರು..
ಯಾರು ಹೇಳಿದ್ದರೆಂಬುದು ಮಾತ್ರ ಗೌಪ್ಯವಾಗಿರುತ್ತಿತ್ತು...
ಜಗತ್ತಿನೆಲ್ಲೆಡೆ ಬಜ್ ವರ್ಡ್ ಆಗಿದ್ದ ಆ ಸ್ಕಿಲ್ಲನ್ನು ಶ್ರಾವಣಿ ಅಲೆಕ್ಸಾ ಸ್ಟೋರಿನಲ್ಲಿ ಹುಡುಕಿದಾಗ,
ಕನ್‍ಫೆಷನ್ ಬೈ ಸ್ಟೇಟಸ್ ನಾಟ್ ರಿಕ್ವೈರ್ಡ್” ಎಂದು ತೋರಿಸುತ್ತಿತ್ತು....
****
ಶತಭಿಷ ಬೆಂಗಳೂರಿನ ಏರ್‍ಪೋರ್ಟಿನಲ್ಲಿ ಕಾಯುತ್ತಿದ್ದ...
-ಚಿನ್ಮಯ
26/11/2018

ತುಳಸಿ ಗಿಡ

ತುಳಸಿ ಗಿಡದ ಮೇಲೆ ಮೆಣಸಿನ ಕಾಯಿ ಬಿಟ್ಟಿದೆ
ಪೂಜೆ ಮುಗಿಸಿ ಬಟ್ಟಲು ಹಿಡಿದು ನಿಂತಿದ್ದೇನೆ
ಹೂವು-ಗಂಧ-ನೀರು ಚೆಲ್ಲುವುದೋ? ಬಿಡುವುದೋ?

ಪೂಜೆ ಮಾಡಿದ ಪುಣ್ಯ ನೀರು ಚೆಲ್ಲದೇ ಬಾರದು ಅಮ್ಮ ಹೇಳಿದ್ದಳು
ಅಪ್ಪ ಚೆಲ್ಲಿದ್ದಂತೂ ನೋಡಿಲ್ಲ; ಕ್ಲೀನು ಮಾಡಿ ಬೇಜಾರಾಗಿತ್ತೇನೋ
ಎಲ್ಲೆಂದರಲ್ಲಿ ಚೆಲ್ಲಬಾರದು ಅಜ್ಜಿಯೊಂದು ದಿನ ಹೇಳಿದ್ದ ನೆನಪು
ತುಳಸೀಗಿಡ ಇದ್ದದ್ದರಲ್ಲಿ ಪವಿತ್ರ; ಹೂವು ಹಾಗೇ ಗೊಬ್ಬರವಾಗುವುದೇನೋ

ತೀರ್ಥಕ್ಕೆ ತುಳಸಿಯಿರಲೇ ಬೇಕು; ಕೆಮ್ಮಿಗೆ ತುಳಸಿ-ಜೇನು ಸಾಕು
ವರುಷಕ್ಕೊಮ್ಮೆ ಮಾಡುವ ಮದುವೆ; ನಿತ್ಯ ಬೆಳಿಗ್ಗೆಯ ಶುಭ ಇದುವೇ
ತುಳಸೀಗಿಡ ನಮ್ಮನೆಯ ಗರ್ವ;
ಚಿಕ್ಕಂದಿನಿಂದ ಬೆಳೆಸಿದ ಆದರ್ಶಗಳಷ್ಟೇ

ಕಾಸಿನ ಜರೂರತ್ತಿನ ಸಮಯದಲ್ಲಿ ವ್ಯವಹಾರ ಬಲ್ಲವರ ಮಾತು
ಸೂಜೀಮೆಣಸ ಒಣಗಿಸಿ ಮಾರಿದರೆ ಒಳ್ಳೇ ದರ; ಬಿಳಿಯ ಗೊಬ್ಬರ ಹಾಕಿ
ಆಡಚಣೆ ಬೇರೇನೂ ಇಲ್ಲ;
ಆ ತುಳಸಿಯನ್ನು ಸೂಜಿಮೆಣಸಿನ ಗಿಡವೆಂದು ಒಪ್ಪಬೇಕಷ್ಟೇ

ಎಲೆಯೊಂದ ತಿಂದು ನೋಡಿದೆ ವಾಡಿಕೆಯಂತೆ;
ತುಳಸಿಯೇ ಖಾರವೇನಿಲ್ಲ,ಘಾಟಿಲ್ಲ; ಮೆಣಸಿನ ಕಾಯಿ ಮಾತ್ರ ಕಾಣಿಸುತ್ತಿದೆ
ಕಿತ್ತು ಎಸೆದು ಬಿಡಲೇ ಮೆಣಸನ್ನು?
ಕಾಪಾಡಿಕೊಳ್ಳುವಾ ಹಿಂದಿಂದ ನಂಬಿದ ರೀತಿ ರಿವಾಜನ್ನು

ಕಾಲ ಬದಲಾಗುತ್ತಿದೆ; ಅವಕಾಶ ಮನೆಬಾಗಿಲಲ್ಲಿ ಬಂದು ಕೂತಿದೆ
ಒಂದಿಷ್ಟು ಮಾರಿಕೊಂಡು; ಗಂಟನ್ನಷ್ಟು ಕಟ್ಟಿಕೊಳ್ಳಬಾರದೇ?
ದೇವರಕೋಣೆಯೆಂಬುದೇ ಮೂರಡಿ ಜಾಗವಾಗಿರುವಾಗ
ಅಂಗಳ ಮಧ್ಯದಲ್ಲಿರುವ ಕಟ್ಟೆ ತೆಗೆದು ಸಾಗುವಳಿ ಶುರುಮಾಡಬಾರದೇ?

ಹಣೆ ಹಚ್ಚಿದ ಭಸ್ಮ ಒಣಗಿ ಕಣ್ಣಿಗೆ ಬೀಳುತ್ತಿದೆ
ಮೀಟಿಂಗಿಗೆ ಸಾಗುವ ಮುನ್ನ ಅಳಿಸಿ ಬಿಡಲೇ?
ನೀರು ಚೆಲ್ಲಿ, ಮಡಿ ಬಿಚ್ಚಿ, ಎಂದಿನ ಸ್ವಂತಿಕೆಯ ಹಠದಲ್ಲಿ ಸಾಗಿ
ಓಡುವ ಗೂಳಿಯ ಬಾಲ ಹಿಡಿವುದ ಬಿಟ್ಟು, ಎತ್ತು-ನೇಗಿಲ ಹಿಡಿಯಲೇ?

ತುಳಸಿ ಗಿಡದ ಮೇಲೆ ಮೆಣಸಿನ ಕಾಯಿ ಬಿಟ್ಟಿದೆ
ಪೂಜೆ ಮುಗಿಸಿ ಬಟ್ಟಲು ಹಿಡಿದು ನಿಂತಿದ್ದೇನೆ

-ಚಿನ್ಮಯ
14/10/2018